15th Sep2022

ກອງປະຊຸມເປີດກວ້າງ ຄັ້ງທີ IV ສະໄໝທີ VI ຂອງຄະນະພັກກົມໃຫຍ່ຕໍາຫຼວດ

by somchan

ກອງປະຊຸມເປີດກວ້າງ ຄັ້ງທີ IV ສະໄໝທີ VI  ຂອງຄະນະພັກກົມໃຫຍ່ຕໍາຫຼວດ ກະຊວງ ປກສ ໄດ້ຈັດຂຶ້ນໃນວັນທີ 15 ກັນຍາ 2022 ເປັນປະທານໂດຍ ສະຫາຍ ພົຕ ຄໍາກິ່ງ ຜຸຍຫຼ້າມະນີວົງ ຄະນະປະຈໍາພັກກະຊວງ ຮອງລັດຖະມົນຕີກະຊວງ ປກສ ທັງເປັນເລຂາຄະນະພັກ ຫົວໜ້າກົມໃຫຍ່ຕໍາຫຼວດ, ມີຄະນະພັກ-ຄະນະກົມ,ເລຂາໜ່ວຍພັກກົມ,ຫ້ອງ,ສູນເຂົ້າຮ່ວມ.

ສະຫາຍ ພັັອ ແກ່ນຈັນ ພົມມະຈັກ ຄະນະປະຈໍາພັກກົມໃຫຍ່ ຮອງຫົວໜ້າກົມໃຫຍ່ຕໍາຫຼວດ ໄດ້ຜ່ານການຈັດຕັ້ງເຄື່ອນໄຫວຊີ້ນໍາ-ນໍາພາ ໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022 ໃຫ້ຮູ້ວ່າ: ຄະນະພັກກົມໃຫຍ່ຕໍາຫຼວດ ໄດ້ເອົາໃຈໃສ່ ແລະ ຖືເອົາວຽກງານສຶກສາອົບຮົມການເມືອງ-ນໍາພາແນວຄິດ ໃຫ້ແກ່ສະມາຊິກພັກເປັນສໍາຄັນ ດ້ວຍຫາຍເນື້ອໃນ , ຫາຍວິທີການຢ່າງຕໍ່ເນື່ອງ ໃນນັ້ນ ໄດ້ມອບຄວາມ ຮັບຜິດຊອບໃຫ້ບັນດາໜ່ວຍພັກກົມ, ຫ້ອງ, ສູນ ເປັນເຈົ້າການນໍາພາຈັດຕັ້ງໂຄສະນາເຜີຍແຜ່ເຊື່ອຊຶມແນວທາງ, ແຜນນະໂຍບາຍຂອງພັກ, ມະຕິ, ຄໍາສັ່ງ ເຜີຍແຜ່ສະພາບ-ເຫດການຕ່າງໆທີ່ເກີດຂຶ້ນ, ເຫັນໄດ້ກົນອຸບາຍຂອງກຸ່ມຄົນບໍ່ດີ ເພື່ອໃຫ້ຖັນແຖວສະມາຊິກພັກໄດ້ຮັບຮູ້, ເຂົ້າໃຈຢ່າງຖືກຕ້ອງ-ເລິກເຊິ່ງ, ຍົກສູງສະຕິລະວັງຕົວ ເພື່ອປ້ອງກັນ-ສະກັດກັ້ນສິ່ງຫຍໍ້ທໍ້ໃຫ້ທັນການ ເອົາໃຈໃສ່ຄົ້ນຄວ້າແກ້ໄຂບັນຫາຫຍໍ້ທໍ້ທີ່ເກີດຂຶ້ນໃນຖັນແຖວສະມາຊິກພັກ, ພະນັກງານ-ນັກຮົບ ຢ່າງເຂັ້ມງວດ ທັນການ. ຜ່ານການຈັດຕັ້ງປະຕິບັດຄືແນວນັ້ນ ຈຶ່ງເຮັດໃຫ້ຄຸນທາດການເມືອງຂອງສະມາຊິກພັກສ່ວນໃຫຍ່ ຍັງມີຄວາມໜັກແໜ້ນເຂັ້ມແຂງ ມີຄວາມອົດທົນຜ່ານຜ່າ, ມີຄວາມຮັບຜິດຊອບຕໍ່ໜ້າທີ່ການເມືອງທີ່ຖືກມອບໝາຍ ມີຄວາມຕັດສິນໃຈຮັບໃຊ້ພັກ, ຮັບໃຊ້ປະເທດຊາດ ແລະ ຮັບໃຊ້ປະຊາຊົນຢ່າງສະເຫມີຕົ້ນ ສະເຫມີປາຍ.

ດ້ານນໍາພາວຽກງານວິຊາສະເພາະ ໄດ້ນໍາພາ-ຊີ້ນໍາບັນດາກົມ, ຫ້ອງ ແລະ ສູນວິຊາສະເພາະ ເອົາໃຈໃສ່ເຄື່ອນໄຫວຕາມພາລະບົດບາດວຽກງານວິຊາສະເພາະຂອງຕົນ ເປັນຕົ້ນແມ່ນ ນໍາພາ-ຊີ້ນໍາການຈັດຕັ້ງປະຕິບັດ ໂດຍສະເພາະແມ່ນໄດ້ສຸມໃສ່ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດແຕ່ນີ້ຫາປີ 2023 ເຊິ່ງມາເຖິງປັດຈຸບັນສາມາດມ້າງຄະດີຢາເສບຕິດໄດ້ຫຼາຍ ສົມຄວນ, ກັກຕົວຜູ້ຖືກຫາ, ກຸ່ມແກ້ງຂະບວນການຄ້າຂາຍຢາເສບຕິດລາຍໃຫຍ່ ແລະ ຢຶດຂອງກາງຄະດີປະເພດຕ່າງໆໄດ້ຫຼາຍສົມຄວນ, ໄລຍະ 6 ເດືອນຜ່ານມາ ມີຄະດີເກີດຂຶ້ນ 2.781 ເລື່ອງ, ດໍາເນີນສໍາເລັດ 440 ເລື່ອງ, ສືບຕໍ່ດໍາເນີນ 2.341 ເລື່ອງ, ໄດ້ເອົາໃຈໃສ່ຕໍ່ວຽກງານກໍາສະພາບແຫຼ່ງຂ່າວ, ຕິດຕາມເປົ້າໝາຍອາຍາໄດ້ 454 ເປົ້າໝາຍ, ລົງສືບຄົ້ນຫາຄຸ້ມຄອງເປົ້າຫມາຍ-ຊັນນະສູດເປົ້າຫມາຍ 461 ເປົ້າໝາຍ. ໄດ້ເປັນເສນາທິການໃຫ້ຂັ້ນເທິງ ໃນການດໍາເນີນແກ້ໄຂຄະດີສໍ້ໂກງພົນລະເມືອງລາຍໃຫ່ຍ ເຊັ່ນ: ຄະດີ ນາງ ທິບ ຫຼື ເຈ້ທິບ, ໄດ້ຈັດຕັ້ງກໍາລັງເຂົ້າຮ່ວມຄະນະສະເພາະກິດແກ້ໄຂບັນຫາຮ້ານແລກປ່ຽນເງິນຕາຕ່າງປະເທດທີ່ ບໍ່ຖືກຕ້ອງຕາມລະບຽບກົດໝາຍ.

ໃນຕໍ່ໜ້າ ຈະສືບຕໍ່ສຶກສາອົບຮົມການເມືອງ-ແນວຄິດໃຫ້ແກ່ສາມາຊິກພັກຢ່າງຕໍ່ເນື່ອງຖືເອົາການຮ່ວມ ຊີວິດຂອງໝ່ວຍພັກເປັນຕົ້ນຕໍ, ຈຸພັກເປັນໃຈກາງ ເພື່ອຕໍານິ,ກໍ່ສ້າງ,ຊວ່ຍເຫຼືອເຊິ່ງກັນແລະກັນ, ຈັດຕັ້ງເຊື່ອມຊືມ ມູນເຊື້ອຂອງພັກ, ຂອງຊາດ, ຂອງກໍາລັງ, ມະຕິ, ຄໍາສັ່ງຂອງຂັ້ນເທິງ ໃຫ້ທົ່ວເຖິງທັນການ ແນໃສ່ເຮັດໃຫ້ຖັນແຖວ ສະມາຊິກພັກມີຄວາມສະຫງົບອຸ່ນອ່ຽນ, ມີຄຸນທາດການເມືອງທີ່ຫນັກແຫນ້ນ ເຮັດໃຫ້ວຽກງານການເມືອງແນວຄິດ ສອດຫ້ອຍໄປຢູ່ທຸກຂົງເຂດວຽກງານ. ສຸມໃສ່ປ້ອງກັນ-ສະກັດກັ້ນ ແລະ ແກ້ໄຂບັນຫາປະກົດການຫຍໍ້ທໍ້ຢູ່ພາຍໃນໃຫ້ຫຼຸດລົງຢ່າງຈະແຈ້ງ, ເດັດຂາດ-ທັນການ ເພື່ອຮັບປະກັນຢູ່ພາຍໃນໃຫ້ມີຄວາມສະຫງົບ.

 

Off

Comments are closed.