07th Sep2022

ປະທານປະເທດ ມອບສານຕາຕັ້ງໃຫ້ທູດລາວ ໄປປະຈໍາການຢູ່ຕ່າງປະເທດ

by Peaung Thanonkeo

ໃນວັນທີ 7 ກັນຍາ 2022 ນີ້, ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ ໄດ້ມອບສານຕາຕັ້ງ ໃຫ້ບັນດາເອກອັກຄະລັດຖະທູດ ເພື່ອໄປປະຈໍາການຢູ່ຕ່າງປະເທດ ຄື: ທ່ານ ສົງການ ຫລວງມຸນິນທອນ ແຕ່ງຕັ້ງໄປເປັນເອກອັກຄະລັດຖະທູດ ປະຈຳ ສ ເກົາຫລີ; ທ່ານ ດວງມະນີ ຍອດສີອຸດົມ ປະຈຳຢູ່ ອັງກິດ.

ທ່ານ ໄມບົວ ໄຊຍະວົງ ປະຈຳຢູ່ ເຢຍລະມັນ; ທ່ານ ແກ້ວ ມັກຄະຜົນ ປະຈຳ ຢູ່ ສປປ ເກົາຫລີ; ທ່ານ ບຸນມີ ວັນມະນີ ປະຈໍາຢູ່ ອິນເດຍ ແລະ ທ່ານ ສອນໄຊ ວັນນະໄຊ ໄປເປັນເອກອັກຄະລັດຖະທູດ ປະຈຳຢູ່ ຟີລິບປິນ.

ໂອກາດນີ້, ທ່ານ ທອງລຸນ ສີສຸລິດ ໄດ້ສະແດງຄວາມຍ້ອງຍໍຊົມເຊີຍ ຕໍ່ບັນດາເອກອັກຄະລັດຖະທູດ ທັງ 6 ທ່ານ ທີ່ຈະໄປປະຕິບັດໜ້າທີ່ທາງການທູດຢູ່ຕ່າງປະເທດ ຈົ່ງສືບຕໍ່ປະກອບສ່ວນເຂົ້າໃນການຮັດແໜ້ນ ແລະ ເສີມຂະຫຍາຍສາຍພົວພັນການທູດທີ່ມີມາແຕ່ດົນນານ ລະຫວ່າງ ສປປ ລາວ ກັບຕ່າງປະເທດ ໃຫ້ແໜ້ນແຟ້ນຍິ່ງຂຶ້ນ ແລະ ສ້າງຄວາມເປັນມິດກັບທຸກປະເທດ, ທຸກອົງການຈັດຕັ້ງທີ່ຕົນປະຕິບັດໜ້າທີ່ການທູດຢູ່ປະເທດນັ້ນໆ, ພ້ອມຫວັງວ່າ ບັນດາເອກອັກຄະລັດຖະທູດ ຈະປະຕິບັດຕາມໜ້າທີ່ ທີ່ໄດ້ຮັບມອບໝາຍໃຫ້ໄດ້ຮັບຜົນສຳເລັດ ແລະ ເດີນທາງໄປປະຕິບັດໜ້າທີ່ດ້ວຍຄວາມສະຫວັດດີພາບ.

Off

Comments are closed.