12th May2017

ຄາດຕະກຳເມຍ ຍ້ອນຄວາມຫຶງຫວງ

by somchan

ເຈົ້າ​ໜ້າ​ທີ່​ຕຳຫຼວດ ພະ​ແນ​ກສືບສວນ-​ສອບ​ສວນ ກອງ​ບັນຊາ​ການ ​ເມືອງ​ປາກ​ລາຍ ​ແຂວງ​​ໄຊ​ຍະ​ບູລີ ​ໃຫ້​ຮູ້​ວ່າ ​​ໃນວັນ​ທີ 27 ​ເມສາ 2017 ໄດ້​ມີ​ເຫດ​ຄາດ​ຕະກຳ ຢູ່​ບ້ານ​ນາ​ໂພ ​ເມືອງ​ປາກ​ລາຍ ​ແຂວງ​ໄຊ​ຍະ​ບູລີ ຜູ້​ຕາຍ​ແມ່ນ​ ນາງ​ ນັດ ອາຍຸ 22 ປີ

ຈາກ​ການ​ສຶບສວນ-​ສອບ​ສວນ ຂອງ​ເຈົ້າ​ໜ້າ​ທີ່ ຜູ້​ກໍ່​ເຫດ​ຄາດ​ຕະກຳ​ໃນ​ຄັ້ງ​ນີ້​ແມ່ນ ຜົວ​ຂອງ​ຜູ້​ຕາຍ​ເອງ ຊື້ ທ້າວ ນິດ ອາຍຸ 25 ປີ ຜູ້ກ່ຽວ​ຮັບ​ສາລະພາບ​ວ່າ ​ໃນ​ເບື້ອງ​ຕົ້ນ​ໄດ້​ສ້າງ​ຄອບຄົວ ມີ​ລູກ​ຜູ້​ 1 ຄົນ ກັບ ນາງ ນັດ (ຕ) ​ແຕ່​ປີ 2013 ຮອດ 2017 ​ໂດຍ​ຢູ່​ອາ​ໃສ​ນຳ​ພໍ່​ເຖົ້າ ​ແມ່​ເຖົ້າ ຢູ່​ບ້ານ​ນາ​ໂພ ​ເມືອງ​ປາກ​ລາຍ ​ແຂ​ວງ​ໄຊ​ບະ​ບູລີ ສ່ວນ​ສາ​ເຫດ​ຂອງ​ການ​ຄາດ​ຕະກຳ​ແມ່ນ ຜູ້ກ່ຽວ​ເກີດ​ຄວາມ​ສົງ​ໃສ​ວ່າ ຜູ້​ເປັນ​ເມຍ​ມີ​ຊູ້ ຈິ່ງ​ມີ​ປາກ​ສຽງ​ກັນ​ຫຼາຍ​ເທື່ອ ຈົນ​ຮອດ​ມື້​ເກີດ​ເຫດ ​​ເວລາ 2 ​ໂມງ ​ເຊົ້າ​ຂອງ​ວັນ​ທີ 27 ​ເມສາ 2017ຂະນະ​ທີ່​ເມຍ​ນອນ​ຫຼັບ​ຢູ່​ເຮື​ອນນຳ​ກັນ ຈິ່ງ​ໄດ້​ຄາດ​ຕະກຳ​ເມຍ ​ໂດຍ​ໃຊ້​ພ້າ​ຝັນ​ເມຍ ​ເຂົ້າ​ບໍລິ​ເວນ​ຂະ​ໝັບເບື້ອງ​ຂວ​າ 3 ບາດ ​ເຮັດ​ໃຫ້​ນາງ ນັດ ຜູ້​ເປັນ​ເມຍ​ເສຍ​ຊີວິດ​ຄາ​ທີ່ ຫຼັງ​ກໍ່​ເຫດ ຕົນ​ຈິງ​ລົບ​ໜີ ​ໄປ​ລົບ​ລີ້​ຊ້ອນ ຢູ່​ແຂວງ​ບໍລິ​ຄຳ​ໄຊ ຕໍ່​ມາ​ຈິ່ງ​ຖືກ​ເຈົ້າ​ໜ້າ​ທີ່​ຈັບ​ຕົວ​ມາ​ດຳ​ເນີນ​ຄະດີ ຕາມ​ກົດໝາຍ.

Off

Comments are closed.