12th Dec2018

ກອງປະຊຸມໃຫ່ຍຂອງສະຫະພັນນັກຮົບເກົ່າ ອາຊຽນ ຄັ້ງທີ່ 18

by somchan

 

ກອງປະຊຸມໃຫ່ຍຂອງສະຫະພັນນັກຮົບເກົ່າອາຊຽນ ຄັ້ງທີ່ 18 ໄດ້ຈັດຂື້ນໃນວັນທີ່ 11 ທັນວາ 2018 ນີ້ ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງ ພົທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ມີຄະນະຜູ້ແທນຈາກບັນດາສະຫະພັນນັກຮົບເກົ່າ 10 ປະເທດອາຊຽນເຂົ້າຮ່ວມ.

ພົຈວ ສົມພອນ ແກ້ວມີໄຊ ປະທານສະຫະພັນນັກຮົບເກົ່າ ແຫ່ງຊາດລາວ ໄດ້ກ່າວວ່າ: ກອງປະຊຸມໃຫ່ຍສະຫະພັນນັກຮົບເກົ່າອາຊຽນຄັ້ງທີ່ 18 ບັນດາສະຫະພັນນັກຮົບເກົ່າ 10 ປະເທດ ອາຊຽນ ໄດ້ພ້ອມກັນຄົ້ນຄ້ວາ ປືກສາຫາລືທົບທວນຄືນ ກ່ຽວກັບບັນດາໜ້າວຽກທີ່ໄດ້ຮ່ວມມືກັນຈັດຕັ້ງປະຕິບັດໃນໄລຍະຜ່ານມາເປັນຕົ້ນແມ່ນການສຸມໃສ່ຂອງພາກພື້ນອາຊຽນໃນການຕອບຕ້ານຄືນໄພຂົ່ມຂູ່ຈາກບັນຫາການກໍ່ການຮ້າຍ,ການຊຸກຍູ້ຊວ່ຍເຫຼືອ ແລະ ການພື້ນຟູໄພພິບັດທາງທຳມະຊາດຄວາມໝັ້ນຄົງທາງລະບົບຄອມພີວເຕີ,ການເຄື່ອນຍ້າຍພົນລະເມືອງຜິດກົດໝາຍ ແລະ ບັນຫາລະເບີດທີ່ຍັງບໍ່ທັນແຕກ,ທີ່ຍັງຄ້າງ ຢູ່ເປັນຈຳນວນ ຫຼວງຫຼາຍທີ່ເປັນໄພຂົ່ມຂູ່ຮ້າຍແຮງໃຫ້ແກ່ຊີວິດ ແລະ ຊັບສີນຂອງປະຊາຊົນທັງເປັນການກົດໜ່ວງທ່ວງດືງ,ການພັດທະນາເສດຖະກິດ-ສັງຄົມຂອງປະເທດກອງປະຊຸມໃນຄັ້ງ ນີ້ບັນດາຜູ້ແທນ ຈາກປະເທດ ອາຊຽນໄດ້ພ້ອມກັນຄົ້ນຄ້ວາວາງທິດທາງແຜນການທີ່ຈະຕ້ອງໄດ້ຮ່ວມມືກັນສຸມໃສ່ໃນຕໍ່ໜ້າໂດຍສະເພາະກໍ່ແມ່ນການສ້າງພາກພື້ນອາຊຽນໃຫ້ເປັນພາກພື້ນທີ່ມີແຕ່ສັນຕິພາບ,ສ້າງຄວາມສະຫງົບ ແລະ ຄວາມຢູ່ດີກີນດີຂອງປະຊາຊົນອາຊຽນໄດ້ຮັບການພັດຖະນາຢ່າງບໍ່ຢຸດຢັ້ງ

Off

Comments are closed.