11th Apr2017

ການກໍ່ສ້າງ ຫ້ອງການ ກອງບັນຊາການ ປ້ອງກັນສູນກາງ ຫຼັງໃຫ່ມ ມູນຄ່າ 119 ຕື້ກ່ວາກີບ ສຳເລັດ 100%

by somchan

ກະຊວງປ້ອງກັນຄວາມສະຫງົບ ໄດ້ສຳເລັດ ການ ປະຕິບັດ ໂຄງການ ກໍ່ສ້າງອາຄານ ຫ້ອງການ ກອງບັນຊາການ ປ້ອງກັນ ສູນກາງຫຼັງໃຫ່ມ ມູນຄ່າ 119 ຕື້ກ່ວາກີບ ແລະ ເປີດນຳໃຊ້ຢ່າງເປັນທາງການ ໃນວັນທີ່ 6 ເມສາ 2017 ນີ້ ໂດຍການເຂົ້າຮ່ວມ ຂອງ ທ່ານ ພົຕ ສົມແກ້ວ  ສີລາວົງ ລັດຖະມົນຕີ ກະຊວງ ປກສ , ພ້ອມດ້ວຍຄະນະນຳ ກະຊວງ ແລະ ກົມກອງອ້ອມຂ້າງ ກະຊວງເຂົ້າຮ່ວມ.

ພົຈວ ຄຳໄຕ ຄຳແພງເພັດ ຫົວໜ້າກົມໃຫ່ຍ ພາລາທິການ ປ້ອງກັນຄວາມສະຫງົບ ເປັນທ້ງຄະນະຮັບຜິດຊອບ ໂຄງການໄດ້ໃຫ້ຮູ້ວ່າ ການກໍ່ສ້າງອາຄານ ຫ້ອງການກອງບັນຊາການ ປ້ອງກັນສູນກາງຫຼັງໃຫ່ມ ແມ່ນເປັນການ ປັບປຸງພື້ນຖານໂຄງລ່າງ ແລະ ເປັນການຕອບສະໜອງກ່ຽວກັບ ຫ້ອງການບ່ອນປະຈຳການ ຊີນຳບັນຊາ ແລະ ກຽມພ້ອມສູ້ຮົບ ຂອງກຳລັງປ້ອງກັນຄວາມສະຫງົບ ກໍ່ຄືກຳລັງປ້ອງກັນສູນກາງ ໃຫ້ມີຄວາມສະດວກ ທັນສະໄໝ ແລະ ມີຄວາມຮັບປະກັນ ໃນການປະຕິບັດ ໃນການປະຕິບັດໜ້າທີ່ ປະກອບສ່ວນຮັບໃຊ້ສັງຄົມ; ການກໍ່ສ້າງອາຄານ ຫ້ອງການກອງບັນຊາການ ປ້ອງກັນສູນກາງຫຼັງໃໝ່ ປະກອບມີອາຄານ ຫ້ອງການ ບ່ອນປະຈຳ ປ 1 ຫຼັງຂະນາດ 35×24 ແມັດ, ສູງ 6 ຊັ້ນ ແລະ ອາຄານ ຫໍພັກພະນັກງານ ໂສດ ສູງ 3 ຊັ້ນ 1 ຫຼັງ. ເຊິ່ງນຳມູນຄ່າ ໃນການກໍ່ສ້າງທັງໝົດ 119, ຕື້ກ່ວາກີບ ໂດຍແມ່ນ ບໍລິສັດ ເອເຊຍ ລົງທືນພັດທະນາ ແລະ ກໍ່ສ້າງຈຳກັດ ຜູ້ດງວເປັນຜູ້ຮັບເໝົາກໍ່ສ້າງ  ແລະ ເລີມລົງທືນກໍ່ສ້າງ ແຕ່ເດືອນ ກັນຍາ 2015 ເປັນຕົ້ນມາ.

 

 

Off

Comments are closed.