ເຈົ້າໜ້າທີ່ຕຳຫຼວດ ແຂວງບໍ່ແກ້ວ ລົງແກ້ໄຂບັນຫາ ລັກລອບປູກຝິ່ນ ແລະ ທຳລາຍໄຮ່ຝິ່ນ 38 ເຮັກຕາ

​

ໃນ​ລະຫວ່າງ ວັນ​ທີ 10-19 ກຸມພາ 2017 ນີ້ ​ເຈົ້າ​ໜ້າ​ທີ່​ຕຳຫຼວດ ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ​ແຂວງ​ບໍ່​ແກ້ວ ສົມທົບ​ກັບ​ເຈົ້າ​ໜ້າ​ທີ່​ຕຳຫຼວດ ​ແລະ ທະຫານ ​ເມືອງປາກ​ທາ ​ແຂວງ​ບໍ່​ແກ້ວ ພ້ອມ​ດ້ວຍ​ອຳນາດ​ການ​ປົກຄອງ​ທ້ອງ​ຖີ່​ນ ​ໄດ້​ລົງ​ເຄື່ອນ​ໄຫວ​ແກ້​ໄຂ ບັນຫາ​ການ​ລັກລອບ ປູກ​ຝິ່ນ​ຢູ່​ຂອບ​ເຂດ 11 ບ້ານ​ທີ່​ຂື້ນ​ກັບ​ເມືອງ​ປາກ​ທາ ​ແຂວງ​ບໍ່​ແກ້ວ ​ໄດ້​ກວດ​ພົບການ​ລັກລອບ​ປູກ​ຝິ່ນ ​ແລະ ທຳລາຍ​ໄຮ່​ຢາຝິ່ນ 38 ​ເຮັກ​ຕາ ​ໃນ​ນີ້​ແມ່ນ​ມີ​ການ​ເກັບ​ກູ້​ແລ້ວ 2 ​ເຮັກ​ຕາ, ພ້ອມ​ທັງ​ສາມາດ​ກັກ​ຕົວ​ພວກ​ລັກລອບ​ປູກ​ຝິ່ນ​ໄດ້ 5 ຄົນ, ຍຶດຢາຝິ່ນ 3 ກິ​ໂລກຣາມ, ​ແກ່ນ​ຝິ່ນ 1 ​ເປົາ, ຢາ​ບ້າ 400 ​ເມັດ ​ແລະ ປືນ 8 ກະບອກ.