08th Sep2022

ກອງປະຊຸມວຽກງານປະກັນສັງຄົມ ທົ່ວກຳລັງປ້ອງກັນຄວາມສະຫງົບຄັ້ງທີ I

by Peaung Thanonkeo

ກອງປະຊຸມວຽກງານປະກັນສັງຄົມ ທົ່ວກຳລັງປ້ອງກັນຄວາມສະຫງົບຄັ້ງທີ I ໄດ້ຈັດຂື້ນໃນວັນທີ 8 ກັນຍາ 2022 ນີ້ທີ່ສະໂມສອນກະຊວງປ້ອງກັນຄວາມສະຫງົບ ໂດຍການໃຫ້ກຽດເປັນປະທານຂອງ ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ

ມີບັນດາຄະນະພັກ – ຄະນະບັນຊາ,ກົມໃຫຍ່,ຫ້ອງວ່າການກະຊວງ,ກົມປະກັນສັງຄົມກົມໃຫຍ່ການເມືອງ ປກສ ກົມກອງອ້ອມຂ້າງ,ກອງບັນຊາການ ປກສ ນະຄອນຫລວງວຽງຈັນ-ບັນດາກອງບັນຊາການ ປກສ ແຂວງທົ່ວປະເທດ ເຂົ້າຮ່ວມ.

 

ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ ໄດ້ມີຄຳເຫັນຕໍ່ກອງປະຊຸມວ່າ: ວຽກງານປະກັນສັງຄົມ ແມ່ນວຽກງານໜຶ່ງທີ່ມີຄວາມ   ໝາຍສຳຄັນຕົ້ນຕໍໃນການສ້າງຫຼັກປະກັນສິດທິຂັ້ນພື້ນຖານ ຂອງຜູ້ອອກແຮງງານ ເວົ້າລວມ, ເວົ້າສະເພາະ ແມ່ນການປະຕິບັດແນວທາງ ນະໂຍບາຍຂອງ ພັກ-ລັດທີ່ມີຕໍ່ນາຍ ແລະ ພົນຕຳຫຼວດ, ພະນັກງານບຳນານ, ເສຍອົງຄະ ແລະ ສະມາຊິກຄອບຄົວໃນການອຸດໜູນປະເພດຕ່າງໆ ບົນພື້ນຖານຫຼັກການສະສົມທຶນເພື່ອຊ່ວຍເຫຼືອເຊີ່ງກັນ ແລະ ກັນ. ຍ້ອນເຫັນໄດ້ຄວາມສຳຄັນຕໍ່ວຽກງານດັ່ງກ່າວ ຄະນະພັກ-ຄະນະນຳກະຊວງປ້ອງກັນຄວາມສະຫງົບ ຈຶ່ງໄດ້ຕົກລົງສ້າງຕັ້ງກົມປະກັນສັງຄົມ ຂຶ້ນຢ່າງເປັນທາງການໃນເດືອນມັງກອນ 2020,ວຽກງານປະກັນສັງຄົມມີຄວາມເຕີບໃຫຍ່ຂະຫຍາຍຕົວ ແລະ ປະຕິບັດຕາມລະບຽບ, ກົດໝາຍ ທີ່ໄດ້ ກໍານົດໄວ້ເປັນຕົ້ນແມ່ນ ຄົ້ນຄວ້າສ້າງ ແລະ ປັບປຸງນິຕິກໍາຮັບໃຊ້ວຽກງານປະກັນສັງຄົມ, ປັບປຸງຄຸນ ນະພາບການບໍລິການປິ່ນປົວສຸຂະພາບ ໃຫ້ຜູ້ປະກັນຕົນ, ການສ້າງແຜນງົບປະມານ ແລະ ເບີກຈ່າຍເງິນ ອຸດໜູນ, ເງິນນະໂຍບາຍຕ່າງໆ ໃຫ້ແກ່ພະນັກງານບຳນານ-ເສຍອົງຄະ, ພະນັກງານປະຈຳການ ແລະ ສະມາຊິກຄອບຄົວ ຕາມກົດໝາຍປະກັນສັງຄົມ ແລະ ຄົ້ນຄວ້າກະກຽມສ້າງລະບົບທັນສະໄໝ ໃນການ ຄຸ້ມຄອງບັນຊີເງິນເດືອນບຳນານ, ການອອກບັດບຳນານ, ບັດປະກັນສັງຄົມທົ່ວກຳລັງປ້ອງກັນຄວາມ ສະຫງົບ ແລະ ການປະກັນສຸຂະພາບ. ຄຽງຄູ່ກັບຜົນງານທີ່ເຮັດໄດ້ນັ້ນ ພວກເຮົາກໍ່ຍັງພົບບັນຫາຄົງຄ້າງ ແລະ ຂໍ້ຫຍຸ້ງຍາກເປັນຕົ້ນແມ່ນ: ການຄົ້ນຄ້ວາສ້າງ ແລະ ປັບປຸງນິຕິກໍາຮັບໃຊ້ວຽກງານປະກັນສັງຄົມຍັງ ຊັກຊ້າ, ການຈັດຕັ້ງໂຄສະນາເຜີຍແຜ່ບໍ່ທັນທົ່ວເຖິງ ແລະ ເລິກເຊິ່ງ, ການຈັດຕັ້ງວຽກງານປະກັນສັງຄົມ ລະຫວ່າງກະຊວງ ແລະ ກົມກອງ, ທ້ອງຖິ່ນຍັງບໍ່ທັນສອດຄ່ອງກັນ, ພະນັກງານ-ນັກຮົບທີ່ເຮັດວຽກງານ ປະກັນສັງຄົມຍັງບໍ່ທັນໄດ້ຮັບ ການຝຶກອົບຮົມ, ແບບແຜນວິທີເຮັດວຽກ ແລະ ການພົວພັນປະສານ ສົມທົບລະຫວ່າງກະຊວງ ແລະ ກົມກອງທ້ອງຖິ່ນ ຍັງບໍ່ທັນດີເທົ່າທີ່ຄວນ. ສະນັ້ນຈຶ່ງມີຄວາມຈຳເປັນຈັດຕັ້ງກອງປະຊຸມວຽກງານປະກັນສັງຄົມ ທົ່ວກຳລັງປ້ອງກັນຄວາມ ສະຫງົບ ຄັ້ງທີ I ຂື້ນ ຊຶ່ງກອງປະຊຸມຄັ້ງນີ້ຈະໄດ້ພ້ອມກັນສະຫຼຸບຕີລາຄາ ແລະ ຖອດຖອນບົດຮຽນການຈັດຕັ້ງປະຕິບັດວຽກງານປະກັນສັງຄົມ ໃນທົ່ວກຳລັງປ້ອງກັນຄວາມສະຫງົບໃນ ໄລຍະຜ່ານມາ, ພ້ອມກັນຄົ້ນຄວ້າວາງທິດທາງແຜນການໃນຕໍ່ ໜ້າ ພ້ອມນີ້ທ່ານຍັງໄດ້ຮຽກຮ້ອງບັນດາຜູ້ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບ ຜິດຊອບຂອງຕົນ ໃນການເຊື່ອມຊຶມກຳແໜ້ນ, ປະກອບຄຳເຫັນແລກປ່ຽນບົດຮຽນຊຶ່ງກັນ ແລະ ກັນ ກ້າວໄປເຖິງຄວາມເປັນເອກກະພາບ ໃນການຈັດຕັ້ງປະຕິບັດໃຫ້ຖືກຕ້ອງ ແລະ ສອດຄ່ອງກັບສະພາບຕົວ ຈິງຕາມລະບຽບຫຼັກການຂອງກົດໝາຍປະກັນສັງຄົມວາງອອກ ແນ່ໃສ່ນຳເອົາເນື້ອໃນຈິດໃຈໃນບັ້ນ ສະຫຼຸບ, ທອດຖອນບົດຮຽນ ແລະ ເຊື່ອມຊຶມຄັ້ງນີ້ ເພື່ອນຳໄປຈັດຕັ້ງປະຕິບັດຕົວຈິງ ຢູ່ກົມກອງ-ທ້ອງຖິ່ນ ຂອງຕົນ ໃຫ້ມີຜົນສຳເລັດຢ່າງແທ້ຈິງ.

 

ຈາກນັ້ນກອງປະຊຸມ ກໍ່ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານປະກັນສັງຄົມ ປະຈຳປີ 2021-2022 ແລະ ທິດທາງແຜນການ 3 ປີ 2022-2025 ຈາກ ພັອ ນ ວັດຊະລີ ສິດທິລືໄຊ ຫົວຫນ້າກົມປະກັນສັງຄົມ ຮັບຟັງການຜ່ານ ຄໍາແນະນໍາຂອງລັດຖະມົນຕີກະຊວງ ປກສ ກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການປະກັນສັງຄົມ (ສະບັບປັບປຸງໃໝ່)ໃນກໍາລັງປ້ອງກັນຄວາມສະຫງົບ,ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍວຽກງານປະກັນສຸຂະພາບໃນກໍາລັງປ້ອງກັນຄວາມສະຫງົບ ຈາກ ພົຈວ ປອ ສຸວັນນີ ສີສຸພາບມີໄຊ ຮອງຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບ,ນອກຈາກນີ້ຍັງໄດ້ຮັບຟັງຄຳແນະນຳຂອງກົມໃຫຍ່ການເມືອງປ້ອງກັນຄວາມສະຫງົບກ່ຽວກັບການຂຶ້ນທະບຽນ, ການອອກບັດປະກັນສັງຄົມ ແລະ ການຄຸ້ມຄອງບັນຊີສະມາຊິກປະກັນສັງຄົມໃນກຳລັງປ້ອງກັນຄວາມສະຫງົບ ພ້ອມທັງຮັບຟັງການປະກອບຄຳຄິດຄຳເຫັນການນຳພາການຈັດ ຕັ້ງປະຕິບັດວຽກງານປະກັນສັງຄົມ ຢູ່ກົມກອງຂອງຕົນໃນໄລຍະຜ່ານມາ ແລະ ວິທີການແກ້ໄຂໃນຕໍ່ໜ້າ ຈາກກົມໃຫຍ່ສັນຕິບານ,ການປັບປຸງວຽກງານບໍລິການປິ່ນປົວສຸຂະພາບ ໃຫ້ນາຍ ແລະ ພົນຕໍາຫຼວດ ຈາກກົມໃຫຍ່ພາລາທິການ,ການຄຸ້ມຄອງດູແລພະນັກງານບຳນານ, ເສຍອົງຄະ ແລະ ສະມາຊິກຄອບຄົວໃນໄລຍະຜ່ານມາ ຈາກຫ້ອງວ່າການກະຊວງ, ວຽກງານການຂຶ້ນທະບຽນ ແລະ ຂໍອອກບັດປະກັນສັງຄົມໃຫ້ນາຍ ແລະ ພົນຕໍາຫຼວດພາຍໃນກົມກອງ, ການນໍາໃຊ້ບັດເພື່ອປິ່ນປົວສຸຂະພາບ ມີຂໍ້ສະດວກ, ຂໍ້ຫຍຸ້ງຍາກ ຄືແນວໃດຈາກ ກອງບັນຊາ ປກສ ແຂວງຜົ້ງສາລີ ພ້ອມທັງວຽກງານອື່ນໆທີ່ປີ່ນອ້ອມ.

ໃນກອງປະຊຸມຜູ້ເຂົ້າຮ່ວມໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາ ແລະ ມີວິທະຍາສາດພ້ອມທັງເອກະພາບກັນກຳນົດທິດທາງແຜນການຈັດຕັ້ງປະຕິບັດວຽກງານປະກັນສັງຄົມ ປີ 2022-2025

Off

Comments are closed.