12th Sep2022

ກົມປະກັນສັງຄົມຕ້ອງເພີ່ມທະວີພາລະບົດບາດຂອງຕົນໃຫ້ສູງຂຶ້ນ.

by somchan

ພົຕ ວັນທອງ ກອງມະນີ ຮອງລັດຖະມົນຕີ ຫົວຫນ້າກົມໃຫຍ່ການເມືອງ ປ້ອງກັນຄວາມສະຫງົບໄດ້ໂອ້ລົມ ແລະ ໃຫ້ທິດຊີ້ນຳໃນໂອກາດທີ່ເຂົ້າຮ່ວມກອງປະຊຸມວຽກງານປະກັນສັງຄົມ ທົ່ວກຳລັງປ້ອງກັນຄວາມສະຫງົບຄັ້ງທີ I ທີ່ຈັດຂື້ນໃນວັນທີ 8 ກັນຍາ 2022 ນີ້ທີ່ສະໂມສອນກະຊວງປ້ອງກັນຄວາມສະຫງົບ ທ່ານໄດ້ເນັ້ນຫນັກໃຫ້ຄະນະພັກ – ຄະນະບັນຊາ ກົມປະກັນສັງຄົມ ກົມໃຫຍ່ການເມືອງ ປກສ ສຸມໃສ່ເພີ່ມຄວາມຮັບຜິດຊອບຕໍ່ໜ້າທີ່ການເມືອງຕາມການມອບໝາຍໃຫ້ມີຜົນສຳເລັດ, ຈັດຕັ້ງເຜີຍແຜ່ເຊື່ອມຊຶມບັນດາເນື້ອໃນຈິດໃຈຂອງກອງປະຊຸມຄັ້ງນີ້ ໃຫ້ທົ່ວເຖິງ ເລິກເຊິ່ງ. ພ້ອມທັງ, ນໍາພາຈັດຕັ້ງປະຕິບັດໃຫ້ຖືກຕ້ອງ ແລະ ເຂັ້ມງວດ ໂດຍເອົາໃຈໃສ່ການນຳພາຄຸ້ມຄອງ ແລະ ບໍລິຫານວຽກງານປະກັນສັງຄົມ ທີ່ຢູ່ໃນຂອບເຂດຄວາມຮັບຜິດຊອບຂອງຕົນ ຢ່າງປະດິດສ້າງ, ປະສິດທິຜົນ ແລະ ມີຄວາມເຕີບໃຫຍ່ ຂະຫຍາຍຕົວຢ່າງຕໍ່ເນື່ອງສຶກສາອົບຮົມການເມືອງນຳພາແນວຄິດ ແກ່ພະນັກງານ ທີ່ເຮັດວຽກງານ ປະກັນສັງຄົມ ໃຫ້ຄວາມສະຫງົບ ໃຫ້ມີຄວາມອຸ່ນອ່ຽນ, ມີສະຕິຕໍ່ການຈັດຕັ້ງ, ສະຕິປະຕິບັດລະບຽບວິໄນ, ຄວາມສາມັກຄີເປັນເອກະພາບພາຍໃນ, ຄວາມຮັບຜິດຊອບຕໍ່ໜ້າທີ່ການເມືອງ, ອົດທົນຜ່ານຜ່າອຸປະສັກຂໍ້ຫຍຸ້ງຍາກ ເພື່ອເຮັດສຳເລັດໜ້າທີ່ຂອງຕົນ, ມີຄວາມບໍລິສຸດສັດຊື່, ມີຈັນຍາບັນ ແລະ ຈັນຍາທໍາໃນການປະຕິບັດໜ້າທີ່, ສືບຕໍ່ຍົກລະດັບຄວາມຮູ້ຄວາມສາມາດໃຫ້ແກ່ພະນັກງານ-ນັກຮົບ, ປັບປຸງການຈັດຕັ້ງ ແລະ ບຸກຄະລາກອນເຮັດວຽກງານປະກັນສັງຄົມ ເພື່ອຮອງຮັບການສ້າງ ລະບົບຄຸ້ມຄອງບັນຊີເງິນເດືອນບຳນານ, ການອອກບັດບຳນານ, ບັດປະກັນສັງຄົມ ແລະ ການປະກັນ ສຸຂະພາບ ດ້ວຍລະບົບທັນສະໄໝເຊີ່ງບາງຕອນທ່ານໄດ້ກ່າວວ່າ:

Off

Comments are closed.