11th Apr2016

ເປີດສະໜາມຝຶກຊ້ອມກິລຍິງປືນ 5 ເມສາ.

by somchan

ສະໜາມຝຶກຊ້ອມກິລາຍິງປືນ 5 ເມສາ ໄດ້ເປີດການນຳໃຊ້ ແລະ ໃຫ້ບໍລິການຢ່າງເປັນທາງການ ໃນວັນທີ 2 ເມສາ 2016ນີ້ ໂດຍການເຂົ້າຮ່ວມຂອງທ່ານບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ຮອງປະທານປະເທດແຫ່ງ ສປປ ລາວ, ມີບັນດາການນຳຂັ້ນສູງ ແລະ ການນຳ ປກສ ເຂົ້າຮ່ວມ.DSC_0744-(CUT)

ການເປີດນຳໃຊ້ສະຫນາມຝືກຊ້ອມຍິງປືນ ກໍ່ເພື່ອຮອງຮັບໃນການຝຶກແອບໃຫ້ແກ່ພະນັກງານ-ນັກຮົບ ຂອງກຳລັງປ້ອງກັນຄວາມສະຫງົບ ໃນການນຳໃຊ້ອາວຸດ-ລູກກະສຸນໃຫ້ມີຄວາມຊຳນານ, ເປັນທີ່ຍອມຮັບຈາກສາກົນ ແລະ ຮອງຮັບການແຂ່ງຂັນກິລາຍິງປືນລະດັບຊາດ-ສາກົນ ແລະ ບໍລິການຮັບໃຊ້ທົ່ວໄປ ທັງແຂກພາຍໃນແລະ ຕ່າງປະເທດ.

ພົມຕີ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ໄດ້ກ່າວວ່າ: ການກໍ່ສ້າງສະຫນາມກິລາຍິງປືນ 5 ເມສາ ແມ່ນເປັນຕົວແບບຂອງການຮ່ວມທາງດ້ານວິຊາການຂອງກຳລັງປະກອບອາວຸດ; ເຊຶ່ງມີຄວາມໝາຍຄວາມສຳຄັນ ແລະ ມີຄວາມຈຳເປັນທີ່ສຸດໃຫ້ແກ່ການຝືກຊ້ອມ ເພື່ອພັດທະນາທາງດ້ານເຕັກນິກ, ໄຫວພິກ, ຄວາມຄ່ອງແຄ້ວ, ວ່ອງໄວ, ຄວາມຊຳນິຊຳນານ ແລະ ຄວາມແມ໊ນຢຳ ໃນການນຳໃຊ້ອາວຸດຂອງນາຍ ແລະ ພົນຕຳຫຼວດ ໃນກຳລັງປ້ອງກັນຄວາມສະຫງົບປະຊາຊົນ ໃຫ້ມີຄວາມຮັບປະກັນຕ້ານຄຸນນະພາບ ເພື່ອຮັບໃຊ້ເຂົ້າໃນໜ້າທີ່ການເມືອງຂອງຕົນ ໃນການປົກປັກຮັກສາຄວາມສະຫງົບສຸກຂອງຊາດ ແລະ ຄວາມເປັນລະບຽບຮຽບຮ້ອຍປອດໄພຂອງສັງຄົມ ເວົ້າລວມ, ເວົ້າສະເພາະ ຈະເປັນບ່ອນຝຶກຊ້ອມ, ຝຶກແອບ, ຄັດເລືອກນັກກິລາຍິງປືນລະດັບຊາດ ລະດັບອາຊຽນ ໂດຍສະເພາະໃນຂົງເຂດຕຳຫຼວດອາຊຽນໃນຕໍ່ໜ້າ. ສະໜາມຝຶກຊ້ອມກິລາຍິງປືນ 5 ເມສາ ປະກອບມີ 35 ສະໜາມຄື: ມີສະໜາມຝຶກແອບຍິງປືນ 25 ແມັດ, 50ແມັດ, ແລະ 200ແມັດ, ໃນນັ້ນມີສະໜາມຍິງປືນ IPSC, ມີສະໜາມຍິງເປົ້າບີນ, ຍິງປືນສີ (Painballs), ຍິງປືນໄຟຟ້າ ແລະ ຝຶກຊ້ອມ 3D. ນອກນັ້ນຍັງປະກອບມີຫ້ອງການຫ້ອງຮັບແຂກ,ຮ້ານອາຫານ, ຮ້ານກາເຟ, ຫ້ອງວາງສະແດງປືນ ແລະ ຂາຍເຄື່ອງກິລາ ເພື່ອອຳນວຍຄວາມສະດວກໃຫ້ແກ່ຜູ້ມາໃຊ້ບໍລິການ.

Off

Comments are closed.