14th Sep2022

ປກສ ແຂວງ ບໍລິຄໍາໄຊ ປະກາດຍົກຍ້າຍ ແລະ ແຕ່ງຕັ້ງພະນັກງານຂັ້ນນໍາພາ-ບັນຊາ.

by somchan

ວັນທີ 12 ກັນຍາ 2022 ນີ້ ກອງບັນຊາການ ປກສ ແຂວງ ບໍລິຄໍາໄຊ ໄດ້ຈັດພິທີປະກາດຍົກຍ້າຍ ແລະ ແຕ່ງຕັ້ງພະນັກງານຂັ້ນນໍາພາ-ບັນຊາ. ເປັນປະທານໂດຍ ພັນເອກ ກົງຈັນ ໄຊປັນຍາ ຫົວຫນ້າກອງບັນຊາການ ປກສ ແຂວງ ບໍລິຄໍາໄຊ, ມີ ຄະນະພັກ, ຄະນະກອງບັນຊາການ, ຫົວຫນ້າຫ້ອງ, ກອງ, ຄ້າຍຄຸມຂັງ-ດັດສ້າງ, ໂຮງຮຽນ, ປກສ ເມືອງ, ພະນັກງານນໍາ ພາ-ບັນຊາອ້ອມຂ້າງກອງບັນຊາການ ປກສ ແຂວງ ເຂົ້າຮ່ວມ.

ພັທ ອວດ ວົງໄຊ ຫົວຫນ້າຫ້ອງການເມືອງ ກອງບັນຊາການ ປກສ ແຂວງ ໄດ້ຜ່ານຂໍ້ຕົກລົງຂອງລັດຖະມົນຕີ ກະຊວງປ້ອງກັນຄວາມສະຫົງບ ສະບັບເລກທີ 1402, 1403/ປກສ ລົງວັນທີ 01 ກັນຍາ 2022 ວ່າດ້ວຍການແຕ່ງຕັ້ງ ພັນເອກ ຜາຂົງ ດອກ ມະນີຈັນ ຮອງຫົວຫນ້າກອງບັນຊາການ ປກສ ແຂວງ ເປັນຫົວຫນ້າຫ້ອງສັນຕິບານ ໂດຍຄວບທັງສອງຕໍາແຫນ່ງ ແຕ່ງຕັ້ງ ພັນໂທ ວຽງ ຈັນບຸນມີ ເປັນຮອງຫົວຫນ້າຫ້ອງການກອງບັນຊາການ, ພັທ ປະຊັນ ຫຼວງພິທັກ ເປັນຮອງ ຫ້ອງສັນຕິບານ, ພັທ ບຸນນໍາ ນາມໂພໄຊ ເປັນຫົວຫນ້າຄ້າຍຄຸມຂັງ-ດິດສ້າງ, ພັທ ບຸນເຕີມ ສີສຸກລາດ ພັທ ເດດ ມີໄຊ ແລະ ພັຕ ວີມອນ ສຸຂະວົງແສງ ເປັນຮອງຄ້າຍຄຸມຂັງ-ດິດສ້າງ, ພັທ ດວງໄຊ ຈັນທະວັງໂສ ເປັນຮອງຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ພັທ ບຸນນິດ ໂຮມຄະສິດ ເປັນຫົວໜ້າອໍານວຍການໂຮງຮຽນ ປກສ ຊັ້ນຕົ້ນ ເລກ 04, ພັຕ ບຸນຈັນ ສຸບັນໄຊ ຂື້ນເປັນຮອງອໍານວຍ ການ, ພັທ ສຸກສະຫັວນ ບຸບຜາພັນ ເປັນຫົວຫນ້າ ກອງບັນຊາການ ປກສ ເມືອງ ທ່າພະບາດ ແລະ ພັທ ສອນຄໍາ ພົມມະຈັນ ເປັນຮອງ . ພ້ອມນີ້ກໍ່ໄດ້ຜ່ານ, ຂໍ້ຕົກລົງ ຂອງກົມໃຫ່ຍການເມືອງ ປ້ອງກັນຄວາມສະຫົງບ ວ່າດ້ວຍການແຕ່ງຕັ້ງ ພັຕ ຫັດສະດີ ແກ້ວມູນມະນີ ເປັນຮອງພະແນກຄົ້ນຄ້ວາສັງລວມ ຫ້ອງການກອງບັນຊາການ, ພັທ ສາຍສຸນີ ພຸດທະພັນ ເປັນຮອງພະແນກຄຸ້ມຄອງທະບຽນປະຫັວດ ແລະ ບັດປະຈໍາຕົວ ຫ້ອງຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ, ສ່ວນຫົວຫນ້າ ແລະ ຮອງທີ່ມີຢູ່ແລ້ວ ແມ່ນຮັກສາໄວ້ຄືເກົ່າ.

ໃນໂອກາດທີ່ມີຄວາມຫມາຍຄວາມສໍາຄັນນີ້  ພ້ອ ກົງຈັນ ໄຊປັນຍາ ຫົວຫນ້າກອງບັນຊາການ ປກສ ແຂວງ ບໍລິຄໍາໄຊ ໄດ້ໃຫ້ກຽດໂອ້ລົມ ແລະໃຫ້ທິດຊີ້ນໍາຕໍ່ບັນດາພະນັກງານນໍາພາ-ບັນຊາທີ່ ໄດ້ຮັບການແຕ່ງຕັ້ງພ້ອມຜູ້ເຂົ້າຮ່ວມພິທີໃນຄັ້ງນີ້ຈົ່ງພ້ອມກັນສືບຕໍ່ເພີ່ມທະວີເຮັດວຽກງານການເມືອງ-ນໍາພາແນວຄິດໃຫ້ແກ່ນາຍ ແລະ ພົນຕໍາຫຼວດໃນການນໍາພາຄຸ້ມຄອງຂອງຕົນຢ່າງເປັນປົກກະຕິຕໍ່ເນື່ອງ, ເອົາໃຈໃສ່ປັບປຸງແບບແຜນວິທີ່ນໍາພາ-ວິທີເຮັດວຽກຢ່າງມີວິທະຍາສາດ ແລະ ທັນສະໄຫມ, ເຕົ້າໂຮມຄວາມສາມັກຄີເປັນເອກະພາບໃຫ້ເປັນປຶກແຜ່ນ, ຍົກສູງ ຄວາມຮັບຜິດຊອບຕໍ່ຫນ້າທີ່ການເມືອງກໍ່ຄືວຽກງານປ້ອງກັນຄວາມສະຫົງບໃນແຕ່ລະໄລຍະ, ສືບຕໍ່ເອົາໃຈໃສ່ຊີ້ນໍາ-ນໍາພາ ເຮັດວຽກງານວິຊາສະເພາະດ້ານຕ່າງໆທີ່ການຈັດຕັ້ງຂັ້ນເທິງມອບຫມາຍໃຫ້ໄດ້ຮັບຜົນສໍາເລັດຢ່າງມີປະສິດທິຜົນສູງ.

Off

Comments are closed.