13th Sep2022

ກົມຄົ້ນຄວ້າວິທະຍາສາດ-ປະຫວັດສາດ ເປີດບັ້ນດຳເນີນຊີວິດການເມືອງ.

by somchan

ກົມຄົ້ນຄວ້າວິທະຍາສາດ – ປະຫວັດສາດກະຊວງ ປກສ ເປີດບັ້ນດຳເນີນຊີວິດການເມືອງກວດກາຕີລາຄາແບ່ງປະເພດສະມາຊິກພັກ, ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2022 ໃນວັນທີ 13 ກັນຍາ 2022ນີ້ ໂດຍການເປັນປະທານຂອງ ພົຈວ ສະແຫວງ ພົມມະລີ ຄະນະພັກກະຊວງ, ເລຂາຄະນະພັກຮາກຖານ, ຫົວຫນ້າກົມຄົ້ນຄວ້າວິທະຍາສາດ-ປະຫວັດສາດ ມີບັນດາ ຄະນະພັກ-ຄະນະບັນຊາ ສະມາຊິກພັກ ແລະ ພະນັກງານນັກຮົບເຂົ້າຮ່ວມ.

ພັຈວ ສະແຫວງ ພົມມະລີ ໄດ້ກ່າວວ່າ: ການເປີດບັ້ນດຳເນີນຊີວິດການເມືອງໃນຄັ້ງນີ້ ເພື່ອເປັນການສຳຫຼວດກວດກາຄືນຄວາມຮັບຜິດຊອບ ໃນການນໍາພາ-ຊີ້ນຳ ຂອງຄະນະພັກ ຄະນະບັນຊາທຸກຂັ້ນໃນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍ ຄັ້ງທີ V ຂອງອົງຄະນະພັກກະຊວງ ມະຕິກອງປະຊຸມໃຫ່ຍຄັ້ງທີ I ຂອງຄະນະພັກຮາກຖານກົມຄົ້ນຄວ້າວິທະຍາສາດ-ປະຫວັດສາດ ເຂົ້າໃນຂະບວນການວຽກງານຕົວຈິງຂອງກົມກອງ, ທັງເປັນການກວດກາຄຸນທາດການເມືອງຄຸນສົມບັດສິນທຳປະຕິວັດ, ສະຕິຕໍ່ການຈັດຕັ້ງ ຄວາມຮູ້-ຄວາມສາມາດ ແລະ ແບບແຜນວິທີເຮັດວຽກຂອງສະມາຊິກພັກນາຍ ແລະ ພົນຕຳຫຼວດໃນການປະຕິບັດໜ້າທີ່ການເມືອງທີ່ໄດ້ຮັບມອບໝາຍ, ສ້າງໃຫ້ໄດ້ຄວາມເປັນເອກະພາບ ແລະ ຄວາມຕັດສິນໃຈສູງພາຍໃນພັກກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ, ຂອງກຳລັງ ເພື່ອກຳນົດທິດທາງ, ວິທີການ, ມາດຕະການອັນເໝາະສົມ ແກ້ໄຂປະກົດການຫຍໍ້ທໍ້ ໃຫ້ຫມົດໄປ, ສ້າງແບບແຜນວິທີເຮັດວຽກທີ່ມີວິທະຍາສາດຕິດແທດຕົວຈິງ, ສືບຕໍ່ກໍ່ສ້າງ ຮັກສາ ແລະ ເສີມຂະຫຍາຍມູນເຊື້ອໜ່ວຍພັກປອດໃສ, ເຂັ້ມແຂງ,   ໜັກແໜ້ນໃຫ້ປະກົດຜົນເປັນຈິງ.

ໃນກອງປະຊຸມໄດ້ຜ່ານຄຳສັ່ງແນະນຳ ຂອງຄະນະບໍລິຫານງານພັກກະຊວງ ປ້ອງກັນຄວາມສະຫງົບ ວ່າດ້ວຍການເພີ່ມທະວີການ ກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃນກໍາລັງປ້ອງກັນຄວາມສະຫງົບ ພ້ອມທັງແນະນໍາວິທີການຂຽນໃບສຳຫຼວດ ແລະ ແບ່ງຈຸສຳຫລວດກວດກາ ກອງປະຊຸມຈະໄດ້ດຳເນີນໄປເປັນເວລາ 3 ວັນຈຶ່ງຈະສຳເລັດ.

Off

Comments are closed.