09th Feb2016

ເກີດເຫດອັກຄີໄພ 3 ຄັ້ງ ຜົນເສຍຫາຍຫຼາຍກວ່າ 600ລ້ານກີບ

by somchan

ໃນກາງຄືນຂອງວັນທີ 7 ກຸມພາ 2016 ໄດ້ເກີດເຫດໄຟໄໝ້ເຮືອນຂອງນາງ ນັດທິດາ ອາຍຸ 37 ປີ ອາຊີບຄ້າຂາຍ ຢູ່ບ້ານສີສະຫວາດເໜືອ ເມືອງຈັນທະບູລີ ນະຄອນຫຼວງວຽງຈັນ ເຊິ່ງເປັນເຮືອນສອງຊັ້ນ ເຮືອນຫຼັງດັ່ງກ່າວ ເປີດເປັນຮ້ານຂາຍເຄື່ອງກໍ່ສ້າງ ລວມມູນຄ່າເສຍຫາຍປະມານ 150 ລ້ານກີບ, ສ່ວນສາເຫດຂອງການເກີດອັກຄີໄພ ແມ່ນເກີດຈາກການໄຕ້ທູບທຽນບູຊາ.

ແລະໃນວັນດຽວກັນຢູ່ບ້ານຊຽງຄວນ ເມືອງຫາດຊາຍຟອງ ກໍ່ໄດ້ເກີດເຫດການໄຟໄໝ້ເຮືອນຂອງນາງນ້ອຍ ອາຍຸ 62 ປີ ອາຊີບ ຄ້າຂາຍ. ເປັນເຮືອນສອງຊັ້ນ ຊັ້ນລຸ່ມກໍ່ ຊັ້ນເທິງໄມ້ ສ່ວນສາເຫດແລະ ມູນຄ່າເສຍຫາຍຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່.

----------20-------6-2-2016-(CUT)

ແລະໃນວັນທີ 6 ກຸມພາ 2016ນີ້ກໍ່ໄດ້ເກີດເຫດໄຟໄໝ້ຕະຫຼາດຫຼັກ 20 ບ້ານໜອງປອງເມືອງຄຳເກີດແຂວງບໍລິຄຳໄຊ ໄຟໄດ້ໄໝ້ຮ້ານຂາຍເຄື່ອງຈຳນວນ 8 ຮ້ານ, ເຈົ້າໜ້າທີ່ໄດ້ໃຊ້ລົດມອດໄຟຈຳນວນ 2 ຄັນ ເພື່ອສະກັດກັ້ນບໍ່ໃຫ້ໄຟໄໝ້ລຸກລາມໄປໃສ່ຮ້ານອື່ນ ໃຊ້ເວລາ 3 ຊົ່ວໂມງຈຶ່ງສາມາດຄອບຄຸມໄຟໄວ້ໄດ້ ລວມມູນຄ່າເສຍຫາຍ 530 ກວ່າລ້ານກີບ ສ່ວນສາເຫດຂອງການເກີດອັກຄີໄຟ ແມ່ນເກີດຈາກໄຟຟ້າລັດວົງຈອນ.

 

Off

Comments are closed.