15th Sep2022

ກົມຕໍາຫຼວດຄຸມຂັງ-ດັດສ້າງ,ກະຊວງ ປກສ ຈັດຕັ້ງເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ4ສະໄໝທີ11

by somchan

ກົມຕໍາຫຼວດຄຸມຂັງ-ດັດສ້າງ,ກະຊວງປ້ອງກັນຄວາມສະຫງົບ,ຈັດຕັ້ງເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກຄັ້ງທີ 4 ສະໄໝທີ 11 ແລະ ປາຖະກະຖາຫວັນຄືນມູນເຊື້ອວັນຄ້າຍວັນເກີດຂອງທ່ານປະທານສຸພານຸວົງຄົບຮອບ113ປີແລະວັນສ້າງຕັ້ງລັດຖະທໍາມະນູນແຫ່ງສປປລາວຄົບຮອບ31ປີ,ເອກະສານມູນເຊື້ອ20ປີ,ແຫ່ງການເຕີບໃຫ່ຍຂະຫຍາຍຕົວຂອງກໍລັງຄົ້ນຄວ້າວິທະຍາສາດແລະປະຫວັດສາດປ້ອງກັນຄວາມສະຫງົບ,ໃນວັນທີ14ກັນຍາ 2022ນີ້,ທີ່ສະໂມສອນ,ກົມຕໍາຫຼວດຄຸມຂັງ-ດັດສ້າງໂດຍການໃຫ້ກຽດເຜີຍແຜ່ເອກະສານ ຂອງ ພົຈວ  ສົມລິດ ດາວຮຸ່ງສຸລິ ຄະນະພັກກະຊວງ,ຫົວໜ້າກົມຕໍາຫຼວດຄຸມຂັງ-ດັດສ້າງ,ມີຄະນະພັກ,ພະນັກງານຫຼັກແຫຼ່ງນາຍຕໍາຫຼວດມາຈາກຫ້ອງ,ພະແນກ,ຄ້າຍຄຸມຂັງ,ອ້ອມຂ້າງກົມຕໍາຫຼວດຄຸມຂັງ-ດັດສ້າງເຂົ້າຮ່ວມ.

ພົຈວ ສົມລິດ ດາວຮຸ່ງສຸລິ ຄະນະພັກກະຊວງ,ຫົວໜ້າກົມຕໍາຫຼວດຄຸມຂັງ-ດັດສ້າງໄດ້ຍົກໃຫ້ເຫັນວ່າ:ກອງປະຊຸມຄົບຄະນະ ບໍລິຫານງານສູນກາງພັກຄັ້ງທີ 4 ສະໄໝທີ Xl ໄດ້ຈັດຂື້ນໃນລະຫວ່າງ ວັນທີ 18-26 ພຶດສະພາ 2022 ທີ່ສໍານັກງານສູນກາງພັກປະຊາຊົນປະຕິວັດລາວ,ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ,ເລຂາທິການໃຫຍ ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດ,ກອງປະຊຸມໄດ້ຄົ້ນຄວ້າ,ປຶກສາຫາລື ແລະ ໃຫ້ທິດຊີ້ນໍາຕໍ່ບັນຫາສໍາຄັນຄື: ໄດ້ປະເມີນສະພາບແວດລ້ອມຢູ່ພາກພື້ນ ແລະ ສາກົນໃນປະຈຸບັນ,ກອງປະຊຸມໄດ້ຊີ້ນໍາລັດຖະບານ,ຄະນະພັກ,ອົງການປົກຄອງແຕ່ລະຂັ້ນເພີ່ມທະວີສະຕິລະວັງຕົວ,ຕິດຕາມ,ກໍາແໜ້ນສະພາບການຜັນແປຢູ່ໃນພາກພື້ນ ແລະ ສາກົນ ເພື່ອນໍາພາ ແນວຄິດ ແລະ ເປັນເຈົ້າການປະຕິບັດບັນດາມາດຕະການຮັບມື,ແກ້ໄຂຜົນກະທົບຕໍ່ປະເທດເຮົາໃຫ້ທັນການ,ພ້ອມນີ້ຍັງໄດ້ຕີລາຄາຜົນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,ແຜນງົບປະມານແລະແຜນເງິນຕາຕົ້ນປີ 2022 ຕິດພັນກັບແຜນການຈັດຕັ້ງປະຕິບັດ 2 ວາລະແຫງຊາດ,ຄະນະບໍລິຫານງານສູນກາງພັກຕີລາຄາ ສູງ ຕໍ່ລັດຖະບານ ທີ່ໄດ້ມີຄວາມພະຍາຍາມ ແລະເອົາໃຈໃສ່ຊີ້ນໍາການຈັດຕັ້ງປະຕິບັດແຜນດັງກ່າວ, ສາມາດຮັບປະກັນສະຖຽນລະພາບ ຂອງເສດຖະກິດມະຫາພາກ,ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ,ໃນສາມເດືອນຕົ້ນປີການພັດທະນາເສດຖະກິດ-ສັງຄົມ ສືບຕໍ່ຂະຫຍຍຕົວຕໍ່ເນື່ອງ,ການແກ້ໄຂການລະບາດ ຂອງພະຍາດໂຄວິດ-19 ໄດ້ເຮັດຢ່າງຕັ້ງໜ້າ ແລະ ສາມາດຮັບມື,ປ້ອງກັນ,ຄວບຄຸມ ແລະ ແກ້ໄຂດ້ວຍຫຼາຍມາດຕະການບໍ່ໃຫ້ແຜ່ລາມອອກເປັນວົງກ້ວາງ ແລະໄດ້ດັດປັບການໃຊ້ຊີວິດສັງຄົມຕາມວິຖີຊີວິດແບບໃໝ່,ນອກນີ້ທ່ານຍັງໄດ້ຍົກໃຫ້ເຫັນວຽກງານສໍາອື່ນໆອີກ,ທັງນີ້ກໍ່ເພື່ອເຮັດໃຫ້ນາຍຕໍາຫຼວດໄດ້ຮັບຮູ້,ເຂົ້າໃຈຕໍ່ເນື້ອໃນມະຕິສໍາຄັນດັ່ງກ່າວເພື່ອພ້ອມກັນສືບຕໍ່ຈັດຕັ້ງຜັນຂະຫຍາຍໃຫ້ເຂົ້າສູ່ໜ້າວຽກງານຕົວຈິງຢູ່ໃນກົມກອງຂອງຕົນໃຫ້ໄດ້ຮັບໝາກຜົນສູງສຸດ.

ພ້ອມດຽວກັນນີ້ ທ່ານຍັງໄດ້ຍົກປະຫວັດມູນເຊື້ອ ວັນຄ້າຍວັນເກີດຂອງທ່ານປະທານສຸພານຸວົງຄົບຮອບ113ປີແລະວັນສ້າງຕັ້ງລັດຖະທໍາມະນູນແຫ່ງສປປລາວຄົບຮອບ31ປີແລະເອກະສານມູນເຊື້ອ20ປີ,ແຫ່ງການເຕີບໃຫ່ຍຂະຫຍາຍຕົວຂອງກໍລັງຄົ້ນຄວ້າວິທະຍາສາດແລະປະຫວັດສາດປ້ອງກັນຄວາມສະຫງົບ,ພ້ອມໄດ້ຍົກໃຫ້ເຫັນຄວາມໝາຍ,ຄວາມສໍາຄັນມູນເຊື້ອປະຫວັດສາດຂອງອາດີດຜູ້ນໍາພັກ-ລັດໃນການຕໍ່ສູ້ກູ້ຊາດ,ປົດປ່ອຍປະເທດຊາດອອກຈາກແອັກປົກຄອງຂອງພວກຈັດກະພັດລ່າເມືອງຂື້ນແບບເກົ່າແລະແບບໃໝ່,ຍົກໃຫ້ເຫັນກາດປະກາດໃຊ້ລັດຖະທໍາມະນູນສະບັບທໍາອິດເປັນການສະແດງໃຫ້ເຫັນເຖິງໝາກຜົນຂອງການປະຕິວັດ,ການເສີມຂະຫຍາຍມູນເຊື່ອ,ການຄຸ້ມຄອງລັດ,ຄຸ້ມຄອງສັງຄົມດ້ວຍລັດຖະທໍາມະນູນແລະກົດໝາຍ,ນໍາພາປະເທດຊາດກ້າວໄປສູ່ຄວາມຈະເລີນຮຸ່ງເຮືອງ,ສັງຄົມມີຄວາມສະຫງົບ,ປອດໄພ,ສີວິໄລແລະຍຸດຕິທໍາ.

ແລະ ໃນໂອກາດດຽວກັນນີ້ ຍັງໄດ້ມີການປະກາດຍົກຍ້າຍແລະແຕ່ງຕັ້ງນາຍຕໍາຫຼວດຂັ້ນຫ້ອງ,ພະແນກແລະຄ້າຍຄຸມຂັງ,ທີ່ຂື້ນກັບກົມຕໍາຫຼວດຄຸມຂັງ-ດັດສ້າງຄື:ປະກາດແຕ່ງຕັ້ງ ພັທ ສໍາລານ ຂັນຊະນະເປັນຫົວໜ້າຫ້ອງການກົມຕໍາຫຼວດຄຸມຂັງ-ດັດສ້າງ,ປະກາດຍົກຍ້າຍແລະແຕ່ງຕັ້ງ ພັທ ເສີດແກ້ວ ມະນີວັນ ຈາກພະແນກປ້ອງກັນໄປຮັບໜ້າທີ່ໃໝ່ເປັນຮອງຫົວໜ້າຄ້າຍຄຸມຂັງໂພນຕ້ອງ,ປະກາດຍົກຍ້າຍແລະແຕ່ງຕັ້ງ ພັຕ ເພັດຫຼ້າວັນ ແກ້ວສຸວັນຈາກຄ້າຍຄຸມຂັງໂພນຕ້ອງໄປຮັບໜ້າທີ່ໃໝ່ເປັນຮອງຫົວໜ້າພະແນກປ້ອງກັນ,ທັງນີ້ກໍ່ເພື່ອເປັນການປັບປຸງກົງຈັກການຈັດຕັ້ງຂັນຫ້ອງ,ພະແນກແລະຄ້າຍຄຸມຂັງທີ່ຂື້ນກັບກົມຕໍາຫຼວດຄຸມຂັງ-ດັດສ້າງໃຫ້ມີຄວາມເຕີບໃຫ່ຍເຂັ້ມແຂງທາງດ້ານການເມືອງແນວຄິດ,ເຂັ້ມແຂງທາງດ້ານການຈັດຕັ້ງແລະພ້ອມກັນສືບຕໍ່ເຮັດສໍາເລັດໜ້າທີ່ການເມືອງທີ່ພັກ-ລັດແລະການຈັດຕັ້ງຂັ້ນເທີງມອບໝາຍໃຫ້.

 

Off

Comments are closed.