27th Mar2017

ເຈົ້າໜ້າທີ່ຕຳຫຼວດ ສະຫຼຸບຜົນການສືບສວນ-ສອບສວນ ສາເຫດໄຟໄໝ້ເຮືອນ ແລະ ຮ້ານຂາຍເຄື່ອງ ຢູ່ບໍ່ເຕນ

by somchan

​ເຈົ້າ​ໜ້າ​ທີ່​ພະ​ແນ​ກຕຳຫຼວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ ກອງ​ບັນຊາ​ການ ປກສ ​ແຂວງ​ຫຼວງ​ນ້ຳ​ທາ ​ໄດ້​ລາຍ​ງານ​ໃຫ້​ຮູ້ກ່ຽວ​ກັບ ສາ​ເຫດ​ຂອງ​ເຫດການ​ໄຟ​ໄໝ້​ເຮືອນ ​ແລະ ຮ້ານ​ຂາຍ​ເຄື່ອງ ຢູ່​ເຂດ​ບ້ານ​ບໍ່​ເຕນ ​ເມືອງ ​ແລະ ​ແຂວງ​ຫຼວງ​ນ້ຳ​ທາ ​ແມ່ນ​ເກີດ​ຈາກ​ການ​ດັງ​ໄຟ​ແຕ່ງກິນ ​ແລະ ລືມ​ດັບ​ມອດ.

​ເຊິ່ງ​ເຫດການ​ໄຟ​ໄໝ້​ດັ່ງກ່າວ ​ແມ່ນ​ເກີດ​ຂື້ນ ​ເວລາ​ປະມານ 15 ​ໂມງ ຂອງ​ວັນ​ທີ 21 ມີນາ 2017 ​ເຊິ່ງສ້າງ​ຄວາມ​ເສຍ​ຫາຍ ມີ​ເຮືອນ 1 ຫຼັງ, ຮ້ານ​ຂາຍ​ເຄື່ອງ 4 ຮ້ານ ​ແລະ ຕູ້​ເຄື່ອງ​ເອ​ເລັກ​ໂຕ​ນິກລະບົບ 3 ຈີ ຂອງ​ເຄືອ​ຂ່າຍ​ອີ​ທີ​ແອວ 2 ຕູ້ ຖືກ​ໄຟ​ໄໝ້. ລວມມູນ​ຄ່າ​ເສຍ​ຫາຍ​ທັງ​ໝົດ ປະມານ 1 ຕື້​ກວ່າ​ກີບ; ສ່ວນ​ສາ​ເຫດ​ແມ່ນ ​ເກີດ​ຈາກ​ຄອບຄົວ​ຂອງ ທ້າວ ຕ້າວ ອາ​ຍຸ 75 ປີ ​ໄດ້​ມີ​ການ​ດັງ​ໄຟ​ເພື່ອ​ແຕ່ງກິນ ​ແລ້ວ​ລືມ​ດັບ​ມອດ ​ແລະ ​ເຮັດ​ໃຫ້​​ເກີດ​ໄຟ​ລຸກ​ໄໝ້ ພ້ອມ​ທັງ​ລຸກລາມ ​ໃສ່​ຮ້ານ​ຂາຍ​ເຄື່ອງ​ທີ່ຢູ່​ບໍລິ​ເວນ​ໃກ້​ຄຽງ​ຢ່າງ​ໄວວາ.

Off

Comments are closed.