09th Sep2022

ນະຄອນຫຼວງວຽງຈັນສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ.

by Peaung Thanonkeo

ນະຄອນຫຼວງວຽງຈັນໄດ້ຈັດພິທີສະເຫຼີມສະຫຼອງ ປີສາມັກຄີມິດຕະພາບ ລາວ-ຫວຽດນາມ ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ (18/07/1977-18/07/2022) ແລະ ວັນສ້າງຕັ້ງສາຍພົວພັນການທູດ ລະຫວ່າງ ລາວ-ຫວຽດນາມ ຄົບຮອບ 60 ປີ (05/09/1962-05/092022) ໃນ ວັນທີ 9 ກັນຍາ 2022 ນີ້, ເປັນກຽດເຂົ້າຮ່ວມ ແລະ ເປັນປະທານ ຂອງ ສະຫາຍ ປອ. ອານຸພາບ ຕຸນາລົມ ຄະນະເລຂາທິການສູນກາງພັກ, ຮອງເລຂາຄະນະພັກ, ປະທານສະພາປະຊາຊົນ ນະຄອນຫຼວງວຽງຈັນ, ມີ ສະຫາຍ ຫວງຽນ ບາ ຮຸ່ງ ເອກະອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສສ.ຫວຽດນາມ ປະຈຳ ສປປ ລາວ, ສະຫາຍ ພົຈວ ຄໍາຜາຍ ຈັນສີສະໝຸດ ພະນັກງານບໍານານ, ອາດີດຫົວໜ້າການທະຫານທ້ອງຖິ່ນ,  ມີຮອງເລຂາຄະນະພັກ, ກຳມະການປະຈຳພັກ, ກຳມະການພັກນະຄອນຫຼວງວຽງຈັນ; ເລຂາ-ຮອງເລຂາພັກເມືອງ, ຮອງເຈົ້າເມືອງ ທັງ 09 ຕົວເມືອງ, ຫົວໜ້າ-ຮອງຫົວໜ້າພະແນກການ-ອົງການທຽບເທົ່າອ້ອມຂ້າງ ນະຄອນຫຼວງວຽງຈັນ, ພະນັກງານບຳນານອາວຸໂສ, ປະທານ ແລະ ສະມາຊິກສະມາຄົມຫວຽດນາມ ປະຈຳຢູ່ນະຄອນຫຼວງວຽງຈັນ ເຂົ້າຮ່ວມຢ່າງເປັນຂະບວນຟົດຟື້ນ.

ໃນພິທີ ໄດ້ຮັບຟັງການຫວນຄືນມູນເຊື້ອແຫ່ງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ; ຮັບຟັງການເລົ່າຄວາມຮູ້ສຶກ ແລະ ປະສົບການຕົວຈິງ ໃນຂະບວນການສູ້ຮົບຮ່ວມກັບທະຫານອາສາສະໝັກຫວຽດນາມ ທີ່ມີຄວາມ   ໝາຍສໍາຄັນທາງປະຫວັດສາດຂອງຊາດ-ຂອງພັກ ແລະ ປະຊາຊົນສອງຊາດ ລາວ-ຫວຽດນາມ ໃນການຈັດງານສະເຫຼີມສະຫຼອງປີສາມັກຄີມິດຕະພາບ ລາວ-ຫວຽດນາມ ຢູ່ນະຄອນຫຼວງວຽງຈັນໃນຄັ້ງນີ້ໄດ້ສະແດງໃຫ້ເຫັນເຖີ່ງມິດຕະພາບອັນຫຍິງໃຫຍ່, ການພົວພັນຮອບດ້ານລະຫວ່າງສອງປະເທດ ຊຶ່ງເປັນການພົວພັນທີ່ຫາໄດ້ຍາກຢູ່ໃນໂລກນີ້, ໂດຍທີ່ພັກ-ລັດ ແລະ ປະຊາຊົນສອງຊາດລາວ-ຫວຽດ ນາມ ໄດ້ຮ່ວມກັນຖະນຸຖະໜອມຈາກຮຸ່ນກ່ອນຈົນເຖີ່ງຮຸ່ນປະຈຸບັນ ແລະ ໄດ້ຮັບການເສີມຂະຫຍາຍໃຫ້ແໜ້ນແຟ້ນຂື້ນເລື້ອຍໆ.

Off

Comments are closed.