ລັດຖະມົນຕີຕ້ອນຮັບການເຂົ້າຂ່ຳນັບ ຂອງສອງບໍລິສັດ

ໃນ​ວັນ​ທີ 8 ສິງຫາ 2017 ນີ້ ພົນ​ຕີ ສົມ​ແກ້ວ ສີ​ລາ​ວົງ ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ ​ຂອງທ່ານ ​ໄທ​ເກີ​ຈີນ ອຳນວຍ​ການ​ຝ່າຍ​ພັດທະນາ​ທຸລະ​ກິດ​ຕ່າງປະ​ເທດ​ຂອງ​ບໍລິສັດ LG CNS ແລະ ບໍລິສັດທີ່ປຶກສາຟ້າວັດທະນາຈຳກັດຜູ້ດຽວ ໃນການເຂົ້າຢ້ຽມຂ່ຳນັບໃນຄັ້ງນີ້ ທັງສອງບໍລິສັດ ໄດ້ນຳສະເໜີກ່ຽວກັບຜະລິດຕະພັນເຄື່ອງເອເລັກໂຕນິກທີ່ທັນສະໄໝ ເພື່ອນຳໃຊ້ເຂົ້າໃນວຽກງານສາທາລະນະສຸກ ເປັນຕົ້ນແມ່ນເຄື່ອງໄອທີທີ່ປະກອບນຳໃຊ້ພາຍໃນໂຮງໝໍ ເພື່ອສະດວກໃນການບໍລິການຮັບໃຊ້ໃຫ້ແກ່ພະນັກງານ ແລະ ມວນຊົນທົ່ວໄປ ແລະໃນໂອກາດນີ້ທ່ານລັດຖະມົນຕີກະຊວງປ້ອງກັນຄວາມສະຫງົບ ກໍ່ໄດ້ສະແດງຄວາມຂອບໃຈຕໍ່ທັງສອງບໍລິສັດ ທີ່ໄດ້ນຳສະເໝີກ່ຽວກັບຜະລິດຕະພັນເອເລັກໂຕນິກຕ່າງໆທີ່ທັນສະໄໝ ທັງສອງບໍລິສັດໃນຄັ້ງນີ້.