19th Sep2017

ຄະນະນຳຂັ້ນສູງກະຊວງ ປກສ ເດີນທາງເຂົ້າຮ່ວມກອງປະຊຸມທີ່ ຟິລິບປິນ

by somchan

ວັນທີ 18 ກັນຍາ 2017 ນີ້ ພົນຕີ ສົມແກ້ວ ສີລາວົງ ລັດຖະມົນຕີກະຊວງ ປກສ ພ້ອມດ້ວຍຄະນະນຳຂັ້ນສູງກະຊວງ ປກສ ໄດ້ເດີນທາງເຂົ້າຮ່ວມກອງປະຊຸມລັດຖະມົນຕີອາຊຽນ ວ່າດ້ວຍການຕ້ານອາຊະຍາກຳຂ້າມຊາດ ຄັ້ງທີ 11 ແລະ ກອງປະຊຸມອື່ນໆທີ່ກ່ຽວຂ້ອງ ລະຫວ່າງ ວັນທີ 19 -22 ກັນຍາ 2017 ທີ່ນະຄອນຫຼວງມານິລາ ປະເທດຟິລິບປິນ.

ກອງປະຊຸມຈະໄດ້ສະຫຼຸບຕີລາຄາຄືນການຈັດຕັ້ງປະຕິບັດວຽກງານສະກັດກັ້ນ ແລະ ປາບປາມການເຄື່ອນໄຫວກໍ່ການຮ້າຍ ແລະ ອາຊະຍາກຳຂ້າມຊາດ, ການປ້ອງກັນ ແລະ ປາບປາມຢາເສບຕິດ, ດ້ານວຽກງານຕ້ານການຄ້າມະນຸດ, ການອຳນວຍຄວາມສະດວກໃນການເຂົ້າ-ອອກເມືອງ ແລະ ປຶກສາຫາລືກ່ຽວກັບທິດທາງແຜນການຈັດຕັ້ງປະຕິບັດໃນຕໍ່ໜ້າ.

Off

Comments are closed.