04th Oct2017

ກັກຕົວຄົນຮ້າຍທີ່ປຸ້ນທະນະຄານ ໄດ້ 1 ຄົນ

by somchan

ໃນວັນທີ 27 ກັນຍາ 2017 ນີ້ ໄດ້ມີຄົນຮ້າຍ 1 ຄົນ ໄດ້ປຸ້ນຊັບຢູ່ທະນະຄານແຫ່ງໜຶ່ງທີ່ຕັ້ງຢູ່ ເມືອງໄຊເສດຖາ ນະຄອນຫຼວງວຽງຈັນ ເຊິ່ງຄົນຮ້າຍໄດ້ໃສ່ໝວກກັນກະທົບ ເຂົ້າໄປໃນທະນະຄານ ໃຊ້ປືນສັ້ນ ຈີ້ພະນັກງານເຄົາເຕີ້ແລ້ວເອົາເງິນຢູ່ລິ້ນຊັກໂຕະ, ມີເງິນກີບ 90ລ້ານກີບ, ເງິນບາດ 1 ແສນກວ່າບາດ ແລະ ເງິນໂດລາ 1 ໜື່ນກວ່າໂດລາ, ພາຍຫຼັງໄດ້ເງິນແລ້ວ ຄົນຮ້າຍໄດ້ຂີ່ລົດຈັກບໍ່ມີປ້າຍທະບຽນຫຼົບໜີ.

 

ພາຍຫຼັງເຈົ້າໜ້າທີ່ ປກສ ເມືອງໄຊເສດຖາ, ຫ້ອງຕຳຫຼວດ ແລະ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ຮັບແຈ້ງຄວາມຈຶ່ງໄດ້ກວດກາສະຖາທີ່ເກີດເຫດ. ຜ່ານການຕິດຕາມເກັບກຳຂໍ້ມູນເປົ້າໝາຍ ຈຶ່ງໄດ້ຮູ້ວ່າຄົນຮ້າຍໄດ້ເອົາຕົວຫຼົບໜີໄປບວດຢູ່ວັດແຫ່ງໜຶ່ງ ເຂດເມືອງໄຊທານີ ນະຄອນຫຼວງວຽງຈັນ. ມາຮອດວັນທີ 3 ຕຸລາ 2017 ນີ້ ເຈົ້າໜ້າທີ່ຈຶ່ງສາມາດກັກຕົວຜູ້ກ່ຽວຄຶ: ທ້າວບຸນຈັນ ຫຼືຕຸ້ຍ ອາຍຸ 41 ປີ ພັກເຊົາຢູ່ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ ສາມາດເກັບກູ້ເງີນທີ່ຜູ້ກ່ຽວປຸ້ນໄປມີເງິນກີບ 40 ລ້ານກີບ, ເງິນບາດ 5 ໜຶ່ນກ່ວາບາດ, ເງິນໂດລາ 3 ພັນກ່ວາໂດລາ.

 

 

Off

Comments are closed.