16th May2016

ມອບຜູ້ຖືກຫາທຳຮ້າຍຮ່າງກາຍ ຈົນເຮັດໃຫ້ຜູ້ອື່ນເສຍຊີວິດ

by somchan

ວັນທີ 13 ພຶດສະພາ 2016 ນີ້ ກົມຕຳຫຼວດສືບສວນ-ສອບສວນກົມໃຫຍ່ ຕຳຫຼວດກະຊວງປ້ອງກັນຄວາມສະຫງົບ ພ້ອມດ້ວຍພາກສວນກ່ຽວຂ້ອງ ໄດ້ມອບຜູ້ຖືກຫາທຳຮ້າຍຮ່າງກາຍ ຈົນເຮັດໃຫ້ຜູ້ອື່ນເສຍຊີວິດ ໃຫ້ກອງບັນຊາການ ປກສ ແຂວງສະຫວັນນະເຂດ ເພື່ອດຳເນີນຄະດີຕາມຂັ້ນຕອນຂອງກົດໝາຍ, ຜູ້ຖືກຫາຊື່ທ້າວ ພູມີສັກ ຫຼືເໜັ້ນ ອາຍຸ 20ປີ ຢູ່ບ້ານໂພນສະຫວ່າງເໜືອ ເມືອງໄກສອນພົມວິຫານ ແຂວງສະຫວັນນະເຂດ, ເຊິ່ງຜູ້ກ່ຽວໄດ້ທຳຮ້າຍຮ່າງກາຍເຮັດໃຫ້ຜູ້ອື່ນເສຍຊີວິດ ແລ້ວມາລີ້ຊ້ອນຢູ່ນະຄອນຫຼວງວຽງຈັນ.

ຜ່ານການຕິດຕາມຂອງເຈົ້າໜ້າທີ່ວິຊາສະເພາະ ຈຶ່ງສາມາດຈັບຕົວໄດ້ໃນວັນທີ 10 ພຶດສະພາ 2016ນີ້ ດັ່ງນັ້ນເຈົ້າໜ້າທີ່ຈຶ່ງໄດ້ມອບໃຫ້ກອງບັນຊາການ ປກສ ແຂວງສະຫວັນນະເຂດ ເພື່ອດຳເນີນຄະດີຕາມຂັ້ນຕອນຂອງກົດໝາຍ.

 

Off

Comments are closed.