19th Sep2022

ຖະແຫຼງຂ່າວ ຄະດີນາງ ພອນທິບ ( ເຈ້ທິບ )

by somda phoneor

ພັນເອກ ບຸນອ້ອມ ໄຊຍະວົງ ຫົວໜ້າກົມຕຳຫຼວດເສດຖະກິດ, ກົມໃຫ່ຍຕຳຫຼວດ ກະຊວງປ້ອງກັນຄວາມສະຫງົບ, ໄດ້ຖະແຫຼງຂ່າວກ່ຽວກັບຄະດີ ນາງ ພອນທິບ ພ້ອມດ້ວຍກຸ່ມແກ້ງໃນຄະດີເຄື່ອນໄຫວສໍ້ໂກງຊັບ ແລະ ດໍາເນີນທຸລະກິດບໍ່ຖືກຕ້ອງຕາມກົດໝາຍ ເຊິ່ງສ້າງຄວາມເສຍຫາຍຫຼາຍພັນຕື້ກີບ ຕໍ່ສື່ມວນຊົນປ້ອງກັນຄວາມສະຫງົບໃນວັນທີ 19 ກັນຍາ 2022 ນີ້ ເຊິ່ງທ່ານໄດ້ກ່າວວ່າ:

ນາງ ພອນທິບ  ແລະ ທ້າວ ອານຸສິດ ຜູ້ຖືກຫາໄດ້ມີການເຄື່ອນໄຫວສໍ້ໂກງຊັບ, ແຕ່ທ້າຍປີ 2021 ເປັນຕົ້ນມາ ໂດຍພວກກ່ຽວໄດ້ໂຄສະນາລົງສື່ອອນລາຍ ໂດຍສະເພາະທາງເຟດບຸກ ຮັບເປັນແມ່ຫວຍ, ຮັບຝາກເງີນໂດຍໃຫ້ດອກເບ້ຍສູງ 30%ຕໍ່ເດືອນ, ເຊິ່ງເກີນກຳນົດລະບຽບກົດໝາຍ ໂດຍບໍ່ໄດ້ຮັບອານຸຍາດຈາກທະນາຄານແຫ່ງ ສປປ ລາວ, ເມື່ອໄດ້ຮັບເງີນມາຈາກການສໍ້ໂກງແລ້ວກໍ່ໄດ້ເອົາໄປຈ່າຍດອກເບ້ຍໃຫ້ບັນດາລູກຄ້າ, ຈ່າຍເງີນຫວຍ, ຊື້ລົດ, ຊື້ດິນ, ສ້າງເຮືອນ, ຕັ້ງຮ້ານຂາຍເພັດ, ພອຍ, ວັດຖຸມີຄ່າ, ສ່ວນທີ່ເຫຼືອແມ່ນເອົາໄປໃຊ້ຈ່າຍສ່ວນຕົວໝົດ, ຫຼັງຈາກນັ້ນກໍ່ໄດ້ເອົາຕົວລົບໜີໄປຢູ່ຕ່າງປະເທດ ມາເຖິງປັດຈຸບັນ ເຈົ້າໜ້າທີ່ສືບສວນ-ສອບສວນ ກົມຕຳຫຼວດເສດຖະກິດ ກົມໃຫ່ຍຕຳຫຼວດ ສາມາດກັກຕົວຜູ້ກ່ຽວ ແລະ ພັກພວກທີ່ພົວພັນສົມຮູ້ຮ່ວມຄິດກັບນາງ ພອນທິບ ລວມທັງໝົດ 7 ຄົນ, ຍຶດ-ອາຍັດຊັບສິນທີ່ໄດ້ຈາກການກະທຳຜິດຈຳນວນໜຶ່ງ ຊຶ່ງລາຍລະອຽດທ່ານໄດ້ກ່າວວ່າ:

ພ້ອມນີ້ ພັນເອກ ບຸນອ້ອມ ໄຊຍະວົງ ຫົວໜ້າກົມຕຳຫຼວດເສດຖະກິດ ໄດ້ເຕືອນສະຕິມາຍັງບັນດາປະຊາຊົນ, ພະນັກງານ, ທະຫານຕຳຫຼວດ ຈົ່ງໄດ້ມີສະຕິລະວັງຕົວຢ່າໄປຫຼົງເຊື່່ອກົນອຸບາຍເລ່ຫຼຽມຂອງພວກເຄື່ອນໄຫວກະທຳຜິດທາງອາຍາ, ໂດຍສະເພາະເລ່ຫຼຽມເຄື່ອນໄຫວສໍ້ໂກງຊັບ, ເຊິ່ງຍາມໃດພວກເຂົາກໍ່ຊອກວິທີທາງເພື່ອໃຫ້ຫຼົງເຊື່ອ ແລ້ວມອບຊັບໃຫ້ພວກເຂົາ ສະນັ້ນຈຶ່ງໃຫ້ທຸກທ່ານສຶກສາ, ຄົ້ນຄວ້າ ແລະ ກວດກາໃຫ້ລະອຽດຖີ່ຖ້ວນເພື່ອຮັບປະກັນກ່ອນຈະດຳເນີນທຸລະກິດອັນໃດໜື່ງເພື່ອຫຼີກລ້ຽງການສູນເສຍຊັບສິນຂອງຕົນບໍ່ຢາກໃຫ້ພວກທ່ານຕົກເປັນເຫຍື່ອຄືກັບຄະດີດັ່ງກ່າວ.

Comments are closed.