10th Dec2018

ສຳເລັດກອງປະຊຸມ2ຝ່າຍ 3 ຝ່າຍ ລະດັບ ລມຕ ລະຫວ່າງລາວ-ກຳປູເຈຍ,ຫວຽດນາມ ວ່າດ້ວຍການຮ່ວມມືເພື່ອຄວບຄຸມ ຢາເສບຕິດ ຄັ້ງທີ່ 17.

by somchan

ກອງປະຊຸມສອງຝ່າຍສາມຝ່າຍລະດັບລັດຖະມົນຕີ ລະຫວ່າງ ລາວ-ກຳປູເຈຍ-ຫວຽດນາມ ວ່າດ້ວຍການຮ່ວມມືເພື່ອຄວບຄຸມ ຢ່າເສບຕິດຄັ້ງທີ່ 17 ໄດ້ສຳເລັດ ໃນວັນທີ່ 7 ທັນວາ ພາຍຫຼັງດຳເນີນມາເປັນເວລາ 2 ວັນ ພາຍໃຕ້ການເປັນປະ ທານຮ່ວມຂອງທ່ານ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ຫົວໜ້າຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດ ກະຊວງປ້ອງກັນຄວາມສະຫງົບ,ພົອ ຈູນ ໂຊນັນ ຮອງປະທານຄະນະກຳມະການເພື່ອຕໍ່ຕ້ານຢາເສບຕິດ ແຫ່ງລາສະອານາຈັກກຳປູເຈຍ,ພົທ ເລກຸຍເຫືວອງ ຮອງລັດຖະມົນຕີກະຊວງຕຳຫຼວດ ແຫ່ງ ສສຫວຍດ ມີຄະນະຜູ້ແທນທັງສາມຝ່າຍເຂົ້າຮ່ວມ

ໃນກອງປະຊຸມຄະນະຜູ້ແທນທັງສາມຝ່າຍໄດ້ພ້ອມກັນປືກສາຫາລືແລກປ່ຽນຄຳຄິດຄຳເຫັນນຳກັນຢ່າງກົງໄປກົງມາເປັນຕົ້ນແມ່ນດ້ານວຽກງານແລກປ່ຽນຂໍ້ມູນຂ່າວສານ,ການຄວບຄຸມຢາເສບຕິດຕາມຊາຍແດນ,ການຮ່ວມມືດ້ານການກວດກາ ແລະ ຄວບຄຸມຢາເສບຕິດ,ການຮ່ວມມືດ້ານການບຳບັດປີນປົວ ແລະ ຟື້ນພູສຸຂະພາບຜູ້ຕິດຢາເສບຕິດ ແລະ ການຮ່ວມມືການປະຕິບັດໂຄງການແມ່ນ້ຳຂອງປອດໄພ.

ໃນກອງປະຊຸມຍັງໄດ້ເຊັນບົດບັນທືກ ກອງປະຊຸມສອງຝ່າຍລະດັບລັດຖະມົນຕີຄັ້ງທີ່ 17 ວ່າດ້ວຍການຮ່ວມມືຄວບຄຸມຢາເສບຕິດ,ສານອອກລິດຕໍ່ຈິດປະສາດ ແລະ ສານເຄມີຕົ້ນລະຫວ່າງຄະນະກຳມະການ ແຫ່ງຊາດເພືອກວດກາ ແລະ ຄວບຄຸມຢາເສບຕິດ ແຫ່ງ ສປປ ລາວ ແລະ ຄະນະກຳມະການແຫ່ງຊາດເພື່ອກວດກາແລະຄວບຄຸມຢາເສບຕິດແຫ່ງ ລາສະອານາຈັກກຳປູເຈຍ ແລະ ບົດບັນທືກການຮ່ວມມືລະຫວ່າງ ຄະນະກຳມະການແຫ່ງຊາດເພື່ອກວດກາແລະຄວບຄຸມຢາເສບຕິດ ແຫ່ງ ສປປ ລາວ ແລະ ຄະນະກຳມະການ ແຫ່ງຊາດ ຕ້ານເອດ,ຢາເສບຕິດ ແລະ ໂສເພນີ ແຫ່ງ ສສ ຫວຽດນາມ.ໂອກາດນີ້ ພັທ ພຸດສະຫວາດ ສູນທະລາ ຮອງຫົວໜ້າຫ້ອງການກວດກາແລະຄວບຄຸມຢາເສບຕິດ ກົມໃຫ່ຍຕຳຫຼວດກະຊວງປ້ອງກັນຄວາມສະຫງົບລາວຍັງໄດ້ຖະແຫຼງຜົນເຊີ່ງກອງປະຊຸມເຫັນດີໃຫ້ບູລິມະສິດໃນການຈັດຕັ້ງປະຕິບັດມາດຕາການທີ່ມີສິດທິຜົນຕໍ່ການຕ້ານການລັກລອບຄ້າຂາຍຢາເສບຕິດທີ່ຜິດກົດໝາຍຂ້າມຊາຍແດນ,ເພື່ອເສີມຂະຫຍາຍການປະຕິບັດງານຮ່ວມກັນຕາມຊາຍແດນ ປ້ອງກັນລັກລອບຄ້າຂາຍຢາເສບຕິດທາງບົກ,ທາງນ້ຳ ແລະ ທາງອາກາດ ເພື່ອສ້າງຄວາມ ເພື່ອສ້າງຄວາມເຂັ້ມແຂງ ແລະ ສະໜ້ບສະໜູນການປະຕິບັດງານຂອງຫ້ອງການປະສານງານການຄວບຄຸມຢາເສບຕິດຕາມຊາຍແດນເພື່ອອຳນວຍຄວາມສະດວກໃນການຮ່ວມມືຄວາມສາມາດໃຫ້ແກ່ກອງກຳລັງວີຊາສະເພາະໃນການປະຕິບັດໜ້າທີ່ອີດດ້ວຍ.

Off

Comments are closed.