22nd Sep2022

ອາດີດການນໍາກອງບັນຊາການ ປກສ ແຂວງອຸດົມໄຊ ມອບເຄື່ອງໃຫ້ປະຊາຊົນທີ່ຮັບຜົນກະທົບຈາກໄພທໍາມະຊາດ.

by somchan

ໃນວັນທີ 20 ກັນຍາ 2022 ນີ້ ອາດີດການນໍາກອງບັນຊາການ ປກສ ແຂວງອຸດົມໄຊ ນໍາ ໂດຍ ພັອ ບຸນສະຫວັດ ຈັນທະລຸນ ພະນັກງານບໍານານ, ອາດີດຄະນະປະຈໍາພັກແຂວງ, ຫົວຫນ້າກອງບັນຊາການ ປກສ ແຂວງອຸດົມໄຊ ພ້ອມດ້ວຍຄະນະ, ນັກທຸລະກິດຈີນ 

ປະຈໍາເທດສະບານແຂວງອຸດົມໄຊ ຈາກ 15 ພາກສ່ວນ, ໄດ້ນໍາເອົາເຄື່ອງຊ່ວຍເຫຼືອບັນເທົາທຸກ ປະເພດເຄື່ອງອຸປະໂພກ-ບໍລິໂພກຫຼາຍກ່ວາ 06 ລາຍການ ນຳໄປລົງແຈກຢາຍໃຫ້ແກ່ປະຊາຊົນທີ່ ຖືກຜົນກະທົບຈາກໄພພິບັດ(ນ້ໍາຖ້ວມ)ຢູ່ 04 ບ້ານຄື: ບ້ານຫ້ວຍຊູ, ບ້ານສາມະຄີໄຊ, ບ້ານໂພນໄຊ ແລະ ບ້ານຫ້ວຍຫຼາ ເມືອງຫຼາ ແຂວງອຸດົມໄຊ, ໃນນີ້ມີຄອບຄົວ ໄດ້ຮັບຜົນກະທົບຈໍານວນ 31 ຄອບຄົວ.

ພ້ອ ບຸນສະຫວັດ ຈັນທະມຸນ ໄດ້ໃຫ້ຮູ້ວ່າ: ເຄື່ອງທີ່ນໍາມາມອບໃນຄັ້ງນີ້ ປະກອບມີ: ເຂົ້າສານ ຈໍານວນ 1.000 ກິໂລ, ນ້ໍາດື່ມ 100 ແພັກ, ແປ້ງນົວ 35 ກິໂລ, ນ້ໍາມັນພືດ 71 ກ່ອງ, ເກືອ 87 ກິໂລ, ປະເພດເຄື່ອງນຸ່ງຮົ່ມຈໍານວນ 05 ເປົາ, ລວມມູນຄ່າທັງຫມົດ 19,400,000 ກວ່າກີບ(ສິບເກົ້າລ້ານສີ່ແສນກວ່າກີບ). ເຊິ່ງເຄື່ອງດັ່ງກ່າວແມ່ນໄດ້ຈາກການປຸກລະດົມ ເພື່ອປະກອບສ່ວນຊ່ວຍເຫຼືອທາງດ້ານຊີວິດການເປັນຢູ່ຂອງປະຊາຊົນທີ່ປະສົບໄພ ໃຫ້ກ້າວຜ່ານວິກິດນີ້ໄປດ້ວຍດີ, ນອກຈາກນີ້ຍັງມອບວັດຖຸປັດໃຈ ໃຫ້ແກ່ອົງການປົກຄອງເມືອງຫຼາອີກຈໍານວນຫນຶ່ງ. ໂດຍມີ ທ່ານເນັງເຮີ ຮອງເຈົ້າເມືອງໆຫຼາ ແຂວງອຸດົມໄຊ, ມີອົງການປົກຄອງບ້ານພ້ອມດ້ວຍຄອບຄົວທີ່ຖືກຜົນກະທົບຈາກໄພທໍາມະຊາດ(ນໍາຖ້ວມ)ຢູ່ໃນ 04 ບ້ານເຂົ້າຮ່ວມ.

ໂອກາດດັ່ງກ່າວອົງການປົກຄອງເມືອງ-ອົງການປົກຄອງບ້ານກໍ່ໄດ້ກ່າວສະແດງຄວາມຂອບອົກຂອບໃຈ ແລະ ຮູ້ບຸນຄຸນຕໍ່ ພັອ ບຸນສະຫັວດ ຈັນທະລຸນ ພະນັກງານບໍານານ, ອາດີດຄະນະປະຈໍາພັກແຂວງ, ຫົວຫນ້າກອງບັນຊາການ ປກສ ແຂວງ ອຸດົມໄຊ ພ້ອມດ້ວຍທິມງານນັກທຸລະກິດຈີນ ທີ່ໄດ້ນໍາເອົາວັດຖຸປັດໃຈຄວາມເປັນຫ່ວງເປັນໄຍມາຊ່ວຍເຫຼືອ ຄັ້ງນີ້ ແລະ ຈະເອົາວັດຖຸປັດໃຈດັ່ງກ່າວຫມູນໃຊ້ເຂົ້າໃນການແກ້ໄຂບັນເທົ່າທາງດ້ານຊີວິດການເປັນຢູ່ ຂອງປະຊາຊົນໃຫ້ນັບມື້ດີຂື້ນເປັນກ້າວໆ.

Comments are closed.