20th Jan2017

ຮອງລັດຖະມົນຕີກະຊວງ ປກສ ອວຍພອນ ຮອງລັດຖະມົນຕີ ກະຊວງປ້ອງກັນປະເທດ ໂອກາດວັນສ້າງຕັ້ງກອງທັບ.

by somchan

ໃນວັນທີ 19 ມັງກອນ 2017 ນີ້ ພົຕ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ພ້ອມຄະນະໄດ້ເຂົ້າ ອວຍພອນ ພົຕ ວິໄລ ຫຼ້າຄຳຟອງ ເລຂາທິການສູນກາງພັກ ຮອງລັດຖະມົນຕີກະຊວງ ປ້ອງກັນປະເທດ ຫົວໜ້າກົມໃຫ່ຍການເມືອງກອງທັບ ເນື່ອງໃນໂອກາດວັນສ້າງຕັ້ງ ກອງທັບປະຊາຊົນລາວ ທີ 20 ມັງກອນ ຄົບຮອບ 68 ປີ.

ພົຕ ກົງທອງ ພົງວິຈິດ ໄດ້ກ່າວຄຳຢືຢາມຖາມຂ່າວ ອັນອົບອຸ່ນ, ພ້ອມທັງອວຍພອນໄຊອັນປະເສດ ແດ່ ພົຕ ວິໄລ ຫຼ້າຄຳຟອງ ພ້ອມດ້ວຍຄະນະພັກ-ຄະນະນຳກະຊວງ, ບັນດາກົມ-ກອງ ແລະ ພະນັກງານ-ນັກຮົບ ທົ່ວກອງທັບປະຊາຊົນລາວ ຈົ່ງມີແຕ່ຄວາມຜາສຸກ ໃນຊີວິດການງານ ແລະ ຄອບຄົວ ໃນໂອກາດນີ້ ພົຕ ວິໄລ ຫຼ້າຄຳຟອງ ຍັງໄດ້ສະແດງການຕ້ອນຮັບ ພົຕ ກົງທອ ງພົງວິຈິດ ພ້ອມຄະນະດ້ວຍຄວາມອົບອຸ່ນ ພ້ອມທັງສະແດງຄວາມຂອບໃຈ ຕໍ່ຄວາມຢືຢາມຖາມຂ່າວ ຄຳອວຍພອນ ໄຊອັນປະເສີດ ແລະ ອວຍພອນ ໃຫ້ມີແຕ່ຄວາມຜາສຸກເຊັ່ນດຽວກັນ.

 

Off

Comments are closed.