29th Sep2016

ປະທານປະເທດພົບປະໂອ້ລົມ ຄະນະນຳ-ຄະນະບັນຊາ ກະຊວງ ປກສ

by somchan

ພະນະ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປລາວ ໄດ້ພົບປະໂອ້ລົມຄະນະນຳ-ຄະນະບັນຊາ ກະຊວງ ປ້ອງກັນຄວາມສະຫງົບ ໃນວັນທີ 26 ກັນຍາ 2016 ນີ້

dsc_0148ເຊິ່ງກ່ອນອື່ນ, ທ່ານ ໄດ້ຍ້ອງຍໍຊົມເຊີຍ ຄະນະນຳ-ຄະນະບັນຊາ ກະຊວງ ປ້ອງກັນຄວາມສະຫງົບ ທີ່ໄດ້ສຸມໃສ່ການຊີ້ນຳ-ນຳພາ ກຳລັງ ປ້ອງກັນຄວາມສະຫງົບ ທຸກຂັ້ນ ປະຕິບັດໜ້າທີ່ວຽກງານ ຈົນສາມາດຍາດໄດ້ຜົນງານທີ່ພົ້ນເດັ່ນຫຼາຍດ້ານ ໂດຍສະເພາະ ການປ້ອງກັນກອງປະຊຸມ ສຸດຍອດອາຊຽນ ຄັ້ງທີ 28-29 ແລະ ບັນດາກອງປະຊຸມປິ່ນອ້ອມຕ່າງໆ ທີ່ ສປປ ລາວ ໄດ້ຮັບກຽດເປັນເຈົ້າພາບ ສາມາດຮັບປະກັນໄດ້ຄວາມສະຫງົບ ຄວາມເປັນລະບຽບຮຽບຮ້ອຍ ໂດຍພື້ນຖານ ທີ່ສຳຄັນແມ່ນສາມາດເຮັດໃຫ້ປະເທດຊາດ ມີສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ.

dsc_0100

ພ້ອມນັ້ນ, ທ່ານຍັງໄດ້ເໜັ້ນໜັກໃຫ້ ຄະນະນຳ-ຄະນະບັນຊາ ກະຊວງ ປ້ອງກັນຄວາມສະຫງົບທຸກຂັ້ນ ຕ້ອງໄດ້ເພີ່ມທະວີຄວາມສາມັກຄີເປັນປືກແຜ່ນ ເປັນຈິດໜຶ່ງໃຈດຽວ, ຊີ້ນຳ-ນຳພາເປັນໝູ່ຄະນະ ບຸກຄົນຮັບຜິດຊອບ ປັບປຸງແບບແຜນວິທີເຮັດວຽກ ໃກ້ຊິດຕິດແທດກັບມະຫາຊົນ ສູ້ຊົນປັບປຸງ ກໍ່ສ້າງກຳລັງໃຫ້ມີຄວາມໜັກແໜ້ນເຂັ້ມແຂງ ແລະ ສົມຄູ່ກັບວຽກງານຕົວຈິງຂອງແຕ່ລະເຫຼົ່າຮົບວິຊາສະເພາະ ໃນກຳລັງປ້ອງກັນຄວາມສະຫງົບໃນໄລຍະໃຫມ່.

 

dsc_0136

Off

Comments are closed.