22nd Mar2016

ປກສ ແຂວງ ອຸດົມໄຊ ແກ້ໄຂເປົ້າໝາຍ ຢາເສບຕິດລາຍໃຫຍ່

by somchan

ຕົ້ນເດືອນ ມີນາ 2016 ນີ້ ເຈົ້າໜ້າທີ່ພະແນກ ຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ແຂວງ ອຸດົມໄຊ ໄດ້ແກ້ໄຂເປົ້າໝາຍຢາເສບຕິດລາຍໃຫຍ່ ສາມາດກັກຕົວຜູ້ກະທຳຜິດໄດ້ 5 ຄົນ, ພ້ອມຢຶດເຄື່ອງນຳໃຊ້ຜະລິດຢາເສບຕິດ ໄດ້ຫຼາຍລາຍການ. ໃນນີ້ມີ: ທ້າວບຸຍຮິວແຢງ  ອາຍຸ 50 ປີ ຢູ່ບ້ານ ແລະ ເມືອງຫິມນາມ, ນາງ ຍ່າງຕຶມກຸກ ອາຍຸ 56  ຢູ່ບ້ານຮິມລາມ ເມືອງແທງຟູ ທັງສອງຢູ່ແຂວງ ວຽນບຽນຟູ, ທ້າວຫງຽນຈິກົງ ອາຍຸ 58 ປີ, ທ້າວຫງຽນວັນມິງ ອາຍຸ 20 ປີ ທັງສອງຢູ່ບ້ານວັນກຽບ ເມືອງຮາຍບາຈຶງ ແຂວງ ຮາໂນຍ ແລະ ທ້າວ ວູແທງຈຸງ ອາຍຸ 38ປີ ຢູ່ບ້ານໄລຮອງຟອງ ເມືອງແລະ ແຂວງໄທເບງ ທັງ5ຄົນ ຢູ່ ສສ ຫວຽດນາມ. ປັດຈຸບັນພວກກ່ຽວພັກເຊົາຢູ່ບ້ານນາສ້າວ ແລະ ບ້ານນາເລົາ ເມືອງໄຊ ແຂວງ ອຸດົມໄຊ.

ຜ່ານການກວດຄົ້ນບ່ອນພັກເຊົາພົບເຫັນ: ເຄື່ອງອັດຢາບ້າ 2 ເຄື່ອງ, ລູກອັດຢາບ້າ 38 ລູກ, ແປ້ງຝຸ່ນສີຂາວ 77,66 ກິໂລກຣາມ, ຝຸ່ນສີແດງ 10 ກິໂລກຣາມ, ຝຸ່ນສີກາເຟ 2,9 ກິໂລກຣາມ, ຝຸ່ນຫອມ 10,5 ກິໂລກຮາມ, ນ້ຳເຄມີ 12 ກິໂລກຣາມ, ເງິນໂດລາ 1 ພັນກວ່າໂດລາ, ເງິນກີບ 7 ລ້ານກວ່າກີບ, ເງິນດົງ 10 ລ້ານກວ່າດົງ, ລົດໃຫຍ່ 3 ຄັນ, ພ້ອມທັງເຄື່ອງອື່ນອີກຫຼາຍລາຍການ.

ປະຈຸບັນ ເຈົ້າໜ້ທີ່ຕຳຫຼວດພວມສືບສວນ-ສອບສວນຂະຫຍາຍຜົນຫາກຸ່ມແກ້ງຮ່ວມຂະບວນການ ເພື່ອມາດຳເນີນຄະດີຕາມລະບຽບກົດໝາຍ.

Off

Comments are closed.