16th May2016

ເກີດເຫດໄຟໄໝ້ຫໍພັກຄູອາຈານ

by somchan

ເຈົ້າໜ້າທີ່ພະແນກສະກັດກັ້ນແລະ ຕ້ານອັກຄີໄພ ປກສ ນະຄອນຫຼວງວຽງຈັນໄດ້ ແຈ້ງໃຫ້ຮູ້ວ່າ: ເວລາ 3:30 ໂມງຂອງວັນທີ 16 ພຶດສະພາ 2016ນີ້ ໄດ້ເກີດເຫດໄຟໄໝ້ຫໍພັກຄູອາຈານ ຢູ່ວິທະຍາໄລ ການຊ່າງລາວ-ເຢຍລະມັນ ບ້ານວັດນາກ ເມືອງສີສັດຕະນາກ ເຊິ່ງເປັນເຮືອນກໍ່ຊັ້ນດຽວ, ມີ 7ຫ້ອງ.

ເຈົ້າໜ້າທີ່ໄດ້ໃຊ້ລົດມອດໄຟຈຳນວນ 4ຄັນໃຊ້ເວລາ 1 ຊົ່ວໂມງຈຶ່ງຄວບຄຸມໄວ້ໄດ້, ຜົນເສຍຫາຍໄຟ້ໄໝ້ໝົດຫຼັງ, ສ່ວນມູນຄ່າ ແລະ ສາເຫດແມ່ນຍັງຢູ່ໃນຂັ້ນຕອນສືບສວນ-ສອບສວນ.

ແລະ ຂ່າວຍັງໃຫ້ຮູ້ຕື່ມອີກວ່າ: ເວລາ 21 ໂມງຂອງວັນທີ 15 ພຶດສະພານີ້ ໄດ້ເກີດເຫດໄຟໄໝ້ປ່າຫຍ້າຈຳນວນ 5 ເຮັກຕາ ຢູ່ບ້ານພະຂາວ ເມືອງໄຊທານີ ນະຄອນຫຼວງວຽງຈັນ, ເຊິ່ງເປັນສວນຂອງທ້າວສຸນິມາ ຢູ່ບ້ານໂພນພະເນົາ ເມືອງໄຊເຊດຖາ ນະຄອນຫຼວງວຽງຈັນ, ເຈົ້າໜ້າທີ່ໃຊ້ລົດມອດໄຟ 1 ຄັນໃຊ້ເວລາ 1 ຊົ່ວໂມງ ຈຶ່ງຄວບຄຸມໄຟໄວ້ໄດ້ ສ່ວນສາເຫດແມ່ນຍ້ອນຄົນຈູດ

 

Off

Comments are closed.