08th Sep2022

ລັດຖະມົນຕີກະຊວງ ປກສ ຕ້ອນຮັບການເຂົ້າຢ້ຽມຂ່ຳນັບເອກອັກຄະລັດຖະທູດ ຕວກກີ ປະຈຳລາວ

by Peaung Thanonkeo

ໃນວັນທີ 8 ກັນຍາ ນີ້ ພົອ ວິໄລ ຫຼ້າຄຳຟອງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ໂອຮານ ໄອຊິກ ເອກອັກຄະລັດຖະທູດ ວິສາມັນຜູ້ມີອຳນາດເຕັມແຫ່ງສາທາລະນະລັດ ຕວກກີ ປະຈຳ ສປປ ລາວ ເນື່ອງໃນໂອກາດທີ່ມາດຳລົງຕຳແໜ່ງເປັນເອກອັກຄະລັດຖະທູດ ປະຈຳ ສປປ ລາວ ຄົນໃໝ່.

ໂອກາດນີ້ ພົອ ວິໄລ ຫຼ້າຄຳຟອງ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຂົ້າຢ້ຽມຂ່ຳນັບໃນຄັ້ງນີ້ ແລະ ກໍໄດ້ແຈ້ງສະພາບການຕ່າງໆຂອງສອງປະເທດໃຫ້ກັນຊາບ ໂດຍສະເພາະແມ່ນ ດ້ານວຽກງານປ້ອງກັນຄວາມສະຫງົບ. ພ້ອມທັງປຶກສາຫາລືການຮ່ວມມືກັນໃນຕໍ່ໜ້າ ແລະ ການຊ່ວຍເຫຼືອເຊີ່ງກັນແລະກັນ ໃຫ້ແກ່ກຳລັງປ້ອງກັນຄວາມສະຫງົບລາວ ເປັນຕົ້ນແມ່ນ ດ້ານວຽກງານວິຊາສະເພາະ, ອຸປະກອນເຕັກນິກຮັບໃຊ້ວຽກງານວິຊາສະເພາະ ແລະອື່ນໆ. ພ້ອມທັງອວຍພອນໃຫ້ທ່ານເອກອັກຄະລັດຖະທູດ ຈົ່ງປະສົບຜົນສຳເລັດໃນການດຳລົງຕຳແໜ່ງ ແລະ ຫວັງຢ່າງຍີ່ງວ່າຈະເພີ່ມທະວີສາຍພົວພັນຮ່ວມມືຂອງສອງ ປະເທດລາວ-ຕວກກີ ໃຫ້ງອກງາມຍິ່ງໆຂຶ້ນ.

Off

Comments are closed.