15th Sep2022

ຄະນະສື່ມວນຊົນກະຊວງ ປກສ ສສ ຫວຽດນາມ ເຄື່ອນໄຫວວຽກງານຢູ່ ປກສ ແຂວງບໍລິຄຳໄຊ.

by somchan

ໃນວັນທີ 12 ກັນຍາ 2022 ນີ້ ຄະນະສື່ມວນຊົນກະຊວງປ້ອງກັນຄວາມສະຫງົບ ສສ ຫວຽດນາມ ໄດ້ລົງເຄື່ອນໄຫວວຽກງານຢູ່ກອງບັນຊາການ ປກສ ແຂວງບໍລິຄໍາໄຊເຊິ່ງນໍາພາໂດຍ ພົຈວ ຫງວຽນ ແທັງຟອງ, ໃຫ້ກຽດຕ້ອນຮັບ ໂດຍ ພັອ ກົງຈັນ ໄຊປັນຍາ ຫົວໜ້າກອງບັນຊາການ ປກສ ເເຂວງບໍລິຄໍາໄຊ ພ້ອມດ້ວຍຄະນະ.

ການມາປະຕິບັດໜ້າທີ່ວຽກງານຂອງກົມສື່ມວນຊົນຈາກກະຊວງປ້ອງກັນຄວາມສະຫງົບ  ສສ ຫວຽດ ນາມ ໃນຄັ້ງນີ້ໄດ້ບັນທຶກພາບ ແລະ ຖ່າຍພາບການເຄື່ອນໄຫວເຮັດວຽກງານວິຊາສະເພາະຂອງນາຍ ແລະ ພົນຕໍາຫຼວດ ປກສ ແຂວງບໍລິຄໍາໄຊ ເພື່ອສ້າງເປັນບົດສາລະຄະດີມູນເຊື້ອຄວາມສາມັກຄີແບບພິເສດ, ການພົວພັນຮ່ວມມືຮອບດ້ານລະຫ່ວາງສອງກໍາລັງປ້ອງກັນຄວາມສະຫງົບຫວຽດນາມ-ລາວ, ລາວ-ຫວຽດນາມ, ເຊັ່ນ: ການສ້າງຄອບຄົວ ແລະ ບ້ານປ້ອງກັນຄວາມສະຫງົບດີ, ການປະຕິບັດວຽກງານວິຊາສະເພາະຂອງ ຫ້ອງຕໍາຫຼວດ, ວຽກງານຄຸ້ມຄອງຄົນຕ່າງປະເທດ, ວຽກງານການກວດກາຄົນເຂົ້າອອກເມືອງຢູ່ດ່ານສາກົນ ປາກຊັນ, ການອອກປື້ມຜ່ານແດນໃຫ້ແກ່ປະຊາຊົນ ແລະ ພະນັກງານຂອງເຈົ້າໜ້າທີ່ກວດຄົນເຂົ້າອອກເມືອງ ຫ້ອງສັນຕິບານ, ຈາກນັ້ນກໍ່ໄດ້ສໍາພາດຫົວໜ້າຫ້ອງຕໍາຫຼວດ, ຫົວໜ້າຫ້ອງສັນຕິບານກ່ຽວກັບການນໍາພາເຄື່ອນໄຫວເຮັດວຽກງານວິຊາສະເພາະດ້ານຕ່າງໆ, ໃນໂອກາດອັນມີຄວາມໝາຍຄວາມສໍາຄັນນີ້ ພັອ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງ ບໍລິຄໍາໄຊ ກໍ່ໄດ້ໃຫ້ສໍາພາດຕໍ່ຄະນະສື່ມວນຊົນກະຊວງປ້ອງກັນຄວາມສະຫງົບ ສສ ຫວຽດນາມ ເຊີ່ງທ່ານໄດ້ກ່າວວ່າ: ແຂວງບໍລິຄໍາໄຊ ກໍ່ເປັນອີກແຂວງໜຶ່ງທີ່ມີຊາຍແດນຕິດຈອດກັນກັບ ແຂວງຮາຕິ່ງ ແລະ ແຂວງ ເຫງະອານ ສສ ຫວຽດນາມ ມີ 3 ເມືອງຄື: ເມືອງຄໍາເກີດ, ເມືອງວຽງທອງ ແລະ ເມືອງ ໄຊຈໍາພອນ.

ໃນໄລຍະຜ່ານມາກອງບັນຊາການ ປກສ ແຂວງບໍລິຄໍາໄຊ ກັບກອງບັນຊາການ ປກສ ແຂວງ ຮາຕິ່ງ, ປກສ ແຂວງ ເງະອານ, ກອງບັນຊາການທະຫານຊາຍແດນ ແຂວງຮາຕິ່ງ, ແຂວງເງະອານ ກໍໄດ້ມີການຮ່ວມມືປະສານສົມທົບກັນຢ່າງເເໜ້ນເເຟ້ນໃນວຽກງານປ້ອງກັນຄວາມສະຫງົບ ຄວາມເປັນບຽບຮ້ອຍຕາມຊາຍແດນ, ໂດຍສະເພາະແມ່ນວຽກງານປ້ອງກັນສະກັດກັ້ນ ຕ້ານກັບການກໍ່ອາດຊະຍາກຳ, ການເຄື່ອນໄຫວຂອງກຸ່ມຄົນບໍ່ດີ ແລະ ເຄື່ອນໄຫວກະທຳຜິດອື່ນໆ ໄລຍະປີ 2020-2022 ທ່ານໄດ້ກ່າວຕື່ມວ່າ: ຫວຽດນາມ-ລາວ, ລາວ-ຫວຽດນາມ ແມ່ນສອງປະເທດອ້າຍນ້ອງບ້ານໃກ້ເຮືອນຄຽງຮ່ວມກັນ ປະຊາຊົນບັນດາແຂວງຊາຍແດນຂອງສອງປະເທດມີປະຫວັດສາດອັນຍາວນານທີ່ຕິດພັນກັບຂະບວນການຕໍ່ສູ້ອັນດຸເດືອດຕ້ານຈັກກະພັດຜູ້ຮຸກຮານທັງແບບເກົ່າ ແລະ ແບບໃໝ່, ຈາກການເສຍສະລະອັນໃຫ່ຍຫຼວງ ແລະ ຜ່ານຜ່າສິ່ງທ້າທາຍຫຼາຍປະການນັ້ນຫຍິ່ງເຮັດໃຫ້ປະຊາຊົນສອງຊາດລາວ-ຫວຽດນາມ ນັບມື້ນັບສະໜິດສະໝົມຮ່ວມມືຊ່ວຍເຫຼືອເຊີ່ງກັນ ເເລະ ກັນໃນຫຼາຍຂົງເຂດໂດຍສະເພາະຂົງເຂດປ້ອງກັນຊາດ-ປ້ອງກັນຄວາມສະຫງົບ ນັ້ນແມ່ນໜຶ່ງໃນບັນດາປັດໄຈສໍາຄັນໃນການເສີມຂະຫຍາຍທ່າແຮງດ້ານປ້ອງກັນຊາດ-ປ້ອງກັນຄວາມສະຫງົບ ເພື່ອຮັກສາສະຖຽນລະພາບດ້ານການເມືອງ, ຄວາມເປັນລະບຽບຮຽບຮ້ອຍ ແລະ ຄວາມສະຫງົບປອດໄພທາງສັງຄົມຂອງຂອງສອງປະເທດ.

 

 

 

Off

Comments are closed.