14th Sep2022

ຄະນະກົມສື່ມວນຊົນ ປກສ ຫວຽດນາມ ເຄື່ອນໄຫວພົບປະແລກປ່ຽນບົດຮຽນກັບຄະນະກົມສື່ມວນຊົນ ປກສ ລາວ

by somchan

ຄະນະກົມສື່ມວນຊົນປ້ອງກັນຄວາມສະຫງົບ  ຫວຽດນາມ ເຄື່ອນໄຫວພົບປະແລກປ່ຽນບົດຮຽນກັບຄະນະກົມສື່ມວນຊົນປ້ອງກັນຄວາມສະຫງົບລາວ ໃນວັນທີ 13 ກັນຍາ 2022 ນີ້ ຝ່າຍຫວຽດນາມນຳໂດຍ ພັອ ຫວຽນ ແອັງ ຕວັນ ຮອງຫົວຫນ້າກົມສື່ມວນຊົນປ້ອງກັນຄວາມສະຫງົບ  ຫວຽດນາມ ຝ່າຍລາວນຳໂດຍ ພັອ ເພີນຄຳ ແສງດາລາ ຫົວຫນ້າກົມສື່ມວນຊົນປ້ອງກັນຄວາມສະຫງົບລາວ ພ້ອມດ້ວຍຄະນະທັງສອງຝ່າຍເຂົ້າຮ່ວມ

ໂອກາດທີ່ເຄື່ອນໄຫວພົບປະແລກປ່ຽນບົດຮຽນໃນຄັ້ງນີ້ ພັອ ຫວຽນ ແອັງ ຕວັນ ກໍ່ໄດ້ລາຍງານແຜນການເຄື່ອນໄຫວຂອງຄະນະທີ່ເດີນທາງມາເຮັດວຽກຢູ່ ສ ປປ ລາວ ລະຫວ່າງວັນທີ 10 – 19ກັນຍາ 2022 ນີ້ ຈຸດປະສົງເພື່ອເກັບກຳຂໍ້ມູນ ສຳພາດ ແລະ ບັນທຶກພາບການເຄື່ອນໄຫວ ຂອງບັນດາກົມກອງເລົ່າລົບວິຊາສະເພາະຕ່າງໆ ອ້ອມຂ້າງກະຊວງ ປກສ ແລະ ບັນດາ ກອງບັນຊາການ ປກສ ແຂວງ ເມືອງ ແລະ ທ້ອງຖີ່ນທີ່ໄດ້ຮ່ວມມືໃນການປະຕິບັດຫນ້າທີ່ຮ່ວມກັນລະຫວ່າງ 2 ກຳລັງປ້ອງກັນຄວາມສະຫງົບ ສ ສ ຫວຽດນາມ ແລະ ປ້ອງກັນຄວາມສະຫງົບ ສປປ ລາວ ເພື່ອນຳໄປຜະລິດເປັນມູນເຊື້ອການພົວພັນຮ່ວມມືວຽກງານວິຊາສະເພາະຂອງ 2 ກຳລັງ ຈາກນັ້ນກອງປະຊຸມທັງ 2 ຝ່າຍກໍ່ໄດ້ຮ່ວມກັນປຶກສາຫາລືສ້າງແຜນການຈັດຕັ້ງປະຕິບັດວຽກງານຖ່າຍທຳເພື່ອເຮັດໃຫ້ການຈັດຕັ້ງປະຕິບັດວຽກງານຂອງຄະນະສື່ມວນຊົນປ້ອງກັນຄວາມສະຫງົບ ຫວຽດນາມ ມີປະສິດທິຜົນສູງ ແທດເໝາະສອດຄ່ອງກັບຄວາມເປັນຈີງ ເພື່ອເປັນການເສີມຂະຫຍາຍສາຍພົວພັນພິເສດທີ່ມີມາແຕ່ດົນນານໃຫ້ຫມັ້ນຄົງທະນົງແກ່ນຕະຫລອດໄປ.

 

Off

Comments are closed.