23rd Nov2016

ພິທີມອບ-ຮັບໜ້າທີ່ຫົວໜ້າຫ້ອງວ່າການ ກະຊວງ ປກສ ລະຫວ່າງ ຜູ້ເກົ່າ ແລະ ຜູ້ໃຫມ່

by somchan

ວັນທີ 23 ພະຈິກ 2016 ນີ້, ກະຊວງປ້ອງກັນຄວາມສະຫງົບ ໄດ້ຈັດຕັ້ງການມອບ-ຮັບໜ້າທີ່ ລະຫວ່າງ ພົຈວ ບຸນທ່ຽງ ຈັນທະມຸງຄຸນ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ຄົນເກົ່າ ແລະ ພົຈວ ສີສະຫວາດ ແກ້ວມາລາວົງ ຫົວໜ້າຫ້ອງວ່າການກະຊວງ ປກສ ຄົນໃຫມ່. ໂດຍການເປັນກຽດເຂົ້າຮ່ວມຂອງ ພົນຕີ ສິນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ ມີຄະນະພັກ ຄະນະນຳ ແລະ ພະນັກງານຫຼັກແຫຼ່ງ ກົມກອງອ້ອມຂ້າງເຂົ້າຮ່ວມ.

ພົຈວ ບຸນທ່ຽງ ຈັນທະມຸງຄຸນ ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ ຄົນເກົ່າ ໄດ້ກ່າວລາໜ້າທີ່ ພ້ອມທັງຍົກໃຫ້ເຫັນຜົນງານ ໃນການຊີ້ນຳ-ນຳພາວຽກງານໃນ 1 ປີ ຜ່ານມາ ໄດ້ເອົາໃຈໃສ່ຊີ້ນຳ-ນຳພາ ພະນັກງານ-ນັກຮົບເຄື່ອນໄຫວວຽກງານຢ່າງຫ້າວຫັນ ມີຄາມຮັບຜິດຊອບຖືກຕ້ອງຕາມພາລະບາດບົດໜ້າທີ່ ຂອງແຕ່ລະກົມກອງທີ່ຂຶ້ນກັບຫ້ອງວ່າການກະຊວງ ປກສ, ເຮັດໃຫ້ວຽກງານຂອງແຕ່ລະກົມກອງ ມີຜົນສໍາເລັດຕາມລະດັບຄາດໝາຍ. ເຊິ່ງໄດ້ຮັບການຍ້ອງຍໍຊົມເຊີຍ ຈາການນໍາ ແລະ ພາກສ່ວນກົມກອງຕ່າງໆເປັນຢ່າງດີ. ໂອກາດນີ້ ພົຈວ ສີສະຫວາດ ແກ້ວມາລາວົງ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ຜູ້ໃໝ່ ໄດ້ກ່າວຮັບໜ້າທີ່ ແລະ ໃຫ້ຄຳໝັ້ນສັນຍາວ່າ: ຈະສືບຕໍ່ເສີມຂະຫຍາຍມູນເຊື້ອຜົນງານທີ່ຍາດໄດ້ຜ່ານມາ ແລະ ຈະສືບຕໍ່ຊີ້ນຳ-ນຳພາວຽກງານຂອງຫ້ອງວ່າການ ກະຊວງ ປກສ ໃຫ້ມີຜົນສຳເລັດຕາມລະດັບຄາດໝາຍ. ຫຼັງຈາກນັ້ນ, ກໍໄດ້ເຊັນບົດບັນທຶກມອບ-ຮັບໜ້າທີ່ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ຜູ້ເກົ່າ ແລະ ຜູ້ໃຫມ່ຢ່າງເປັນທາງການ.

 

Off

Comments are closed.