20th Jan2017

ມອບຜູ້ຖືກຫາໃຫ້ກະຊວງຕຳຫຼວດຫວຽດນາມ

by somchan

​ໃນ​ວັນ​ທີ 19 ມັງກອນ 2017 ນີ້ ກົມ​ຕຳຫຼວດ​ສືບສວນ-​ສອບ​ສວນ ກົມ​ໃຫ່ຍຕຳຫຼວດ ກະຊວງ​ປ້ອງ​ກັນ​ຄວາມ​ສະຫງົບ ສປປ ລາວ ​ໄດ້​ມອບ​ຜູ້​ຖືກ​ຫາ ຊື່ ທ້າວ ດົງ​ຕຽນ​ແທ໋ງ ອາຍຸ 36 ປີ ທີ່​ກະທຳ​ຜິດ​ກົດໝາຍ ຢູ່ ສສ ຫວຽດນາມ ​ແລ້ວ​ຫຼົບໜີ​ມາ​ລີ້​ຊ່ອນ ຢູ່ ສປປ ລາວ ​ໃຫ້​ກະຊວງ​ ຕຳຫຼວດ​ຫວຽດນາມ.

ຕາມ​ການ​ລາຍ​ງານ ຂອງ​ເຈົ້າ​ໜ້າ​ທີ່ ກົມ​ຕຳຫຼວດ​ ສືບສວນ-​ສອບ​ສວນ ກົມ​ໃຫ່ຍຕຳຫຼວດ ກະຊວງ​ປກສ ລາວ ​ໃຫ້​ຮູ້​ວ່າ ​ໃນ​ໄລຍະ​ເດືອນ ກັນຍາ 2016 ​ເຈົ້າ​ໜ້າ​ທີ່ ກະຊວງ​ຕຳຫຼວດ ຫວຽດນາມ ​ໄດ້​ແຈ້ງ ​ແລະ ປະສານ​ສົມທົບ ມາ​ຍັງ​ກະຊວງ ປກສ ລາວ ​ເພື່ອ​ຮ່ວມ​ມື​ຕິດຕາມ​ຈັບ​ຕົວ ທ້າວ ດົງ​ຕຽນ​ແທ໋ງ ທີ່​ມີ​ການ​ເຄື່ອນ​ໄຫວ​ກະທຳ​ຜິດກົດໝາຍ ຢູ່​ຫວຽດນາມ ​ແລ້ວ​ໄດ້​ຫຼົບໜີ​ເຂົ້າ​ມາ​ລີ້​ຊ່ອນ​ຢູ່​ລາວ, ຜ່ານ​ການ​ຕິດຕາມ ຈຶ່ງ​ສາມາດ​ຈັບ​ຕົວ​ ທ້າວ ດົງ​ຕຽນ​ແທ໋ງ ​ໄດ້​ໃນ​ເດືອນ ທັນວາ 2016 ຢູ່​ທີ່​ແຂວງ​ຫຼວງ​ພະ​ບາງ, ດັ່ງ​ນັ້ນ ຈຶ່ງ​ໄດ້​ມອບ​ຕົວ​ຜູ້ກ່ຽວ ​ໃຫ້​ເຈົ້າ​ໜ້າ​ທີ່​ຕຳຫຼວດຫວຽດນາມ ຕາງໜ້າ​ເຊັນ​ບົດ​ບັນທຶກ​ມອບ-​ຮັບ ​ໃນ​ຄັ້ງ​ນີ້ ​ໂດຍ​ ພັທ ປອ ຄຳ​ພັນ ຈັນທະ​ວີ​ສຸກ ຮ​ອງຫົວໜ້າ​ກົມ​ຕຳຫຼວດ ສືບສວນ-​ສອບ​ສວນ ກົມ​ໃຫ່ຍຕຳຫຼວດ ກະຊວງ​ປກສ ລາວ ​ແລະ ຮອ ດັ່ງ​ກາງ​ມິ​ງ ຮອງ​ພະ​ແນ​ກ​ໄລ່​ຊອກ​ໄລ່​ຈັບ ກົມ​ໃຫ່ຍຕຳຫຼວດ ກະຊວງ​ຕຳຫຼວດ​ຫວຽດນາມ ການ​ມອບ-​ຮັບ​ ຜູ້​ຖືກ​ຫາ​ ລະຫວ່າງ​ ກະຊວງ​ປ້ອງ​ກັນ​ຄວາມ​ສະຫງົບ​ລາວ ​ແລະ ກະຊວງ​ຕຳຫຼວດ​ຫວຽດນາມ ​ໃນ​ຄັ້ງ​ນີ້ ​ແມ່ນ​ປະຕິບັດ​ຕາມ​ສັນຍາ ວ່າ​ດ້ວຍ​ການ​ຮ່ວມ​ມື ສະກັດ​ກັ້ນ ​ແລະ ຕ້ານ​ອາ​ຊະ​ຍາ​ກຳ​ຂ້າມ​ຊາດ ​ໂດຍ​ສະ​ເພາະ​ແມ່ນ​ການ​ຮ່ວມ​ມື ທາງ​ດ້ານ​ການ​ສົ່ງ​ຕົວ​ຜູ້​ຮ້າຍ​ຂ້າມ​​ແດນ ລະຫວ່າງ​ສອງ​ກະຊວງ ​ແລະ ​ເປັນ​ໄປ​ຕາມ​ຫຼັກການ​ຂອງ​ຂະ​ບວນຍຸຕິ​ທຳ.

Off

Comments are closed.