20th Sep2022

ພິທີຖະແຫຼງຂ່າວງານສະບາຍດີຫຼວງພະບາງ ເຟັສ (Sabaidee Luangprabang Fest)

by Peaung Thanonkeo

ໃນວັນທີ 19ກັນຍາປີ2022ນີ້,ສະພາການຄ້າ ແລະ ອຸດສາຫະກໍາແຫ່ງຊາດລາວ,ສະພາການ ຄ້າ  ແລະອຸດສາຫະກໍາແຂວງຫລວງພະບາງ ຮ່ວມກັບໂຄງການຊັດສທົ່ວ ຈັດຕັ້ງປະຕິບັດໂດຍອົງການແພຮນ ສາກົນປະຈໍາລາວ ສະໜັບສະໜູນໂດຍ ສູນສະຫະພາບເອີລົບປະຈໍາລາວ,ໄດ້ຈັດພິທີຖະແຫລງຂ່າວ ກ່ຽວກັບງານສະບາຍດີຫລວງພະບາງເຟສ,ຂື້ນທີ່ຫ້ອງປະຊຸມສະພາການຄ້າ ແລະ ອຸດສາຫະກໍາແຫ່ງຊາດລາວ,ໃຫ້ກຽດເຂົ້າຮ່ວມຖະແຫຼ່ງຂ່າວ ມີທ່ານ ນາງ ຈັນທະຈອນ ວົງໄຊ ຮອງປະທານສະພາການຄ້າແລະອຸດສາຫະກໍາແຫ່ງຊາດລາວ,ທ່ານ ໄຊສົມເພັດ ນໍລະສິງ ຫົວໜ້າກົມສົ່ງເສີມການຄ້າ ກະຊວງອຸດສາຫະກໍາແລະການຄ້າ,ທ່ານ ນາງແວວມະນີ ດວງດາລາ ຮອງ ປະທານສະພາການຄ້າແລະອຸດສາຫະກໍາແຂວງຫລວງພະບາງ, ທ່ານ ເວັງຊອງ ເວຍ ຫົວຫນ້າຝ່າຍການຮ່ວມມື,ສໍານັກງານຜູ້ຕ່າງໜ້າສະຫະພາບ ເອີລົບ ປະຈໍາ ສປປ ລາວ ແຂກຖືກເຊີນຈາກ ກະຊວງ ຖະແຫຼ່ງຂ່າວ ວັດທະນະທໍາ ແລະ ທ່ອງທ່ຽວກຸ່ມສະມາຄົມ,ແລະ ຕ່າງຫນ້າຈາກ ບໍລິສັດ ທີ່ເຂົ້າຮ່ວມຈັດການງານດັ່ງກ່າວເຂົ້າຮ່ວມ

ທ່ານ ນາງຈັນທະຈອນ ວົງໄຊ ຮອງປະທານສະພາການຄ້າແລະອຸດສາຫະກໍາແຫ່ງຊາດລາວໄດ້ໃຫ້ຂໍ້ມູນ ຄວາມເປັນມາໃນການຈັດງານ ສະບາຍດີ ຫລວງພະບາງເຟສ ຄັ້ງນີ້ວ່າ:ງານ “ສະບາຍດີ ຫລວງພະບາງເຟັສ ແມ່ນເປັນກິດຈະກໍາທີ່ສໍາຄັນຫນື່ງ ທີ່ໄດ້ຮັບການສະຫນັບສະຫນູນຈາກໂຄງການ “ສົ່ງເສີມຈຸນລະວິສາຫະກິດ, ວິສາຫະກິດຂະຫນາດນ້ອຍ ແລະ ກາງ ໃຫ້ສາມາດເຊື່ອມຕໍ່ກັບຕະຫຼາດໃນຕ່ອງໂສ້ອຸດສາຫະກໍາການທ່ອງທ່ອງລາວແບບຍືນຍົງ” ຫລື ເອີ້ນວ່າ (SUSTOUR Laos),ເຊີ່ງໂຄງການດັ່ງກ່າວນີ້ ເປັນໂຄງການຫນຶ່ງທີ່ຢູ່ພາຍໃຕ້ການຊຸກຍູ້,ຊີ້ນຳຈາກ ກະຊວງອຸດສາຫະກໍາ ແລະ ການຄ້າ ໂດຍມີຈຸດປະສົງ ແມ່ນເພື່ອແນໃສ່ການຊຸກຍູ້ ແລະ ສົ່ງເສີມບັນຫາຫົວຫນ່ວຍທຸລະກິດ ກໍ່ຄືທຸລະກິດຂະຫນາດນ້ອຍ ແລະ ກາງ ສາມາດເຊື່ອມໂຍັງເຂົ້າສູ່ຕະຫລາດ ເພື່ອໃຫ້ສາມາດແຂ່ງຂັນໃນຕະຫລາດພາຍໃນ ແລະ ຕະຫລາດສາກົນໄດ້.

ງານ “ສະບາຍດີ ຫລວງພະບາງເຟັສ ແມ່ນຈັດຂື້ນເປັນຄັ້ງທໍາອິດທີ່ແຂວງ ຫຼວງພະບາງ,ເຊິ່ງຈະຈັດຂື້ນ ໃນລະຫວ່າງວັນທີ 06-12 ຕຸລາ2022ນີ້ ເຊິ່ງຈະດໍາເນີນເປັນເວລາ 7 ວັນ ໃນໄລຍະບຸນອອກ ພັນສາ. ງານດັ່ງກ່າວນີ້ ແມ່ນຈະເປັນການສົ່ງເສີມ ແລະ ສະຫນັບສະຫນູນໃຫ້ບັນດາຫົວໜ່ວຍທຸລະກິດ ໃນ ສປປ ລາວ ໄດ້ຮັບການຫັນໄປສູ່ການດໍາເນີນທຸລະກິດແບບຍືນຍົງເຊິ່ງເຮັດໃຫ້ກຸ່ມຜູ້ອຸປະໂພກບໍລິໂພກ,ຜູ້ໃຊ້ບໍລິການ ໂດຍສະເພາະແມ່ນກຸມນັກທ່ອງທ່ຽວທົ່ວໄປ ແລະ ບັນດາທຸລະກິດການທ່ອງທ່ຽວທັງພາຍໃນ ແລະ ສາກົນ ໃຫ້ການສະຫນັບສະຫນູນການທ່ອງທ່ຽວແບບ ຍືນຍົງ ທີ່ຈະກາຍເປັນຈຸດເດັ່ນ ແລະ ຂໍ້ໄດ້ປຽບທາງທຸລະກິດຂອງບັນດາຈຸນລະວິສາຫະກິດ, ວິສາຫະກິດຂະຫນາດນ້ອຍ ແລະ ກາງ ໃນການດໍາເນີນທຸລະກິດແບບຍືນຍົງ ພ້ອມດຽວກັນນັ້ນ ກໍ່ເພື່ອເປັນການກະຕຸ້ນການທ່ອງທ່ຽວໃຫ້ຄົນພາຍໃນຊາດຫັນມາທ່ອງທ່ຽວພາຍໃນປະເທດໃຫ້ຫຼາຍຂື້ນ ເປັນການສົ່ງເສີມການຫັນມາໃຊ້ຜະລິດຕະ ພັນພາຍໃນ ໃຫ້ນັບມື້ນັບຫຼາຍຂື້ນ ຄຽງຄູ່ກັບການຟື້ນຟູເສດຖະກິດຫຼັງຈາກໄດ້ຮັບຜົນກະທົບຈາກການແຜ່ລະບາດຂອງໂຄວິດ-19 ແລະ ທີ່ສໍາຄັນແມ່ນເພື່ອສົ່ງເສີມບັນດາຫົວຫນ່ວຍທຸລະກິດຜູ້ປະກອບການທີ່ຕິດພັນກັບການທ່ອງທ່ຽວ ເຊັ່ນ: ບັນດາທຸລະກິດທີ່ພັກ-ໂຮງແຮມ, ບໍລິສັດ ທອງທຽວ,ບໍລິສັດຂົນສົ່ງ,ບັນດາຜູ້ສະຫນອງອາຫານ ແລະ ເຄື່ອງດື່ມ,ບັນດາຫົວໜ່ວຍທຸລະກິດຫັດຖະກໍາ,ກະສິກໍາທີ່ເປັນສີໄມ້ລາຍມືຂອງຄົນລາວ.

ພ້ອມນີ້ ທ່ານ ນາງແວວມະນີ ດວງດາລາ ຮອງ ປະທານສະພາການຄ້າແລະອຸດສາຫະກໍາແຂວງຫລວງພະບາງ ຍັງໄດ້ກ່າວຕື່ມວ່າ: ຄ່ານິຍົມຂອງການທ່ອງທ່ຽວໃນປະຈຸບັນ ແມ່ນເຫັນວ່າ ນັກທ່ອງທ່ຽວທັງພາຍໃນ,ພາກພື້ນນ ແລະ ທົ່ວໂລກ ແມ່ນໃຫ້ຄວາມສໍາຄັນຫຼາຍໃນການເດີນທາງຢ່າງມີຄວາມຮັບຜິດຊອບຕໍ່ສິ່ງແວດລ້ອມ ແລະ ຊອກຫາປະສົບການທີ່ເປັນເອກະຫຼັກຂອງທ້ອງຖິ່ນ,ງານສະບາຍດີ ຫຼວງພະບາງເຟັສ:ໃນຄັ້ງນີ້ ຈະໄດ້ເຫັນຄວາມປະສົມ ປະສານກັນຢ່າງລົງໂຕ ລະຫວ່າງ ການທ່ອງທ່ຽວທີ່ເປັນມິດຕໍ່ສິ່ງແວດລ້ອມ ມີຄວາມຮັບຜິດຊອບກັບສັງຄົມ ແລະ ສົ່ງເສີມເອກະຫຼັກວັດທະນາທໍາຮີດຄອງປະເພນີ ທ້ອງຖິນອັນແທ້ຈິງ ທາງຜູ້ຈັດງານຈອງແມ່ນມຸ້ງເນັ້ນສ້າງ ກິດຈະກໍາທີ່ເປັນເອກະຫຼັກຂອງຫຼວງພະບາງ ສິນຄ້າທີ່ນໍາມາວາງ ໃນຕະຫຼາດຜະລິດຕະພັນ ແມ່ນມາຈາກທ້ອງ ຖິ່ນ ແລະ ຕັ້ງໃຈຈັດງານນີ້ໃຫ້ແກ່ຜູ້ມາຢ້ຽມຢາມ ມີຄວາມຮູ້ສຶກພິເສດ ແລະ ບໍ່ສາມາດຫາ ປະສົບການແບບນີ້ໄດ້ຈາກບ່ອນອື່ນ,ພ້ອມທັງຕັ້ງໃຈໃຫ້ງານນີ້ ເປັນງານຮູບແບບຂອງບຸນໄຫຼເຮືອໄຟແບບເອກະຫຼັກ ຂອງຊາວເມືອງຫຼວງພະບາງ ໃຫ້ຜູ້ມາຢາມບ້ານເຮົາ ຄິດຮອດຄິດເຖິງ ແລະກັບມາຫຼວງພະບາງອີກໃນປີຕໍ່ຕໍ່ໄປເຊີ່ງພາຍໃນງານມີຫຼາຍລາຍການກິດຈະກໍາສະແດງຕາມຮີດຄອງປະເພນີແລະອື່ນໆ.

 

Comments are closed.