16th May2017

ອົບຮົມຄູຝຶກວຽກງານ ສືບສວນ – ສອບສວນ ຄະດີຄ້າມະນຸດ

by somchan

ກອງ​ເລຂາ​ຄະນະ​ກຳມະການ ຕ້ານ​ການ​ຄ້າ​ມະນຸດ​ລະດັບ​ຊາດ ​ໄດ້​ຈັດ​ກອງ​ປະຊຸມ ຝຶກ​ອົບຮົມ​ຄູ​ຝຶກ ກ່ຽວ​ກັບ​ວຽກ​ງານ​ສຶບສວນ-​ສອບ​ສວນ ຄະດີ​ຄ້າ​ມະນຸດ​ຂື້ນ​ໃນ​ວັນ​ທີ 15 ພຶດສະພາ 2017 ນີ້, ​ໂດຍ​ການ​ເປັນ​ປະທານ​ຂອງ ພັອ ປອ ​ເພັງ​ສະຫວັນ ທິບ​ພະ​ວົງ​ໄຊ ຮອງ​ຫົວໜ້າ​ກົມ​ໃຫ່ຍຕຳຫຼວດ ຫົວໜ້າ​ກອງ​ເລຂາ​ຄະນະ​ກຳມະການ ຕ້ານ​ການ​ຄ້າ​ມະນຸດ​ລະດັບ​ຊາດ ມີ​ບັນດາ​ພະນັກງານ​ຈາກ​ກົມ​ຕຳຫຼວດສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ, ວິທະຍາຄານ​ຕຳຫຼວດ​ປະຊາຊົນ ​ແລະ ພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

ພັອ ປອ ​ເພັງ​ສະຫວັນ ທິບ​ພະ​ວົງ​ໄຊ ກ່າວ​ວ່າ ການ​ຝຶກ​ອົບຮົມ​ຄັ້ງ​ນີ້ ຈະ​ດຳ​ເນີນ​ເປັນ 5 ວັນ (15-19 ພຶດສະພາ)ພາຍ​ໃຕ້​ການ​ສະໜັບສະ​ໜູນ ​ໂດຍ​ອົງການ ອົດ​ສະ​ຕາ​ລີ-​ອາຊີ ​ເພື່ອ​ຕ້ານ​ການ​ຄ້າ​ມະນຸດ (AAPTIP) ​ເຊິ່ງການ​ຝຶກ​ອົບຮົມ​ຄັ້ງ​ນີ້ ນັກ​ສຳ​ມະ​ນາກ​ອນຈະ​ໄດ້​ຮັບ​ຟັງ ພ້ອມ​ກັນ​ຄົ້ນຄວ້າ​ເອກະສານ​ຕ່າງໆ ກ່ຽວ​ກັບ​ການ​ເປັນ​ຄູ​ຝຶກ ​ເປັນ​ຕົ້ນ​ແມ່ນ​ຄົ້ນຄວ້າ​ການສະ​ເໜີ​ກ່ຽວ​ກັບ​ການ​ປຽບທຽບ​ກົດໝາຍ​ຕ້ານ​ການ​ຄ້າ​ມະນຸດ​ກັບ​ກົດໝາຍ​ອື່ນ ​ແລະ ຂັ້ນ​ຕອນ​ການ​ສືບ​ສວນ-​ສອບ​ສວນ​ຄະດີ​ຄ້າ​ມະນຸດ, ​ເຕັກນິກ​ໃນ​ການ​ນຳ​ສະ​ເໜີ​ຂອງ​ຄູ​ຝຶກ ທັກ​ສະ​ໃນ​ການ​ເປັນ​ຄູ​ຝຶກ, ການ​ກະກຽມ​ການ​ຝຶກ​ອົບ​ຮົມ ​ແລະ ການ​ນຳ​ໃຊ້​ແຜນການ​ສອນ​ການ​ປະ​ເມີນ ຜົນ​ຂອງ​ການ​ນຳ​ສະ​ເໜີ ການ​ປະ​ເມີນ​ຜົນ ການ​ສອນທົດ​ລອງ ​ແລະ ການ​ຝຶກ​ອົບຮົມ​ໃຫ້​ຜູ້​ທີ່​ເປັນ​ຄູ​ຝຶກ ກຳ​ໄດ້​ບົດຮຽນ​ຢ່າງ​ເລິກ​ເຊິ​ງ​ ມີ​ວິທີ​ສົ່ງ​ຄວາມ​ຮູ້​ໃຫ້​ແກ່​ນັກ​ສຶກສາ ຢູ່​ບັນດາ​ໂຮງຮຽນ​ຕ່າງໆ ຈາກ​ນັ້ນ​ນັກ​ສຳ​ມະ​ນາກອນ ຈະ​ໄດ້​ຂື້ນ​ທົດ​ລອງ​ກ່ຽວ​ກັບ​ການ​ເປັນ​ຄູ ຝຶກ​ວຽກ​ງານ​ຕ້ານ​ການ​ຄ້າ​ມະນຸດ ​ເພື່ອ​ແນ່​ໃສ່​ຜູ້​ຈະ​ເປັນ​ຄູ​ຝຶກ​ກ່ຽວ​ກັບ​ວຽກ​ສືບສວນ-ຄະດີ​ຄ້າ​ມະນຸດ ມີ​ຄວາມ​ສາມາດ​ໃນ​ການ​ສືບ​ຕໍ່​ຝຶກ​ອົບຮົມ​ໃນ​ຂັ້ນສູນ​ກາງ ​ແລະ ​ແຜນການ​ຂອງ​ກອງ​ເລຂາ​ຄະນະ​ກຳມະການ ຕ້ານ​ການ​ຄ້າ​ມະນຸດ​ລະດັບ​ຊາດ ​ໃນ​ຕໍ່​ໜ້າ ກ່ຽວ​ກັບ​ວຽກ​ງານ​ຕ້ານ​ການ​ຄ້າ​ມະນຸດ.

Off

Comments are closed.