08th Sep2016

ການປ້ອງກັນເຂດເມືອງໄຊເຊດຖາ

by somchan

ພັທ ຄຳເກິ່ງ ຈັນສຸລິມາດ ຫົວໜ້າກອງບັນຊາການ ປກສ ເມືອງໄຊເຊດຖາ ນະຄອນຫຼວງວຽງຈັນ ທັງເປັນຄະນະອະນຸກຳມະການປ້ອງກັນ ກອງປະຊຸມສຸດຍອດອາຊຽນ ຄັ້ງທີ 28-29 ທີ່ ສປປ ລາວ ເປັນເຈົ້າພາບ ໃຫ້ສຳພາດວ່າ: ເພື່ອຮັບປະກັນເຮັດໃຫ້ກອງປະຊຸມ ມີຄວາມສະຫງົບປອດໄພ ຄະນະພັກ ຄະນະບັນຊາ ກອງບັນຊາການເມືອງໄຊເຊດ ໄດ້ສຸມໃສ່ຊີ້ນຳ-ນຳພາ ພະນັກງານ-ນັກຣົບ ເຮັດໃຫ້ວຽກງານວິຊາສະເພາະ ເປັນຕົ້ນແມ່ນ ໄດ້ເປັນເຈົ້າການເກັບກຳການເຄື່ອນໄຫວຂອງພວກຄົນບໍ່ດີ ທີ່ຈະກໍ່ຄວາມບໍ່ສະຫງົບ ພ້ອມທັງຊີ້ນຳໃຫ້ແຕ່ລະບ້ານສ້າງແຜນການໃນການປ້ອງກັນເວນຍາມ ໂດຍສະເພາະກຳນົດຈຸດທີ່ມີຄວາມສ່ຽງຕ່າງໆ ເພື່ອບັນລຸກຳລັງເຂົ້າປະຈຳການຕະຫຼອດ 24 ຊົ່ວໂມງ, ພ້ອມທັງປຸກລະດົມຂົນຂວາຍປະຊາຊົນທຸກຊັ້ນຄົນ ໃຫ້ເຂົ້າຮ່ວມຂະບວນການປ້ອງກັນໃນຄັ້ງນີ້ ປະຊາຊົນທຸກຊັ້ນຄົນໄດ້ມີຄວາມຕື່ນຕົວ ແລະເປັນເຈົ້າການປະກອບສ່ວນຢ່າງເປັນຂະບວນຄືກຄື້ນ. ຜ່ານການຈັດຕັ້ງປະຕິບັດມາເຖິງປະຈຸບັນນີ້ ເຫັນໄດ້ວ່າ ທົ່ວເມືອງໄຊເຊດຖາມີຄວາມສະຫງົບ ແລະ ເປັນລະບຽບຮຽບຮ້ອຍ ເຮັດໃຫ້ກອງປະຊຸມສຸດຍອດອາຊຽນ ໃນຄັ້ງນີ້ ບັນລຸຜົນສຳເລັດຕາມລະດັບຄາດໝາຍ.

 

Off

Comments are closed.