20th Nov2018

ຮອງລັດຖະມົນຕີພົບປະຢ້ຽມຢາມຄ້າຍດັດ ສ້າງສາຍນ້ຳງື່ມ

by somchan

ທ່ານ ສອນໄຊ ສີພັນດອນ ກຳມະການ ກົມການເມືອງ ສູນກາງພັກ ຮອງນາຍົກລັດຖະມົນຕີ ລົງຢ້ຽມຢາມຄ້າຍດັດສ້າງສາຍນ້ຳງື່ມ ໃນວັນທີ່ 16 ພະຈິກ 2018 ນີ້ ໂດຍການຕ້ອນຮັບຂອງ ທ່ານ ວິດົງ ໄຊຍະສອນ ເຈົ້າແຂວງໆວຽງຈັນ, ມີຫົວໜ້າກົມຕຳຫຼວດຄຸມຂັງດັດສ້າງ, ຫົວໜ້າ ປກສ ແຂວງ, ຄະນະຄ້າຍເຂົ້າຮ່ວມ.

ໃນການລົງຢ້ຽມຢາມຄ້າຍດັດສ້າງສາຍນ້ຳງື່ມ ຫຼື ດອນທ້າວ, ດອນນາງ ຄັ້ງນີ້ ທ່ານຮອງນາຍົກ ໄດ້ຮັບຟ້ງການລາຍງານສະພາບ ການປະຕິບັດໜ້າທີ່ພາຍໃນຄ້າຍ , ພ້ອມທັງສະພາບການຄຸ້ມຄອງ ການດັດສ້າງບຳບັດ , ປີ່ນປົວ, ຟື້ນຟູຜູ້ຕິດຢາເສບຕິດ ໃຫ້ກາຍເປັນຄົນດີຄືນສູ່ສັງຄົມ, ເຊີ່ງໃນປະຈຸບັນ ຄ້າຍດັດສ້າງສາຍນ້ຳງື່ມ ມີສະຖານທີ່ຄຸມຄອງຜູ້ຖືກດັດສ້າງຢູ່ 3 ຈຸດ ຄື: ດອນທ້າວ 1, ດອນທ້າວ 2 ແລະ ດອນນາງ ໃນປະຈຸບັນ ມີຜູ້ຖືກດັດສ້າງທັງໝົດ 1,178 ຄົນ ຍີງ 24 ຄົນ,ເປົ້າໝາຍທີ່ເຂົ້າດັດສ້າງຢູ່ໃນຄ້າຍແຫ່ງນີ້ແມ່ນຜູ້ຕິດຢາເສບຕິດ 100% ເຊີ່ງນັບແຕ່ປີ 2010 ຮອດປະຈຸບັນ ຄ້າຍດັດສ້າງສາຍນ້ຳງື່ມ ໄດ້ສືກສາອົບຮົມ ດັດສ້າງຜູ້ຖືກດັດສ້າງມີຄວາມກ້າວ ໜ້າກັບຄືນສູ່ສັງຄົມ ກໍ່ຄືຄອບຄົວຈຳນວນ 514 ຄົນ, ຍີງ 18 ຄົນ ໃນຈຳນວນນີ້ໄດ້ກາຍເປັນພົນລະເມືອງດີ ບໍ່ໄດ້ເຄືອນໄຫວກະທຳຜິດກົດໝາຍກວມ 70%.

ທ່ານສອນໄຊ ສີພັນດອນ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ໄດ້ໂອ້ລົມ ແລະ ໃຫ້ທິດຊີ້ນຳຫຼາຍບັນຫາ.

Off

Comments are closed.