04th Aug2016

ກອງປະຊຸມວິທະຍາສາດຂອງກະຊວງປ້ອງກັນຄວາມສະຫງົບສະໄໝທີ IV

by somchan

ໃນວັນທີ 3 ສິງຫາ 2016 ນີ້ ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມວິທະຍາສາດ ພາຍໃຕ້ຫົວຂໍ້ “ແຜນການດຳເນີນງານ ຂອງຄະນະພັກກະຊວງປ້ອງກັນຄວາມສະຫງົບ ສະໄໝທີ IV ແຕ່ປີ 2016-2020” ພາຍໃຕ້ການເປັນປະທານຂອງ ພົນຕີ ສິນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກກະຊວງ, ກົມໃຫຍ່ ກົມກອງອ້ອມຂ້າງ ແລະ ແຕ່ລະອະນຸກຳມະການເຂົ້າຮ່ວມ. ເພື່ອເຮັດໃຫ້ບັນດາເນື້ອໃນຈິດໃຈ ມະຕິກອງປະຊຸມກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງປ້ອງກັນຄວາມສະຫງົບ ໄດ້ຮັບການຈັດຕັ້ງຜັນຂະຫຍາຍໃຫ້ເຂົ້າສູ່ວຽກງານຕົວຈິງ, ຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ IV ໄດ້ກໍານົດແຜນດໍາງານຂອງຕົນ ໂດຍມີ 5 ໂຄງການຄື: ໂຄງການປົກປັກຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຂອງສັງຄົມ, ໂຄງການປັບປຸງ-ກໍ່ສ້າງກຳລັງປ້ອງກັນຄວາມສະຫງົບ, ປັບປຸງຊີວິດການເປັນຢູ່ຂອງພະນັກງານ-ນັກຮົບ ທາງດ້ານວັດຖຸ ແລະ ຈິດໃຈ, ໂຄງການພົວພັນ ແລະ ຮ່ວມມືກັບຕ່າງປະເທດ ແລະ ໂຄງການຍົກສູງຄຸນນະພາບເປັນເສນາທິການ ໃຫ້ກັບຄະນະພັກ-ຄະນະບັນຊາແຕ່ລະຂັ້ນ ໃຫ້ເຂົ້າສູ່ລະບອບລະບຽບ ແລະ ຄຸນນະພາບໃຫມ່.

IMG_8687

ໃນກອງປະຊຸມ, ຜູ້ເຂົ້າຮ່ວມໄດ້ພ້ອມກັນປຶກສາຫາລື ແລະ ປະກອບຄໍາເຫັນໃສ່ແຕ່ລະໂຄງການ ແລະ ແຜນການຍຸດທະສາດ ເພື່ອຄວາມເປັນເອກກະພາບທາງດ້ານທັດສະນະ, ຄວາມຮູ້ ແລະ ການເຄື່ອນໄຫວຊີ້ນຳ-ນຳພາ ພ້ອມກັນຈັດຕັ້ງປະຕິບັດໃຫ້ມີປະສິດທິຜົນສູງສຸດ.
ໂອກາດດຽວກັນນີ້, ພົນຕີ ສິນທະວົງ ໄຊຍະກອນ ຍັງໄດ້ເໜັ້ນໜັກໃຫ້ຄະນະພັກ-ຄະນະບັນຊາ  ແລະ ແຕ່ລະອະນຸກຳມະການຕ້ອງຍົກສູງຄວາມຮັບຜິດຊອບການເມືອງຂອງຕົນ ເຂົ້າໃສ່ການຄົ້ນຄ້ວາເຊື່ອມຊືມມະຕິມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ IV ຂອງຄະນະບໍລິຫານງານພັກກະຊວງປ້ອງກັນຄວາມສະຫງົບ ພ້ອມທັງ, ຫັນເປັນໂຄງການ, ແຜນການອັນລະອຽດຂອງຕົນ ໃຫ້ສອດຄ່ອງກັບສະພາບການຕົວຈິງຂອງກົມກອງທ້ອງຖິ່ນ ແລະ ຈັດຕັ້ງປະຕິບັດໃຫ້ມີປະສິດທິຜົນສູງສຸດ, ເຊີດຊູບົດບາດການນຳພາເດັດຂາດ, ໂດຍກົງ ແລະ ຮອບດ້ານຂອງພັກ ຕໍ່ທຸກຂົງເຂດວຽກງານປ້ອງກັນຄວາມສະຫງົບ.

Off

Comments are closed.