13th Sep2022

ລັດຖະມົນຕີ ກະຊວງ ປກສ ຕ້ອນຮັບຜູ້ຕາງໜ້າອົງການ UNODC

by somchan

ໃນວັນທີ13ກັນຍາ ນີ້ ພົອ ວິໄລ ຫລ້າຄຳຟອງ ຮອງນາຍົກລັດຖະມົນຕີ ລັດຖະມົນຕີກະຊວງ ປກສ ພ້ອມດ້ວຍຄະນະ ໄດ້ຕ້ອນຮັບທ່ານ ເຈລາມີ ດາກລາສ ຜູ້ຕາງໜ້າອົງການສະຫະປະຊາຊາດເພື່ອຕ້ານຢາເສບຕິດ ແລະ ອາຊະຍາກໍາ ຫຼື (UNODC) ປະຈຳພາກພື້ນອາຊີຕາເວັນອອກສ່ຽງໃຕ້ ແລະ ພາກພື້ນປາຊີຟິກ ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປລາວ ໃນລະຫວ່າງວັນທີ12-15 ກັນຍາ2022 ນີ້.

ຈຸດປະສົງການເຂົ້າຢ້ຽມຂ່ຳນັບໃນຄັ້ງນີ້ເພື່ອ ປຶກສາຫາລື ກ່ຽວກັບ ວຽກງານຕ້ານອາຊະຍາກຳຂ້າມຊາດໃນພາກພື້ນ ແລະ ພາຍໃນປະເທດ ໂດຍສະເພາະ ບັນຫາຢາເສບຕິດ ແລະ ການກະທຳຜິດຕໍ່ກົດໝາຍ ລວມທັງການຈັດຕັ້ງປະຕິບັດບັນດາກິດຈະກຳຂອງໂຄງການພັດທະນາທາງເລືອກໃນ ສປປ ລາວ ທີ່ເປັນການຍົກລະດັບການປະສານງານ ແລະ ການຮ່ວມມືແບບສອງຝ່າຍລະຫວ່າງ ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກໍາ ຫຼື UNODC ແລະ ບັນດາພາກສ່ວນທີ່ກ່ຽວຂ້ອງຂອງ ສປປ ລາວ ເວົ້າລວມ, ເວົ້າສະເພາະແມ່ນກຳລັງປ້ອງກັນຄວາມສະຫງົບ.

ໂອກາດນີ້ ທ່ານ ຮອງນາຍົກລັດຖະມົນຕີ ລັດຖະມົນຕີ ກະຊວງ ປກສ ກໍ່ໄດ້ຕີລາຄາສູງຕໍ່ທ່ານ ເຈລາມີ ດາກລາສ໌ ພ້ອມດ້ວຍຄະນະທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ ສປປລ ລາວ ພ້ອມທັງລາຍງານສະພາບການແກ້ໄຂບັນຫາຢາເສບຕິດຢູ່ ສປປ ລາວ ໂດຍສະເພາະແມ່ນໄລຍະນີ້ ລັດຖະບານລາວກໍ່ຄືກຳລັງ ປກສ ພວມສຸມໃສ່ຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ເຫັນໄດ້ວ່າມີຜົນສຳເລັດຫລາຍດ້ານ ເປັນຕົ້ນແມ່ນສາມາດແກ້ໄຂເປົ້າໝາຍທີ່ພົວພັນກັບຢາເສບຕິດໄດ້ເປັນຈຳນວນຫຼາຍ ເຮັດໃຫ້ ສປປ ລາວ ມີຄວາມສະຫງົບ ແລະ ເປັນລະບຽບຮຽບຮ້ອຍ.

ພ້ອມນີ້, ທ່ານ ເຈລາມີ ດາກລາສ໌ ຜູ້ຕາງໜ້າອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກໍາ (UNODC) ປະຈຳພາກພື້ນອາຊີຕາເວັນອອກ ສ່ຽງໃຕ້ ແລະ ພາກພື້ນປາຊິຟິກ ຍັງໄດ້ສະແດງຄວາມຍິນດີສະໜັບສະໜູນລັດຖະບານລາວ ແລະ ທຸກກິດຈະກຳຂອງກະຊວງ ປກສ ໃນການແກ້ໄຂບັນຫາຢາເສບຕິດ ເພື່ອເຮັດໃຫ້ບັນຫາດັ່ງກ່າວຫຼຸດໜ້ອຍຖອຍລົງ.

Off

Comments are closed.