07th Sep2016

ລາວ-ຟີລິບປິນ ຮັດແໜ້ນການພົວພັນຮ່ວມມືຫຼາຍດ້ານ

by somchan

ຕອນເຊົ້າຂອງວັນທີ 7 ກັນຍາ 2016 ສປປ ລາວ ໃນນາມເປັນປະທານອາຊຽນ ໄດ້ຈັດກອງປະຊຸມສຸດຍອດອາຊຽນ ຄັ້ງທີ 29 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ພາຍໃຕ້ການເປັນປະທານຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ໂດຍມີບັນດາປະມຸກລັດ, ຫົວໜັາລັດຖະບານອາຊຽນ, ເລຂາທິການໃຫຍ່ອາຊຽນ ແລະບັນດາຜູ້ແທນເຂົ້າຮ່ວມ.

ໃນຄັ້ກອງປະຊຸມຄັ້ງນີ້ ບັນດາຜູ້ນຳອາຊຽນ ໄດ້ຕີລາຄາຄືນ ກ່ຽວກັບການຮ່ວມມື ລະຫວ່າງ ອາຊຽນກັບຄູ່ເຈລະຈາ ຄູ່ຮ່ວມພາຍນອກ ໃນໄລະຍະຜ່ານມາ ພ້ອມທັງວາງທິດທາງແຜນການໃນອະນາຄົດ ໂດຍຜູ້ນຳອາຊຽນ ໄດ້ເນັ້ນເຖິງຄວາມສຳຄັນໃນການຮັກສາຄວາມເປັນແກນກາງຂອງອາຊຽນ ໃນໂຄງສ້າງພາກພື້ນພວມຜັນແປ ແລະໄດ້ເພີ່ມທະວີການຮ່ວມມື ກັບບັນດາຄູ່ຮ່ວມເຈລະຈາ ແລະ ຄູ່ຮ່ວມພາຍນອກອື່ນໆ ໂດຍຜ່ານກົນໄກ ທີ່ອາຊຽນເປັນຜູ້ລິເລີ່ມ ເຊັ່ນ ອາຊຽນບວກ ໜຶ່ງ, ອາຊຽນບວກ ສາມ, ເວທີພາກພື້ນອາຊຽນ, ກອງປະຊຸມລັດຖະມົນຕີປ້ອງກັນປະເທດອາຊຽນ ບວກ ແລະ ກອງປະຊຸມສຸດຍອດອາຊີຕາເວັນອອກ.

ນອກຈາກນັ້ນ, ຜູ້ນຳອາຊຽນ ຍັງໄດ້ແລກປ່ຽນຄວາມຄິດເຫັນ ຢ່າງກົງໄປກົງມາ ແລະ ສ້າງສັນ ກ່ຽວກັບບັນຫາພາກພື້ນ ແລະ ສາກົນ ທີ່ມີຄວາມສົນໃຈ ແລະ ເປັນຫ່ວງຮ່ວມກັນ ຊຶ່ງລວມມີສິ່ງທ້າທ້າຍດ້ານຄວາມໝັ້ນຄົງ ທີ່ກ່ຽວຂ້ອງກັບການທະຫານ ແລະ ບໍ່ແມ່ນການທະຫານ ເຊັ່ນ: ການກໍ່ການຮ້າຍ ແລະ ລັດທິຫົວຮຸນແຮງ, ໄພພິບັດທຳມະຊາດ ການປ່ຽນແປງຂອງດິນຟ້າອາກາດ, ບັນຫາຊາວອົບພະຍົບ, ການຄ້າມະມຸດ, ຂໍ້້ຂັດແຍງດ້ານດິນແດນ, ຄວາມໝັ້ນຄົງ ແລະ ຄວາມປອດໄພທາງທະເລ, ການປະທະກັນດ້ວຍກຳລັງ ແລະ ອາຊະຍາກຳຂ້າມຊາດ ແລະ ສະພາບການຢູ່ພາກພື້ນຕ່າງໆ ແຫຼມເກົາຫຼີ, ຕາເວັນອອກກາງ ແລະ ທະເລຈີນໃຕ້.

Off

Comments are closed.