16th May2016

ກະຊວງຕຳຫຼວດ ສສ ຫວຽດນາມ ມອບເຄື່ອງຮັບໃຊ້ວຽກງານວິຊາສະເພາະ ໃຫ້ກະຊວງປ້ອງກັນຄວາມສະຫງົບລາວ

by somchan

ກະຊວງຕຳຫຼວດ ສສ ຫວຽດນາມ ໄດ້ມອບເຄື່ອງຮັບໃຊ້ວຽກງານວິຊາສະເພາະ ມູນຄ່າ 600 ລ້ານກວ່າກີບ, ໃຫ້ກະຊວງປ້ອງກັນຄວາມສະຫງົບ ສປປລາວ ໃນວັນທີ 11 ພຶດສະ 2016ນີ້ ເຊິ່ງກ່າວມອບໂດຍ ພົນໂທ ໂຕເລິມ ລັດຖະມົນຕີກະຊວງຕຳຫຼວດ ສສ ຫວຽດນາມ ແລະ ກ່າວຮັບໂດຍ ພົນຕີ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ສປປ ລາວ ໂດຍມີຄະນະຜູ້ແທນທັງສອງຝ່າຍເຂົ້າເປັນສັກຂີພິຍານ.

ເຄື່ອງທີ່ນຳມີມອບໃນຄັ້ງນີ້ປະກອບມີ: ເສື້ອກັນກະສຸນ, ຄ້ອນຢາງ, ເກີບ, ໝວດກັນກະທົບ ແລະອື່ນໆ. ໂອກາດນີ້, ພົມຕີ ສົມແກ້ວ ສີລາວົງ ໄດ້ຕາງໜ້າໃຫ້ຄະນະນຳ-ຄະນະບັນຊາ ແລະ ພະນັກງານ-ນັກຮົບ ໃນກຳລັງປ້ອງກັນຄວາມສະຫງົບລາວ ສະແດງຄວາມຂອບອົກຂອບໃຈຕໍ່ພົນໂທ ໂຕເລິມ ລັດຖະມົນຕີກະຊວງຕຳຫຼວດ ສສ ຫວຽດນາມ ພ້ອມດ້ວຍຄະນະທີ່ໄດ້ໃຫ້ການຊຸກຍູ້ອຸປະຖຳເຄື່ອງຮັບໃຊ້ວຽກງານວິຊາສະເພາະໃຫ້ກະຊວງປ້ອງກັນຄວາມສະຫງົບລາວໃນຄັ້ງນີ້.

 

 

Off

Comments are closed.