09th Sep2022

ພິທີປິດຊຸດອົບຮົມ-ມອບໃບຢັ້ງຢືນນັກສືກສາແພດບຳລຸງຄື້ນສຽງຄວາມຖີ່ສູງ ລະບົບ 6 ເດືອນ

by Peaung Thanonkeo

ວິທະຍາຄານການແພດກອງທັບ ໄດ້ຈັດພິທີປິດຊຸດອົບຮົມ-ມອບໃບຢັ້ງຢືນນັກສືກສາແພດບຳລຸງຄື້ນສຽງຄວາມຖີ່ສູງ ລະບົບ 6 ເດືອນຊຸດທີ 1 ໃນວັນທີ 9 ກັນຍາ 2022 ນີ້  ໂດຍການເປັນກຽດເຂົ້າຮ່ວມຂອງ ພົຈວ ດຣ ບົວສິງ ອີນທະວົງ ຮອງຫົວໜ້າກົມໃຫຍ່ພະລາທິການກອງທັບ, ພັອ ປອ ຈັນສະໝອນ ມະຫາວົງ ຫົວໜ້າການທະຫານວິທະຍາຄານການແພດກອງທັບ, ມີຄະນະພັກວິທະຍາຄານການແພດກອງທັບ, ວິທະຍາກອນ ແລະ ສໍາມະນາກອນເຂົ້າຮ່ວມ.

ພັທ ກິ່ງແກ້ວ ແສງຄໍາຢອງ ຫົວໜ້າຫ້ອງແຜນການອົບຮົມ ໄດ້ຜ່ານບົດສະຫລຸບການປະຕິບັດຫລັກສູດບຳລຸງຄື້ນສຽງຄວາມຖີ່ສູງ ລະບົບ 6 ເດືອນ ຊຸດທີ1 ສົກປີ 2021-2022 ຂອງວິທະຍາຄານການແພດກອງທັບ ເຊີ່ງມີນັກສຳມະນາກອນເຂົ້າຮ່ວມຝຶກອົບຮົມທັງໝົດ 20 ສະຫາຍ, ຍິງ 11 ສະຫາຍ, ໃນນັ້ນມາຈາກກະຊວງປ້ອງກັນຄວາມສະຫງົບ 01 ສະຫາຍ,  ເວລາປະຕິບັດໂຄງການຫຼັກສູດ 06 ເດືອນ, ລວມທັງໝົດມີ 756 ຊົ່ວໂມງ ນັບທັງພາກທິດສະດີ ແລະ ພາກປະຕິບັດຝຶກຫັດຕົວຈິງຢູ່ໃນໂຮງໝໍ ຄື: ການແພດພື້ນຖານ 20 ຊົ່ວໂມງ, ສັງເຂບກ່ຽວກັບຄື້ນສຽງ 16 ຊົ່ວໂມງ, ທິດສະດີຄື້ນສຽງ 70 ຊົ່ວໂມງ, ຝຶກຫັດຕົວຈິງ 650 ຊົ່ວໂມງ ຕະຫຼອດໄລຍະການຝຶກອົບຮົມຄະນະຮັບຜິດຊອບ ແລະ ນັກສຳມະນາກອນໄດ້ສຸມໃສ່ໃນການຄົ້ນຄ້ວາຮ່ຳຮຽນຢ່າງຕັ້ງໜ້າ ເຮັດໃຫ້ຊຸດບຳລຸງໃນຄັ້ງນີ້ມີຜົນສຳເລັດຕາມລະດັບຄສາດໝາຍທີ່ວ່າງໄວ້.

ໃນພິທີ ໄດ້ມອບໃບຍ້ອງຍໍ ຂັ້ນວິທະຍາຄານການແພດກອງທັບ ໃຫ້ວິທະຍາກອນ ຈຳນວນ 3 ທ່ານ ແລະ ມອບໃບຢັງຢືນສຳເລັດການຝຶກອົບຮົບໃຫ້ສຳມະນາກອນ ຈຳນວນ 20 ທ່ານ ໃຫ້ກຽດມອບໂດຍທ່ານ ພັອ ປອ ຈັນສະໝອນ ມະຫາວົງ ຫົວໜ້າການທະຫານ ວິທະຍາຄານການແພດກອງທັບ ພ້ອມທັງໄດ້ຮັບຟັງການໂອ້ລົມ, ໃຫ້ທິດຊີ້ນຳຈາກພົຈວ ດຣ ບົວສິງ ອີນທະວົງ ຮອງຫົວໜ້າກົມໃຫຍ່ພະລາທິການກອງທັບຕື່ມອີກ.

Off

Comments are closed.