14th Sep2022

ກອງປະຊຸມໃຫ່ຍ ຄັ້ງທີ VII ຂອງຫນ່ວຍສະຫະພັນແມ່ຍິງກົມ200 ກົມໃຫ່ຍສັນຕິບານ.

by somchan

ຫນ່ວຍສະຫະພັນແມ່ຍິງກົມ200 ກົມໃຫ່ຍສັນຕິບານ ກະຊວງປ້ອງກັນຄວາມສະຫງົບ ຈັດກອງປະຊຸມ ໃຫ່ຍ ຄັ້ງທີ VII ໃນວັນທີ 13 ກັນຍາ 2022 ນີ້, ໂດຍການໃຫ້ກຽດເຂົ້າຮ່ວມມີ ພັທ ເພັດ ຍາວົງ ຮອງເລຂາຫນ່ວຍພັກຮາກຖານ ຮອງຫົວຫນ້າກົມ 200, ມີ ບັນດາຄະນະຫນ່ວຍສະຫະພັນຍິງ, ສະມາຊິກແມ່ຍິງ ແລະ ແຂກຖືກເຊີນເຂົ້າຮ່ວມ.

ພັທ ນາງ ມະນິດາ ໄຊຍະເສນ ປະທານຫນ່ວຍສະຫະພັນແມ່ຍິງກົມ200, ໄດ້ຜ່ານບົດລາຍງານການເມືອງຕີລາຄາການເຄື່ອໄຫວວຽກງານຂອງຫນ່ວຍສະຫະພັນແມ່ຍິງກົມ 200 ໃນໄລຍະ 5 ປີ ຜ່ານມາ, ເຊິ່ງທ່ານໄດ້ຍົກໃຫ້ເຫັນດ້ານດີຜົນງານ, ດ້ານອ່ອນຂໍ້ຄົງຄ້າງ, ເປັນຕົ້ນດ້ານດີຜົນງານ ຄະນະຫນ່ວຍສະຫະພັນແມ່ຍິງໄດ້ເອົາໃຈໃສ່ ຊີ້ນໍາ-ນໍາພາ ສຶກສາອົບຮົມ ສະມາຊິກແມ່ຍິງຢູ່ໃນຄວາມຮັບຜິດຊອບຂອງຕົນເປັນປະຈໍາດ້ວຍຫຼາຍຮູບການ, ເປັນຕົ້ນ ໄດ້ຈັດຕັ້ງເຜີຍແຜ່ເຊື່ອມຊືມ ມູນເຊື້ອວັນສ້າງຕັ້ງແມ່ຍິງ, ມູນເຊື້ອຂອງພັກຂອງຊາດ, ຄຸນສົມບັດສິນທໍາປະຕິວັດຂອງທ່ານຜູ້ນໍາ ພັກ-ລັດ ແລະ ເຊື່ອມຊຶມບັນດາເອກະສານສໍາຄັນອື່ນໆ, ຜ່ານການສຶກສາອົບຮົມການເມືອງແນວຄິດ, ໄດ້ເຮັດໃຫ້ແນວຄິດຂອງສະມາຊິກແມ່ຍິງມີຄວາມສະຫງົບ, ອຸ່ນອ່ຽງ ເຊື່ອຫມັ້ນຕໍ່ການນໍາພາຂອງພັກມີຄວາມອົດທົນເສຍສະຫຼະ ແລະ ປະຕິບັດຫນ້າທີ່ການເມືອງຂອງຕົນເປັນຢ່າງດີ, ໄດ້ເອົາໃຈໃສ່ນໍາພາ ແລະ ປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ ເພື່ອໃຫ້ຄອບຄົວ ແລະ ລູກເຕົ້າມີຄວາມສະຫງົບ, ໄດ້ຮັບການສຶກສາຮ່ໍາຮຽນຕາມ ຄວາມເຫນາະສົມ, ຍາມໃດຄະນະຫນ່ວຍສະຫະພັນແມ່ຍິງກໍ່ໄດ້ເອົາໃຈໃສ່ສົມທົບແຫນ້ນກັບຄະນະພັກ ຄະນະກົມ ເພື່ອຊີ້ນໍາ-ນໍາພາສ້າງເງື່ອນໄຂອໍານວຍຄວາມສະດວກໃຫ້ສະມາຊິກແມ່ຍິງໄດ້ພັດທະນາຕົນເອງທາງດ້ານຄວາມຮູ້ຄວາມສາມາດເຄື່ອນໄຫວຕາມພາລະບົດບາດຂອງຫນ່ວຍສະຫະພັນແມ່ຍິງນັບມື້ ນັບດີຂຶ້ນເທື່ອລະກ້າວ, ສະແດງອອກການຈັດຕັ້ງປະຕິບັດຂໍ້ແຂ່ງຂັນ 3 ດີ, ຄະນະຫນ່ວຍສະຫະແມ່ຍິງກົມ 200 ແມ່ນໄດ້ເອົາໃຈໃສ່ສຶກສາອົບຮົມວຽກງານແນວຄິດໃຫ້ເອື້ອຍນ້ອງເປັນປົກກະຕິ ຖືເອົາການສໍາຫຼວດ ກວດກາປະຈໍາເດືອນ, ປະຈໍາປີ, ເພື່ອກວດກາດ້ານດີ, ດ້ານອ່ອນ ແລະ ຂໍ້ຄົງຄ້າງທີ່ຄວນເອົາໃຈໃສ່ ແລະ ຜ່ານການຈັດຕັ້ງປະຕິບັດສາມາດຄັດເລືອກບຸກຄົນ 3 ດີ ຫນ່ວຍສະຫະພັນແມ່ຍິງກົມ200, ປະເພດ I ມີ13 ສະຫາຍ.

ໃນກອງປະຊຸມ ຍັງໄດ້ຜ່ານຂໍ້ຕົກຂອງປະທານສະຫະພັນແມ່ຍິງກົມໃຫ່ຍສັນຕິບານວ່າດ້ວຍການປົ່ງຕົວ ແຕ່ງຕັ້ງເອົາຫົວຫນ້າຫນ່ວຍ, ຮອງຫນ່ວຍ ແລະ ປະທານກວດກາຫນ່ວຍສະຫະພັນແມ່ຍິງກົມ 200 ຊຸດໃຫມ່ຕື່ມອີກ.

Off

Comments are closed.