20th Feb2017

ຮອງລັດຖະມົນຕີ ກະຊວງ ປກສ ເນັ້ນວຽກງານ ສື່ສານ ປກສ ຕ້ອງພັດທະນາ ສູ່ລະບົບທັນສະໄໝ

by somchan

ພົຕ ສິນ​ທະ​ວົງ ​ໄຊ​ຍະ​ກອນ ກຳມະການ​ສູນ​ກາງ​ພັກ ຮອງ​ລັດຖະມົນຕີ​ກະຊວງ ປກສ ​ໄດ້​ເນັ້ນ​ໜັກ​ໃຫ້​ຄະນະ​ພັກ-​ຄະນະ​ບັນຊາ ​ແລະ ພະນັກງານ-​ນັກຮົບ ທີ່​ເຮັດວຽກ​ງານ​ສື່ສານ ຂອງ​ກຳລັງ ປກສ ທົ່ວ​ປະ​ເທດ ​ເອົາ​ໃຈ​ໃສ່​ປັບປຸງ, ພັດ​ທະ​ນາ​ວຽກ​ງານ​​ສື່ສານ​ ຮັບ​ໃຊ້​ແກ່ ​ການ​ນຳ​ກະຊວງ ​ແລະ ບັນດາ​ກົມ​ກອງ​ຂັ້ນ​ຕ່າງໆ ​ໃຫ້​ມີ​ຄວາມ​ທັນ​ສະ​ໄໝ, ສະດວກ, ວ່ອງ​ໄວ, ຊັດ​ເຈນ ​ແລະ ປິດ​ລັບ; ​ເຊິ່ງການ​ເນັ້ນ​ໜັກ​ຄັ້ງ​ນີ້ ​ໃນ​ໂອກາດ ທີ່​ທ່ານ​ເຂົ້າ​ຮ່ວມ​ກອງ​ປະຊຸມ ສະຫຼຸບ​ວຽກ​ງານ ສື່ສານ​ປ້ອງ​ກັນ​ຄວາມ​ສະຫງົບ ທົ່ວ​ປະ​ເທດ ປະຈຳ​ປີ 2016 ​ແລະ ທິດ​ທາງ​ແຜນການ ປະຈຳ​ປີ 2017 ​ໃນ​ວັນ​ທີ 17 ກຸມພາ ນີ້.

ທ່ານ​ຮອງ​ລັດຖະມົນຕີ ກະຊວງ ປກສ ​ໄດ້​ກ່າວ​ວ່າ ​ເພືື່ອພັດ​ທະ​ນາ​ວຽກ​ງານ​ສື່ສານ​ຮັບ​ໃຊ້​ການ​ນຳ​ກະຊວງ ​ແລະ ບັນດາ​ກົມ​ກອງ​ຕ່າງໆ ຂອງ​ກຳລັງ​ປ້ອງ​ກັນ​ຄວາມ​ສະຫງົບ​ທົ່ວ​ປະ​ເທດ ​ໃນ​ການ​ຕິດ​ຕໍ່​ສື່ສານ, ການ​ສົ່ງ-​ການ​ລາຍ​ງານ​ສະພາບ ​ແລະ ການ​ເຄື່ອນ​ໄຫວ​ຮັບ​ໃຊ້​ກອງ​ປະຊຸມ, ງານ​ສຳຄັນ​ຕ່າງໆ​ຂອງ​ກຳລັງ ປກສ ​ໃຫ້​ມີ​ຄວາມ​ສະດວກ, ວ່ອງ​ໄວ, ຊັດ​ເຈນ ​ແລະ ປິດ​ລັບ ຄະນະ​ພັກ-​ຄະນະ​ບັນຊາ​ແຕ່ລະ​ຂັ້ນ ຕ້ອງ​ໄດ້​ເອົາ​ໃຈ​ໃສ່​ສຶກສາ​ອົບຮົມ​ການ​ເມືອງ​ແນວ​ຄິດ ​ເຮັດ​ໃຫ້​ກຳລັງ​ສື່ສານ ປກສ ມີ​ຄຸນ​ທາດ​ການ​ເມືອງ, ອຸ່ນ​ອ່ຽນ​ທຸ່ນ​ທ່ຽງ ​ແລະ ຈົ່ງ​ຮັກ​ພັກດີ​ຕໍ່​ພັກ; ພ້ອມ​ທັງ​ເປັນ​ເຈົ້າ​ການ​ຄົ້ນຄວ້າ​ຮ່ຳຮຽນ ຍົກ​ລະດັບ​ຄວາມ​ຮູ້​ຄວາມ​ສາມ​າດ ​ແລະ ຮູ້​ນຳ​ໃຊ້​ອຸປະກອນ​ເຕັກນິກ​ທັນ​ສະ​ໄໝ ​ເຂົ້າ​ໃນ​ວຽກ​ງານ ​ເພື່ອ​ກ້າວ​ສູ່​ລະບົບ​ທີ່​ທັນ​ສະ​ໄໝ; ນອກ​ນີ້​ຍັງ​ຕ້ອງ​ໄດ້​ເອົາ​ໃຈ​ໃສ່​ກວດກາ​ຄຸ້ມ​ຄອງ ​ແລະ ບົວລະບັດ​ຮັກສາ​ອຸປະກອນ​ເຕັກນິກ ​ໃຫ້​ຢູ່​ໃນ​ສະພາບ​ທີ່​ສາມາດ​ໃຊ້​ງານ​ໄດ້​ຢູ່​ສະ​ເໜີ.

Off

Comments are closed.