15th Nov2016

ກອງປະຊຸມບັນດາເຈົ້າຄອງນະຄອນຫຼວງ ອາຊຽນ ຄັ້ງທີ IV

by somchan

ກອງປະຊຸມບັນດາເຈົ້າຄອງນະຄອນຫຼວງອາຊຽນ ຄັ້ງທີ IV ປີ 2016 ໄດ້ຈັດຂຶ້ນໃນຕອນເຊົ້າຂອງວັນທີ 15 ພະຈິກ 2016 ນີ້ ທີ່ຫໍປະຊຸມແຫ່ງຊາດນະຄອນຫຼວງວຽງຈັນ ໂດຍການເປັນປະທານຂອງທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽບຈັນ ມີບັນດາເຈົ້າຄອງນະຄອນຫຼວງ ຈາກບັນດາປະເທດສະມາຊິກອາຊຽນເຂົ້າຮ່ວມ.

ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ໄດ້ກ່າວໄຂກ່າວກອງປະຊຸມ ຢ່າງເປັນທາງການ ເຊິ່ງທ່ານໄດ້ຕີລາຄາສູງ ຕໍ່ການເຂົ້າຮ່ວມກອງປະຊຸມຂອງບັນດາ ທ່ານເຈົ້າຄອງ ແລະ ຕົວແທນຈາກບັນດາປະເທດສະມາຊິກອາຊຽນ ເຊິ່ງສະແດງໃຫ້ເຫັນ ການສະໜັບສະໜູນ ແລະ ຄວາມພ້ອມທີ່ຈະປະຕິບັດນະໂຍບາຍການເຊື່ອມອາຊຽນ ໃນທ້ອງຖິ່ນຂອງອາຊຽນ ພ້ອມດຽວກັນນັ້ນ ກໍສະແດງໃຫ້ເຫັນວ່າ: ການປືກສາຫາລື ແລກປ່ຽນບົດຮຽນ ລະຫວ່າງນະຄອນຫຼວງນຳກັນ ກໍ່ມີຜົນປະໂຫຍດໂດຍກົງໃຫ້ບັນດານະຄອນຫຼວງອາຊຽນເຊັ່ນກັນ. ໃນກອງປະຊຸມບັນດາເຈົ້າຄອງນະຄອນຫຼວງອາຊຽນ ຄັ້ງທີ III ຜ່ານມາ ແມ່ນມີຜົນສຳເລັດເປັນຢ່າງດີ ເຮັດໃຫ້ບັນດານະຄອນຫຼວງ ມີຄວາມໃກ້ຊິດກັນຫຼາຍຂື້ນ ໂດຍໄດ້ມີການແລກປ່ຽນບົດຮຽນນຳກັນໃນດ້ານຕ່າງໆ ທີ່ພົວພັນເຖິງນະໂຍບາຍ 3 ເສົາຄ້ຳ ຂອງການເຊື່ອມໂຍງອາຊຽນເຊັ່ນ: ການພັດທະນາຕົວເມືອງຕາມທິດຍືນຍົງ, ການແກ້ໄຂບັນຫາລົດຕິດ, ການສ້າງຕົວເມືອງສີຂຽວ, ການທ່ອງທ່ຽວ ແລະ ອຸດສາຫະກຳທ່ອງທ່ຽວ, ການກໍ່ສ້າງແຮງງານ ແລະ ການແລກປ່ຽນວັດທະນະທຳ.

ສຳລັບກອງປະຊຸມ ບັນດາເຈົ້າຄອງນະຄອນຫຼວງອາຊຽນ ຄັ້ງທີ IV ເຈົ້າໜ້າທີ່ອາວຸໂສໄດ້ເລືອກເອົາ ຄຳຂວັນ ຫຼື ຫົວຂໍ້ກວມລວມທີ່ວ່າ: ພັນທະ ແລະ ໜ້າທີ່ຂອງນະຄອນຫຼວງອາຊຽນ ໃນພາລະກິດເຊື່ອມໂຍງອາຊຽນ ເຊິ່ງປະກອບມີ 4 ຫົວຂໍ້ຄື: ສ້າງນະຄອນຫຼວງໜ້າຢູ່, ຮັບປະກັນຄວາມປອດໄພ ສາທາລະນະ, ຮັກສາ ແລະ ສົ່ງເສີມມໍລະດົກທາງວັດທະນະທຳ ແລະ ການຮ່ວມມືດ້ານແຮງງານ. ໂດຍລວມແລ້ວ ຄຳຂວັນ ແລະ ຫົວຂໍ້ ກອງປະຊຸມຄັ້ງນີ້ ແມ່ນສອດຄ່ອງການຄວາມຮຽກຮ້ອງຕ້ອງການ ຂອງບັນດານະຄອນຫຼວງ ແລະ ສອດຄ່ອງກັບນະໂຍບາຍ 3 ເສົາຄ້ຳຂອງການເຊື່ອມໂຍງອາຊຽນ ທີ່ລັດຖະບານປະເທດອາຊຽນກຳນົດເອົາແລ້ວ.

ໃນວາລະຂອງກອງປະຊຸມ ບັນດາຄະນະຜູ້ແທນຈະໄດ້ພວມກັນ ປະກອບຄຳຄິດຄຳເຫັນໃສ່ ແຕ່ລະຫົວຂໍ້ ແລະ ຄັດເລືອກເຈົ້າພາບ ຈັດກອງປະຊຸມເຈົ້າຄອງນະຄອນຫຼວງອາຊຽນ ຄັ້ງທີ V ປີ 2017, ຜ່ານຖະແຫຼ່ງການຮັບຮອງເອົາຖະແຫຼ່ງການນະຄອນຫຼວງວຽງຈັນ.

 

Off

Comments are closed.