26th Sep2017

ເຈົ້າໜ້າທີ່ຕຳຫຼວດແຂວງບໍ່ແກ້ວ ຈັບພວກຮັບຈ້າງຂົນສົ່ງຢາບ້າ 480 ມັດ

by somchan

ໃນວັນທີ 23 ກັນຍາ 2017 ນີ້ ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໄດ້ຈັບຕົວພວກລັກລອບຂົນສົ່ງຢາເສບຕິດໄດ້ 2 ຄົນ, ພ້ອມດ້ວຍຂອງກາງຢາບ້າຈຳນວນ 480.000 ເທົ່າກັບ 960.000 ເມັດ ທີ່ຊຸກເຊື່ອງໃນລົດກະບະວິໂກ້ ສີຂາວ ໝາຍເລກທະບຽນ ກຳແພງນະຄອນ ມດ 9992 ຜູ້ຕ້ອງມີທ້າວ ເຢະປໍວ່າ ອາຍຸ 42 ປີ ແລະ ນາງ ໄມວາງວື ອາຍຸ 20 ປີ ທັງສອງເປັນຜົວເມຍກັນຢູ່ບ້ານຈອມຈຸກ ເມືອງຫ້ວຍຊາຍ ແຂວງບໍ່ແກ້ວ.

ຜ່ານການສືບສວນ-ສອບສວນຂອງເຈົ້າໜ້າທີ່ ພວກກ່ຽວໄດ້ຮັບສາລະພາບວ່າ: ຢາບ້າຈຳນວນດັ່ງກ່າວນີ້ ພວກກ່ຽວໄດ້ຮັບຈ້າງຂົນສົ່ງຈາກບຸກຄົນບໍ່ຮູ້ຊື່ ແລະ ທີ່ຢູ່, ໂດຍຂົນສົ່ງຈາກເມືອງຄອບແຂວງໄຊຍະບູລີ ມາເມືອງຫ້ວຍຊາຍແຂວງບໍ່ແກ້ວ ໂດຍຕົກລົງຮັບຈ້າງມັດລະ 2.000 ບາດ. ພາຍຫຼັງຕົກລົງລາຄາຂົນສົ່ງແລ້ວ ພວກກ່ຽວຈຶ່ງໄດ້ໄປຮັບເອົາຢາຢູ່ເມືອງຄອບແຂວງໄຊຍະບູລີ ເພື່ອຈະເອົາໄປສົ່ງຢູ່ເມືອງຫ້ວຍຊາຍແຂວງບໍ່ແກ້ວ ແຕ່ພໍມາຮອດສົ້ນຂົວບ້ານໂພນທອງເມືອງປາກທາແຂວງບໍ່ແກ້ວ ກໍ່ຖືກເຈົ້າໜ້າທີ່ກັກຕົວ.

ປັດຈຸບັນເຈົ້າໜ້າທີ່ຕຳຫຼວດ ປກສ ແຂວງບໍ່ແກ້ວ ພວມດຳເນີນການສືບສວນ-ສອບສວນຂະຫຍາຍຜົນຫາທີ່ມາຂອງຢາເສບຕິດຈຳນວນດັ່ງກ່າວ.

 

Off

Comments are closed.