09th Sep2016

ປະທານປະເທດຕ້ອນຮັບ ນາຍົກລັດຖະມົນຕີຍີ່ປຸ່ນ

by somchan

ໃນວັນທີ 7 ກັນຍາ 2016 ທີ່ນຽມປະທານປະເທດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງທ່ານ ຊິນໂຊ ອາເບະ ນາຍົກລັດຖະມົນຕີ ແຫ່ງ ຍີ່ປຸ່ນ ພ້ອຍດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 6 ກັນຍາ 2016 ທີ່ນະຄອນຫຼວງວຽງຈັນ .

ໃນໂອກາດດັ່ງກ່າວ ທ່ານປະທານປະເທດ ທ່ານໄດ້ຝາກຄວາມຢື້ຢາມຖາມຂ່າວເຖິງ ເຈົ້າຈັກກະພັດ ອາກິຣິໂຕະ, ພະລາຊີນີ ແລະ ລາຊະວົງ ຍີ່ປຸ່ນ ; ສະແດງຄວາມປິຕິຍິນດີທີ່ທ່ານ ຊິນໂຊ ອາເບະ ໄດ້ເດີນທາງມາເຂົ້າຮ່ວມກອງປະຊຸມສຸດຍອດອາຊຽນ ແລະ ກອງປະຊຸມທີ່ກ່ຽວຂ້ອງອື່ນໆ ທີ່ ສປປ ລາວ ເປັນເຈົ້າພາບ ; ຕີລາຄາສູງຕໍ່ກັບສາຍພົວພັນ ແລະ ການຮ່ວມມືສອງຝ່າຍ ຕະຫຼອດໄລຍະ 60 ປີ ຜ່ານມາ. ພ້ອມທັງສະແດງຄວາມຊົມເຊີຍຜົນສຳເລັດ ການພົບປະສອງຝ່າຍລະຫວ່າງ ສອງນາຍົກລັດຖະມົນຕີ ສປປ ລາວ ແລະ ຍີ່ປຸ່ນ; ສະແດງຄວາມຍິນດີທີ່ສອງຝ່າຍ ໄດ້ຮັບຮອງເອົາການຮ່ວມມື ເພື່ອພັດທະນາປະເທດລາວແບບຍືນຍົງ.

ທ່ານບຸນຍັງ ວໍລະຈິດ ຍັງໄດ້ສະແດງຄວາມຂອງໃຈຕໍ່ການຊ່ວຍເຫຼືອດ້ານຕ່າງໆ ຂອງລັດຖະບານຍີ່ປຸ່ນ ໃນໄລຍະຜ່ານມາ ແລະ ການຊ່ວຍເຫຼືອໃນການເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28-29 ແລະ ກອງປະຊຸມທີ່ກ່ຽວຂ້ອງອື່ນໆ ໃນປີ 2016 ຫຼັງຈາກນັ້ນ, ທ່ານ ນາຍົກລັດຖະມົນຕີຍີ່ປຸ່ນ ກໍໄດ້ນຳເອົາຄວາມຢື້ຢ້ຽມຖາມຂ່າວຈາກເຈົ້າຈັກກະພັດ ອາກິຣິໂຕະ ເຖິງ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ; ສະແດງຄວາຂອງໃຈຕໍ່ທ່ານປະທານປະເທດ ທີ່ໃຫ້ກຽດຕ້ອນຮັບໃນຄັ້ງນີ້ ແລະ ໄດ້ລາຍງານຫຍໍ້ກ່ຽວກັບການພົບປະສອງຝ່າຍກັບທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ.

Off

Comments are closed.