ຈັບຜູ້ກະທຳຜິດພ້ອມຢາຝິ່ນ 10 ກິໂລກຣາມ

ໃນ​ວັນ​ທີ 25 ກຸມພາ 2017 ນີ້ ​ເຈົ້າ​ໜ້າ​ທີ່​ພະ​ແນ​ກ ຕຳຫຼວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ປກສ ​ແຂວງ​ຫຼວງ​ນ້ຳ​ທາ ​ໄດ້​ຈັບ​ຕົວ​ຜູ້​ລັກລອບ​ ຄ້າຂາຍ​ຢາ​ເສບ​ຕິດ ​ໄດ້ 1 ຄົນ ພ້ອມ​ຂອງ​ກາງ ​ຢາຝິ່ນ​ຈຳນວນ 20 ກ້ອນ ນ້ຳໜັກ 10 kg ​ເຊິ່ງຜູ້​ກະທຳ​ຜິດ ຊື່​ທ້າວ ບຸນ​ເພັງ ອາຍຸ 22 ປີ ປະຊາຊົນ ຢູ່​ບ້ານ ​ແສງ​ຫຼວງ ​​ເມື​ອ​ງໃໝ່ ​ແຂວງ​ຜົ້ງ​ສາລີ ຜ່ານ​ການ​ສືບສວນ-​ສອບ​ສວນ​ ຂອງ​ເຈົ້າ​ໜ້າ​ທີ່ ທ້າວ​ບຸນ​ເພັງ ​ໄດ້​ຮັບ​ສາລະພາບ​ ຢາຝິ່ນ​ຈຳນວນ​ດັ່ງກ່າວ ​ແມ່ນ​ຂອງ​ຕົນ​ເອງ​ແທ້ ​ເຊິ່ງ​ໄດ້​ນຳ​ມາ​ແຕ່​ແຂວງ​ຜົ້ງ​ສາລີ ຈຸດປະສົງ​ແມ່ນ​ຈະ​ເອົາ​ໄປ​ຈຳໜ່າຍ ຢູ່​ເຂດ​ເມືອງ​ສິງ ​ແຂວງ​ຫຼວງ​ນ້ຳ​ທາ ​ແຕ່​ຖືກ​ເຈົ້າ​ໜ້າ​ທີ່​ກວດ​ພົບ ປະຈຸ​ບັນ ​ເຈົ້າ​ໜ້າ​ທີ່​ກຳລັງ​ທຳ​ການ​ສືບສວນ-​ສອບ​ສວນ ​ຂະຫຍາຍ​ຜົນ​ຫາ​ຜູ້​ຮ່ວມ​ຂະ​ບວນການ ​ເພື່ອ​ນຳ​ຕົວ​ຜູ້​ກະທຳ​ຜິດ​ມາ​ລົງ​ໂທດ​ຕາມ​ລະບຽບ​ກົດໝາຍ