31st Mar2016

ກົມກອງຕ່າງໃນກຳລັງ ປກສ ປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ.

by somchan

ກົມໃຫຍ່ການເມືອງ ປກສ ໄດ້ປະກາດເລື່ອນຊັ້ນໃຫ້ນາຍ ແລະ ພົນຕຳຫຼວດ. ໃນວັນທີ 30 ມີນາ 2016 ນີ້, ເຂົ້າຮ່ວມ ແລະ ປະດັບຊັ້ນໂດຍ ພັນເອກ ຄຳເກື່ອງ ຜຸຍຫຼ້າມະນີວົງ ຮອງຫົວໜ້າກົມໃຫຍ່ການເມືອງ ປກສ ມີຄະນະບັນຊາ-ພະນັກງານຫຼັກແຫຼ່ງ ແລະ ພະນັກງານ-ນັກຮົບຜູ້ໄດ້ຮັບການເລື່ອນຊັ້ນເຂົ້າຮ່ວມ.

ພັອ ນາງ ວິໄລທອງ ມັງໜໍ່ເມກ ຫົວໜ້າຫ້ອງການເມືອງ ກົມໃຫຍ່ການເມືອງ ປກສ ໄດ້ຜ່ານຂໍ້ຕົກລົງຂອງລັດຖະມົນຕີກະຊວງ ປກສ ແລະ ຂໍ້ຕົກລົງຂອງກົມໃຫຍ່ການເມືອງ ປກສ ວ່າດ້ວຍການເລື່ອນຊັ້ນໃຫ້ນາຍ ແລະ ພົນຕຳຫຼວດ ກົມໃຫຍ່ການເມືອງ. ໃນນີ້ເລື່ອນຊັ້ນຂັ້ນນາຍພັນ ຈຳນວນ 12 ສະຫາຍ, ຂັ້ນນາຍຮ້ອຍ 49 ສະຫາຍ ແລະ ຂັ້ນນາຍສິບ 25 ສະຫາຍ.

ໃນໄລຍະດຽວກັນນີ້ ຢູ່ທີ່ວິທະຍາຄານປ້ອງກັນຄວາມສະຫງົບແຫ່ງຊາດ ກໍ່ໄດ້ປະກາດເລື່ອນຊັ້ນໃຫ້ນາຍຕຳຫຼວດ, ໃນນີ້ ຂັ້ນນາຍພັນມີ 14 ສະຫາຍ, ຂັ້ນນາຍຮ້ອຍ 69 ສະຫາຍ. ແລະ ວິທະຍາຄານຕຳຫຼວດປະຊາຊົນກໍ່ໄດ້ປະກາດເລື່ອນຊັ້ນເຊັ່ນດຽວກັນ ໃນນີ້, ຂັ້ນນາຍພັນມີ 6 ສະຫາຍ, ຂັ້ນນາຍຮ້ອຍ 29 ສະຫາຍ ແລະ ຂັ້ນນາຍສິບ 7 ສະຫາຍ.

 

Off

Comments are closed.