22nd Sep2017

ກັກຕົວຕ້ອງຫາ 3 ຄົນ ພ້ອມຢາບ້າ 40 ມັດ

by somchan

ໃນວັນທີ 16 ກັນຍາ 2017 ນີ້ ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງບໍລິຄຳໄຊ ໄດ້ຈັບຕົວພວກຄ້າຂາຍຢາເສບຕິດໄດ້ 3 ຄົນ ຢູ່ເຂດບ້ານຫ້ວຍສຽດ ເມືອງປາກຊັນ ແຂວງບໍລິຄຳໄຊ ພ້ອມຂອງກາງຢາເສບຕິດ ປະເພດຢາບ້າ 40 ມັດ ເທົ່າກັບ 80.000 ເມັດ, ລົດກະບະຮຸ່ນໄດ 01 ຄັນ, ລົດຈັກ MZ: 01 ຄັນ. ຜູ້ຖືກຫາທັງ 3 ມີທ້າວ ນຳ ອາຍຸ 21 ປີ ຢູ່ບ້ານດອນສາດ, ທ້າວພອນ ອາຍຸ 23 ປີ ຢູ່ບ້ານໂພນເມືອງນ້ອຍ ແລະ ທ້າວ ໄມຄຳ ອາຍຸ 26 ປີ ຢູ່ບ້ານອຸດົມ ພວກກ່ຽວທັງສາມຢູ່ເມືອງຄຳເກີດ ແຂວງບໍລິຄຳໄຊ.

 

ຜ່ານການສືບສວນຂອງເຈົ້າໜ້າທີ່ພວກກ່ຽວໄດ້ຮັບສາລະພາບວ່າ: ຢາເສບຕິດຈຳນວນດັ່ງກ່າວແມ່ນຂອງພວກກ່ຽວແທ້ ແລະ ກຳລັງຈະເອົາໄປສົ່ງໃຫ້ລູກຄ້າ ແຕ່ຖືກເຈົ້າໜ້າທີ່ກັກຕົວໄດ້ກ່ອນ.

ປະຈຸບັນ ເຈົ້າໜ້າທີ່ຕຳຫຼວດພວມດຳເນີນຄະດີຕາມລະບຽບກົດໝາຍ.

Off

Comments are closed.