15th Sep2022

ກອງປະຊຸມພົບປະສອງຝ່າຍ ລະຫວ່າງ ຫ້ອງການກວດກາ ແລະ ຄວບຄຸມຢາເສບຕິດ ກົມໃຫຍ່ຕໍາຫຼວດ ກະຊວງ ປກສ

by somchan

ຫ້ອງການກວດກາ ແລະ ຄວບຄຸມຢາເສບຕິດກົມໃຫ່ຍຕຳຫຼວດກະຊວງປ້ອງກັນຄວາມສະຫງົບໄດ້ຈັດກອງປະຊຸມ ພົບປະສອງຝ່າຍກັບຜູ້ຕ່າງໜ້າອົງການສະຫະປະຊາຊາດເພື່ອຕ້ານຢາເສບຕິດ ແລະ ອາສະຍາກຳ ໃນວັນທີ 14 ກັນຍາ2022 ນີ້ ໂດຍການໃຫ້ກຽດເຂົ້າຮ່ວມຂອງ  ພັອ ອິນປົງ ຈັນທະວົງສາ ຫົວໜ້າຫ້ອງການກວດກາ ແລະ ຄວບຄຸມ ຢາເສບຕິດ ກົມໃຫຍ່ຕໍາຫຼວດ ກະຊວງ ປກສ, ທ່ານ ເຈລາມີ ດາກລາສ ຜູ້ຕາງໜ້າອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ປະຈໍາພາກພື້ນອາຊີຕາເວັນອອກສຽງໃຕ້ ແລະ ພາກພື້ນປາຊີຟິກ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ກອງປະຊຸມພົບປະທັງສອງຝ່າຍຄັ້ງນີ້ ກໍເພື່ອເປັນການປຶກສາຫາລືບັນຫາຕ່າງໆ ທີ່ພົວພັນກັບບັນຫາຢາເສບຕິດ, ການກໍ່ອາຊະຍາກໍາຂ້າມຊາດ ແລະ ການພັດທະນາທາງເລືອກທົດແທນການປູກພືດທີ່ມີສານເຄມີ ໂດຍສະເພາະແມ່ນຝິ່ນ, ພ້ອມທັງໄດ້ປຶກສາຫາລືຂົງເຂດທີ່ເປັນໄປໄດ້ ໃນການເພີ່ມທະວີການຮ່ວມມືໃນພາກພື້ນ ໂດຍສະເພາະ ການຮ່ວມມືຂອງສອງອົງການ, ລວມທັງປຶກສາຫາລືເຖິງຄວາມຕ້ອງການ ໃນການຊ່ວຍເຫຼືອທາງດ້ານເຕັກນິກວິຊາການຕ່າງໆທີ່ຈາເປັນຂອງ ສປປ ລາວ.

ໂອກາດດັ່ງກ່າວ  ພັອ ອິນປົງ ຈັນທະວົງ ໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງ ຕໍ່ການມາຢ້ຽມຢາມ ແລະ ຮ່ວມເຮັດວຽກນໍາ ຫ້ອງການກວດກາ ແລະ ຄວບຄຸມຢາເສບຕິດ, ພ້ອມທັງສະແດງຄວາມຂອບໃຈຢ່າງສູງ ຕໍ່ອົງການສະຫະປະຊາຊາດ ເພື່ອຕ້ານຢາເສຍຕິດ ແລະ ອາຊະຍາກໍາ ປະຈໍາພາກພື້ນອາຊີຕາເວັນອອກສຽງໃຕ້ ແລະ ພາກພື້ນປາຊີຟິກ ທີ່ໄດ້ໃຫ້ການຮ່ວມມື ແລະ ສະໜັບສະໜູນ ສປປ ລາວ ກໍຄື ຫ້ອງການກວດການ ແລະ ຄວບຄຸມຢາເສບຕິດ ດ້ວຍດີຕະຫຼອດມາ.

ແລະ ໃນໂອກາດນີ້ ອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກໍາ ປະຈໍາພາກພື້ນອາຊີຕາເວັນອອກສຽງໃຕ້ ແລະ ພາກພື້ນປາຊີຟິກ ໄດ້ມອບອຸປະກອນປ້ອງກັນສານເຄມີ ໃຫ້ຫ້ອງການກວດກາ ແລະ ຄວບຄຸມົຢາເສບຕິດ ເພື່ອນໍາໃຊ້ເຂົ້າໃນວຽກງານກວດກາ ແລະ ຄວບຄຸມຢາເສບຕິດ ໂດຍສະເພາະ ແມ່ນປະກອບສ່ວນເຂົ້າໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ 2021-2023 ຂອງ ສປປ ລາວ, ໂດຍການມອບຂອງ ທ່ານ ເຈລາມີ ດາກລາສ ຜູ້ຕາງໜ້າອົງຫານສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ປະຈໍາພາກພື້ນອາຊີຕາເວັນອອກສຽງໃຕ້ ແລະ ພາກພື້ນປາຊີຟິກ ແລະ ຮັບໂດຍ  ພັອ ອິນປົງ ຈັນທະວົງສາ ຫົວໜ້າຫ້ອງການກວດກາ ແລະ ຄວບຄຸມຢາເສບຕິດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

Off

Comments are closed.