15th Sep2022

ການພົບປະແລກປ່ຽນກິລາ, ສີລະປະ ລະຫວ່າງກອງບັນຊາການຕຳຫຼວດ 3 ແຂວງແຫ່ງ ສສ ຫວຽດນາມ ແລະ ກອງບັນຊາການ ປກສ 7 ແຂວງພາກເໜືອລາວ.

by somchan

ກອງບັນຊາການຕຳຫຼວດ 3 ແຂວງແຫ່ງສສ ຫວຽດນາມກັບ ກອງບັນຊາການ ປກສ 7 ແຂວງພາກເໜືອລາວໄດ້ຈັດການພົບປະແລກປ່ຽນກິລາ, ສີລະປະເນື່ອງໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນການທູດ ຄົບຮອບ 60 ປີ; ວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ-ລາວ

ຄົບຮອບ 45 ປີ ໃນລະຫວ່າງວັນທີ 04-08 ກັນຍາ 2022 ໂດຍກອງບັນຊາການຕຳຫຼວດ ແຂວງດຽນບຽນ ແຫ່ງ ສສ ຫວຽດນາມ ຮັບກຽດເປັນເຈົ້າພາບ, ເປັນປະທານໂດຍ ພັອ ໂງ ແທັງບິ໋ງ ຄະນະປະຈຳພັກແຂວງ, ຫົວໜ້າກອງບັນຊາການຕຳຫຼວດ ແຂວງດຽນບຽນ, ມີຄະນະຜູ້ແທນພ້ອມດ້ວຍທິມນັກກິລາ, ສີລະປະຈາກກອງບັນຊາການຕຳຫຼວດແຂວງເຊິນລາ, ແຂວງແທັງຫວາ ແຫ່ງ ສສຫວຽດນາມ ແລະ ກອງບັນຊາການປ້ອງກັນຄວາມສະຫງົບ 07 ແຂວງພາກເໜືອຄື: ແຂວງຫຼວງພະບາງ, ຜົ້ງສາລີ, ອຸດົມໄຊ, ຫຼວງນໍ້າທາ, ບໍ່ແກ້ວ, ໄຊຍະບູລີ ແລະ ຫົວພັນ ສປປ ລາວເຂົ້າຮ່ວມ, ກອງບັນຊາການປ້ອງກັນຄວາມສະຫງົບ ແຂວງອຸດົມໄຊ ນຳພາຄະນະທີມງານນັກກິລາ ແລະ ສີລະປະໂດຍ ພັທ ດວງຈັນ ໄຊວຸດ ຮອງກອງບັນຊາການປກສ ແຂວງອຸດົມໄຊພ້ອມຄະນະ.

ການພົບປະຄັ້ງນີ້ມີທິມນັກກິລາເຂົ້າຮ່ວມແຂ່ງຂັນທັງໝົດ 10 ທີມ, ແບ່ງອອກເປັນ 03 ສາຍ, ຜ່ານການແຂ່ງຂັນເປັນເວລາ 03 ວັນ ຜົນການແຂ່ງຂັນ  ທິມກິລາບານເຕະຟຸດຊໍໄດ້ຮັບຊະນະເລີດອັນດັບທີ 1 ໄດ້ແກ່ທິມນັກກິລາກອງບັນຊາການຕຳຫຼວດແຂວງດຽນບຽນ ,ຮອງຊະນະເລີດໄດ້ແກ່ກອງບັນຊາການຕຳຫຼວດແຂວງເຊິນລາ, ລາງວັນອັນດັບ 3ຮ່ວມ ໄດ້ແກ່ ກອງບັນຊາການປ້ອງກັນຄວາມສະຫງົບ ແຂວງໄຊຍະບູລີ ແລະ ແຂວງຜົ້ງສາລີ ແລະ ລາງວັນຊົມເຊີຍໄດ້ແກ່ ກອງບັນຊາການປ້ອງກັນຄວາມສະຫງົບ ແຂວງອຸດົມໄຊ, ຫົວພັນ, ຫຼວງນ້ຳທາ, ຫຼວງພະບາງ, ບໍ່ແກ້ວ ແລະ ກອງບັນຊາການຕຳຫຼວດແຂວງແທັງຫວາ ໄດ້ຮັບເງິນລາງວັນທີມລະ 2 ລ້ານດົງ, ເປັນກຽດມອບລາງວັນໂດຍ ,ຄະນະນຳກອງບັນຊາການຕຳຫຼວດແຂວງດຽນບຽນ

ພ້ອມດ້ວຍບັນດາຄະນະຜູ້ແທນຈາກກອງບັນຊາການ 7 ແຂວງພາກເໜືອ ແຫ່ງ ສປປ ລາວ. ພ້ອມດຽວກັນນັ້ນຍັງໄດ້ຮັບຊົມລາຍການສະແດງສິລະປະ-ວັນນະຄະດີຈາກທີມງານສີລະປະ ກອງບັນຊາການຕຳຫຼວດ 03 ແຂວງ ແຫ່ງ ສສ ຫວຽດນາມ ແລະ ກອງບັນຊາການ 07 ແຂວງພາກເໜືອລາວ ເຊິງແຕ່ລະຄະນະກໍ່ໄດ້ນຳເອົາບັນດາບົດຟ້ອນ,ບົດເພງທີ່ມີເນື້ອໃນສ່ອງແສງເຖິງ ສາຍພົວພັນຮ່ວມມືມິດຕະພາບ, ສາມັກຄີພິເສດຮອບດ້ານ ລາວ-ຫວຽດນາມ, ຫວຽດນາມ-ລາວ ເວົ້າສະເພາະກໍຄື ກຳລັງປ້ອງກັນຄວາມສະຫງົບ 07 ແຂວງພາກເໜືອລາວ ແລະ 03 ແຂວງພາກເໜືອ ຫວຽດນາມ ມາທອດຖອນບົດຮຽນເຊິງກັນ ແລະ ກັນ ດ້ວຍບັນຍາກາດອັນເບີກບານມ່ວນຊື່ນ, ເປັນການຮັດແໜ້ນຄວາມສາມັກຄີ ເພີ່ມພູນຄູນສ້າງ, ຮ່ວມມືມິດຕະພາບຮອບດ້ານໃຫ້ນັບມື້ນັບແໜ້ນແຟ້ນຍິ່ງໆຂຶ້ນ.

Off

Comments are closed.